Endurvinnslan 100 þúsund dósum skilað inn á einum degi
„Það hefur verið mikið að gera hjá okkur síðustu daga, stöðugur straumur og sem dæmi tókum við á tókum við á móti 100 þúsund einingum á föstudag. Það er næstmesta magn sem við höfum fengið á einum degi,“ segir Indriði Helgason verkstjóri hjá Endurvinnslunni á Akureyri. Endurvinnslan sér um móttökum allra einnota drykkjarvöruumbúða hér á landi, greiðir út skilagjald, undirbýr til útflutnings og selur til endurvinnslu. Ísland var fyrsta land í heiminum til að koma á skilagjaldskerfi á landsvísu fyrir allar einnota drykkjarvöruumbúðir. Frá því fyrirtækið hóf starfsemi árið 1989 hefur náðst góður árangur í söfnuninni, skilin nálagast það að vera um 90% á ársgrundvelli.
Indriði segir að skil dag frá degi séu nokkuð misjöfn, en algengt að um 50 til 60 þúsund dósum sé skilað inn á venjulegum degi. „Við fáum svo alltaf af og til stóra daga, eftir hátíðar t.d. jól og páska og þá kemur drjúgt inn eftir verslunarmannahelgar. Fólk kemur saman í meira mæli, það eru alls kyns boð og drykkir í boði. Svo er öllu skilað inn eins og vera ber og þá er mikið að gera hjá okkur,“ segir hann.
Stanslaus keyrsla á vélunum
Indriði hefur starfað sem verkstjóri í Endurvinnslunni á Akureyri undanfarin 6 ár og segir að á þeim tími hafi mesta magnið á einum degi verið 106 þúsund dósir. „Á þannig dögum stoppar ekkert, vélarnar ganga stanslaust allan daginn,“ segir hann. Þannig var síðasti föstudagur þegar bæjarbúar streymdu með dósir sínar í endurvinnslu eftir páskaþambið. Mikið var að gera alla vikuna en langmest rétt fyrir helgi og toppnum náð á föstudag.
Indriði segir að Endurvinnslan á Akureyri sinni stóru svæði en tekið er á móti dósum af öllum Austfjörðum, allt suður til Djúpavogs og vestur um að Sauðárskróki. Þá er tekið á móti dósum frá Ísafirði, þær koma í gámum norður og eru pressaðar þar. „Við erum með góðar af afkastamiklar vélar, enda veitir ekki af þegar við fáum þetta magn inn til okkar,“ segir hann.
Akureyringar eru að sögn almennt duglegir að skila inn dósum. Þá eru nokkrir sem fara um og safna dósum á förnum vegi og geta haft drjúgar aukatekjur ef vel er haldið á spöðunum. „Það er hægt að hafa sæmilegt upp úr þessu, við borgum 20 krónur á hverja dós þannig að þetta er fljótt að koma. Það fólk sem sinnir þessu vinnur í leiðinni þjóðþrifaverk og losar okkur við að rusl af víðavangi, þannig að það er besta mál.“
Bras og kostnaður að fá glerkrukkur
Gler af ýmsu tagi kemur á stundum með í pokum þeirra sem skila, sultukrukkur, lýsis- og olíuflöskur, en það á ekki heima hjá Endurvinnslunni. Því á að skila í gáma á grenndarstöðvum. „Það er bölvað bras fyrir okkur að fá þetta gler inn, en við höfum ekki verið að amast við því, að minnsta kosti ekki að gera fólk afturreka ef það er með eina og eins krukku,“ segir Indriði. Endurvinnslan þurfi að losa sig við glerið og rukki Akureyrarbær 25 krónur fyrir hvert glerílát sem skilað er. Öllu er svo dúndrað saman og ekið með tilheyrandi kostnaði og kolefnisspori á urðunarstaðinn vestur á Sölvabakka við Blönduós. „Þetta er alveg synd að horfa upp á þetta,“ segir Indriði.
Alls konar varningur hef slæðist með í pokum bæjarbúa, eitt sinn rúlluð þessu fínu rúmföt eftir færibandinu „en líklega vorum við mest hissa þegar g-strengur rann eftir bandinu innan um dósirnar.“
Tæp 75% nýta nýja appið
Nýlega var nýtt greiðslufyrirkomulag tekið upp hjá Endurvinnslunni og getur fólk hlaðið niður þar til gerðu appi og notað í viðskiptum við fyrirtækið. Indriði er ánægður með þá sem skila inn dósum á Akureyri, tæplega 75% þeirra nýta sér nýja appið og finnst það til hagsbóta. Sambærileg tala fyrir Reykjavík er 50%, „þannig að við erum að standa okkur vel,“ segir hann. Örfáir kvarta og finnst þessi nýjung ömurleg og vilja ekki sjá þetta. „Fýlupokarnir sem vilja bara hafa þetta með gamla laginu eru kannski 0.04% þeirra sem koma. Við getum vel við unað,“ segir hann.
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
