20. nóvember - 27. nóvember - Tbl 47
Efla - Fjölbreytt og krefjandi verkefni af ýmsu tagi
EFLA bauð viðskiptavinum og öðrum gestum í boð í Ketilhúsinu í tilefni af 50 ára afmæli sínu á liðnu hausti Myndir EFLA
EFLA bauð viðskiptavinum sínum til fagnaðar í Ketilhúsinu í tilefni af 50 ára afmæli stofunnar, sem var í október síðastliðnum. „Ástæða þess að við vildum halda boð norðan heiða er vegna þess hversu mjög skrifstofan hefur stækkað að undanförnu,“ segir Hjalti Már Bjarnason, svæðisstjóri EFLU á Norðurlandi.
Starfsfólk EFLU á Norðurlandi er um 30 talsins, langflest á Akureyri en einnig starfar fólk á Siglufirði, Húsavík og í Þingeyjarsveit, við Mývatn. Bróðurpartur starfmanna EFLU var í boðinu ásamt framkvæmdastjórn fyrirtækisins, þar á meðal svæðisstjórum, sviðsstjórum og framkvæmdastjóra. „Það er alltaf gott að hitta fólkið sem við vinnum með utan vinnutíma og á verkstöðum. Þar gefst kærkomið tækifæri til að ræða ýmsa hluti og gera sér glaðan dag,“ segir Hjalti Már sem kynnti starfsemi fyrirtækisins fyrir norðan og sagði frá helstu verkefnum á viðburðinum.
Anna Bragadóttir, Sigríður Stefánsdóttir, Dagmey Kristjánsdóttir, Margrét Róbertsdóttir, Tinna Arnarsdóttir og Elín María Helgadóttir, hjá EFLU á Norðurlandi.
Birta Kristín Helgadóttir, sviðsstjóri orku hjá EFLU, flutti einnig stutt erindi sem fjallaði um orkuskiptin og möguleikana sem felast í þeim. Þegar kemur að orkuskiptum vinnur EFLA að verkefni til að nýta glatvarma frá álþynnuverksmiðju TDK til upphitunar á Akureyri í veitukerfi Norðurorku og hagkvæmnigreiningu á nýtingu glatvarma frá kísilveri PCC í grænum iðngarði á Bakka norðan Húsavíkur.
Smávirkjanir, KA-svæði og baðstaðir
Meðal verkefna sem starfsfólk EFLU á Norðurlandi hefur unnið að eða vinnur um þessar mundir eru uppbygging á KA-svæðinu þar sem EFLA sér um hönnun burðarvirkis, lagna og loftræsingar í nýrri stúku og félagsaðstöðu. Skógarböðin þar sem fyrirtækið sá um alla verkfæðiráðgjöf, m.a. burðarvirki, laugakerfi, rafkerfi og lýsingu. Einnig Jarðböðin í Mývatnssveit þar sem EFLA sér um verkfæðiráðgjöf.
Hjalti Már Bjarnason svæðistj. EFLU á Norðurlandi fór yfir verkefni fyrirtækisins.
„Þá er eitt af sérsviðum EFLU hönnun smávirkjana og höfum við komið að mörgum virkjunum ma. Glerá I, II, Hólsvirkjun og Þverárvirkjun. Nýjasta verkefnið er Árskógsvirkjun í Þorvaldsdal,“ segir Hjalti Már en starfsfólk EFLU tekur einnig þátt í vinnu við fyrirhugaða göngu- og hjólabrú yfir Glerá, vestan Hörgárbrautar. Auk þess að sjá um fjölda verkefna á svæðinu vinnur starfsfólk EFLU Norðurlandi að fjölbreyttum verkefnum í samstarfi við starfsfólk fyrirtækisins um allan heim.
Jón Pétur Indriðason og Ólafur Ágúst Ingason sviðsstjóri bygginga hjá EFLU
Nýjast
-
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs
