6. nóvember - 13. nóvember - Tbl 45
Engin lyfjaskápur í Grímsey til að nýta ef upp kemur alvarlegt slys
Grímsey. Mynd úr safni/Auðunn Níelsson
„Það fór ýmislegt í gang eftir að hér varð bílslys um daginn og ég vona að málin horfi til betri vegar,“ segir Halla Ingólfsdóttir formaður Hverfisnefndar Grímseyjar, en mikil umræða var á fundi nefndarinnar um viðbrögð við slysum og þjálfun eyjarskeggja. Upp hafa um tíðina komið alvarleg slys, mjaðmagrindabrot og hálsbrot og staðan þannig að lítið sem ekkert var hægt að verkjastilla fólk á meðan beðið var eftir aðstoð vegna lyfjaskorts.
„Við hér í Grímsey verðum að vera betur undirbúin en fólk víðast hvar annars staðar ef hér verður slys, því oft getur háttað þannig til að erfitt sé að koma aðstoð út í eyjuna,“ segir hún. Árið 2014 bauð Sjúkraflutningaskólinn upp á námseið um fyrstu hjálp í Grímsey og upprifjunarnámskeið tveimur árum síðar. Frá þeim tíma hefur lítið gerst og margir sem sóttu þessi námskeið hafa flutt úr eyjunni eða dvelja í landi yfir vetrartímann.
Mikill áhugi er á að fá svona námskeið aftur og segir Halla að slökkvilið hafi sett sig í samband við íbúa eftir að bílslysið varð. „Það fór greinilega eitthvað ferli í gang við þann atburð og vonandi kemur eitthvað gott út úr því,“ segir Halla.
Sótt um að fá lyfjaskáp
Einnig var á fundinum rætt um hvað til væri í eyjunni af búnaði og lyfjum ef upp koma slys, enda getur orðið ófært til Grímseyjar dögum saman. „Það er ekkert til sterkara við verkjum hér en parkódín á einstaka heimili og einhver deyfiefni í bátum ef til kemur að þurfi að sauma,“ segir Halla. Lyfjaskápur er heima hjá læknaritara en hann geymir eingöngu varabirgðir af sýklalyfjum. Sterk verkjalyf má ekki hafa hvar sem er, en fram er komin hugmynd um að setja upp læstan skáp með sterkum verkjalyfjum og þegar hringt yrði í gengum 112 eftir aðstoð gæti læknir sem rætt væri við gefið upp kóða sem opnaði skápinn. Búið er að sækja um að fá slíkan lyfjaskáp til Grímseyjar. „Vonandi kemur hann sem fyrst, því það er mikið öryggisatriði fyrir okkur.“
Nýjast
-
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum.
