27. nóvember - 4. desember - Tbl 48
Einstakur viðburður í félagslífi stúdenta við Háskólann á Akureyri
Meðfylgjandi myndir tók Egill Bjarni Friðjónsson
Það var svo sannarlega líf og fjör í miðbæ Akureyrar á föstudag í síðustu viku þegar stúdentar úr Háskólanum á Akureyri fjölmenntu á Ráðhústorg í skrautlegum búningum. Um var að ræða Sprellmót háskólans sem er árlegur viðburður Stúdentafélags Háskólans á Akureyri (SHA). Sprellmótið er einn af aðalviðburðum í félagslífi stúdenta en þar keppa aðildarfélög SHA, 7 talsins, í hinum ýmsu greinum. Gestir og gangandi gætu hafa heyrt í herlegheitunum enda snerist ein keppnin um að hafa sem mestu lætin með söng. Einnig var keppt í reiptogi og að gera mennskan pýramída. Dagskráin hélt svo áfram í Háskólann á Akureyri þar sem meðal annars var keppt í hjólbörukeppni, ásadansi, belghoppi og bjórþambi, svo fátt eitt sé nefnt. Keppnin endaði svo um kvöldið á hæfileikakeppni.
Stúdentar við Háskólann á Akureyri eru afar ánægðir með sprellmótið enda er það einstakur vettvangur fyrir alla stúdenta háskólans til þess að koma saman og mynda tengsl þvert á námsleiðir háskólans. Mótið hefur fest sig í sessi sem einn vinsælasti viðburður SHA og er alltaf vel sóttur af stúdentum. Stafsfólk háskólans sér um dómgæslu á mótinu og skemmtir sér ekki síður en stúdentarnir.
„Það er ekkert sem toppar Sprellmótið og það er án efa uppáhalds viðburður þeirra sem þekkja mótið og hafa tekið þátt. Mér finnst þetta frábært tækifæri til að kynnast öðrum stúdentum og þegar maður sér búningana þá áttar maður sig stundum á, já þessi er í hjúkrunarfræði eða sjávarútvegsfræði. Á Sprellmótinu fórna stúdentar sér svo sannarlega fyrir félagið og fara út fyrir þægindarammann auk þess fá stúdentar svo mikla hvatningu frá öllum, ekki bara frá sínu aðildarfélagi heldur einnig frá öðrum félögum,“ segir Sólveig Birna Elísabetardóttir, formaður SHA.
Nýjast
-
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra.
