Dorgað á bryggjunni
Bakþankar
Egill P. Egilsson skrifar
Loksins hefur mér tekist að vekja áhuga sona minna tveggja á stangveiði en ég hef reynt mikið undan farin sumur án árangurs.
Ég fer seint að kalla sjálfan mig merkilegan stangveiðimann en það sem helst stendur uppúr þegar ég skoða æskuna í baksýnisspeglinum; þá eru það allar þær fjölmörgu stundir sem ég eyddi með vinum mínum niðri á bryggju á Húsavík með stöng eða færi. Aflabrögðin voru mikil og ekki óalgengt að tugir, jafnvel hundrað fiskar hafi náðst á land.
Það hefur mikið breyst á hafnarsvæðinu frá þessum tíma og ekki síður í viðhorfi fólks. Þegar ég var gutti var mikið um að vera fyrir neðan bakka og allt tengt fiskveiðum. Oft sá maður smáhveli, blöðrusel og jafnvel beinhákarl á bryggjukantinum. Það þótti okkur strákunum alltaf jafn merkilegt. Spörkuðum tánni lauslega í hræin og vorum montnir yfir því sem fyrir augu bar, líkt og við hefðum sjálfir með hreisti okkar dregið þessar skepnur að landi.
Oftar en ekki klifruðum við um borð í einhverja af þeim fjölmörgu trillum sem gerðar voru út frá Húsavík á þeim tíma, þaðan dorguðum við með svörtum Toby sem Dúddi hafði selt okkur í Hljóð og sport. Stundum fengum við lánaða gogga í trillunum og notuðum þá til að húkka upp ufsa sem voru í torfum við frárennslið frá gamla sláturhúsinu. Aldrei man ég eftir að nokkur maður hafi amast yfir þessu hjá okkur nema síður væri. Og ekki man ég eftir að nokkurn tíma hafi nokkur hafi áhyggjur af okkur bútungunum eftirlitslausum niðri á bryggju. Þetta var bara hluti af menningunni.
Nema í eitt skipti… Þegar ég var einn niðri á bryggju og Bendi kom hlaupandi, lafmóður og óðamála; greip mig þar sem ég var kíkja yfir bryggjukantinn, skóflaði mér inn í bíl og skutlaði mér heim. Á leiðinni stamaði hann út úr sér að ég ætti að vera í björgunarvesti, en þarna var ég nú bara fimm ára.
Það er svo spurning hvor hafi meira þurft á áfallahjálp við þessa lífsreynslu, ég eða Bendi. Ég man að minnsta kosti eftir því að næst þegar ég fór niður á bryggju var ég í allt of stóru björgunarvesti af bróður mínum. Mamma hefur eflaus sagt að ég myndi stækka upp í það.
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
