„Flatbrauð með hangi og kókómjólk“
Það er óhætt að fullyrða að mikil spenna geri nú vart við sig hjá áhugafólki um sauðfjárrækt því að um komandi helgi eru mjög víða réttir á Norðurlandi. Gangnafólk hefur lagt í ann og ekki er hægt að segja að veðrið verði til verulegra trafala a.m.k. ekki þegar þoku hefur létt.
Vefurinn náði tali á gangnamanni sem bar sig vel, það væri ekki rigning en sú væri eiginlega hans eina ósk ár hvert sem hann færi í göngur þ.e. ,,Gunni, bara að hann hangi þurr“. Þessum gangnamanni sýndist fé vel haldið og þrátt fyrir fremur kalt sumar væri haginn fallegur og hann skilaði góðu fé af fjalli. ,,Þetta eru eins og jólin, eða skemmtilegur leikur með Liverpool, það er svo gaman i göngum“ sagði hann glaðhlakkalega (hafði ekki heyrt af óförum enska liðsins i gærkvöldi )
,,Flatbrauð með hangi og kókómjólk, ásamt vænum klár og góðu fólki er á við tveggja vikna ferð til útlanda að gæðum“ bætti hann svo við þessi káti gangnamaður sem baðst undan því að vera nafngreindur.
,,Við réttum í Gljúfurárrétt (skammt frá Grenivik) á sunnudaginn. Byrjum kl 9 en við komum að seinni partinn á laugardag“ sagði Þórarinn Ingi Pétursson bóndi og þingmaður í stuttu rabbi við vefinn þegar hann var staddur á Keflavikurdal við undir öflugri stjórn Heimis Ásgeirssonar sem er gangnaforingi á svæði þvi sem Þórarinn Ingi er á. Þórarinn sagði svipaða sögu og sá sem ekki vildi láta nafns getið, gott veður, góður hagi og fé vænt. Hann sagði að vel gengi að manna störf í göngurnar, þau væri sex við leitir núna en svo bættist vel í hópinn og liklega væri gangnafólk nálægt fimmtíu undir lokinn.
Hér fyrir neðan fylgir svo listi yfir réttir á Norðurlandi um helgina, þvi miður hefur vefurinn ekki tímasetningu á þvi hvenær réttir hefjast á öllum stöðum en oft er það fyrir eða um hádegi.
|
Akureyrarrétt við Hrappstaði, Eyjafirði |
laugardaginn 10. sept., |
|
Árskógsrétt á Árskógsströnd, Eyjafirði |
sunnudaginn 11. sept. |
|
Dalvíkurrétt, Dalvík |
sunnudaginn 11. sept. |
|
Hraungerðisrétt í Eyjafjarðarsveit |
laugardaginn 10. sept. |
|
Reistarárrétt í Hörgársveit, Eyjafirði |
laugardaginn 10. sept. |
|
Staðarbakkarétt í Hörgárdal, Eyjafirði |
laugardaginn 10. sept. |
|
Þorvaldsdalsrétt í Hörgársveit, Eyjafirði |
sunnud 11 sept. um kl 10 |
|
Þórustaðarétt á Moldhaugnahálsi, |
laugardaginn 10. sept. |
|
Álandstungurétt í Svalbarðshreppi í Þistilfirði |
sunnudaginn 11. sept. kl. 08:00 |
|
Dalsrétt í Svalbarðshreppi í Þistilfirði |
laugardaginn 10. sept. kl. 08:00 |
|
Fjallarétt í Kelduhverfi |
laugardaginn 10. sept. kl. 17:00 |
|
Geldingárrétt á Svalbarðsströnd |
laugardaginn 10. sept. kl. 09:00 |
|
Gljúfurárrétt í Grýtubakkahr., S.-Þing. |
sunnudaginn 11. sept. kl. 09:00 |
|
Gunnarsstaðarétt í Svalbarðshreppi í Þistilfirði |
laugardaginn 10. sept. kl. 08:00 |
|
Hraunsrétt í Aðaldal, S.-Þing. |
sunnudaginn 11. sept. kl. 10:00 |
|
Húsavíkurrétt |
laugardaginn 10. sept. kl. 14:00 |
|
Hvammsrétt í Svalbarðshreppi í Þistilfirði |
föstudaginnn 9. sept. kl. 16:00 |
|
Lokastaðarétt í Fnjóskadal, S.-Þing. |
sunnudaginn 11. sept. kl. 09:00 |
|
Mánárrétt á Tjörnesi |
sunnudaginn 11. sept. kl. 09:00 |
|
Skógarrétt í Reykjahverfi, S.-Þing. |
laugardaginn 10. sept. kl. 14:00 |
|
Stórsandhólarétt á Sandhólum - Tjörnesi |
laugardaginn 10. sept. kl. 13:00 |
|
Tjarnarleitisrétt í Kelduhverfi, N.-Þing. |
sunnudaginn 11. sept. kl. 13:00 |
|
Víkingavatnsrétt í Kelduhverfi, N.-Þing. |
laugardaginn 10. sept. kl. 17:00 |
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
