Dagur íslenskrar tungu Útgáfuhóf -100 árum eftir útkomu fyrstu Nonnabókarinnar!
Nonnahátíð verður haldin í Nonnahúsi næstu daga og hefst dagskráin í dag , á Degi íslenskrar tungu, sem jafnframt er afmæli barnabókarithöfundarins Jóns Sveinssonar, Nonna. Deginum deilir hann með Jónasi Hallgrímssyni en á milli þeirra voru 50 ára.
„Við teljum ærið tilefni til að fagna,“ segir Haraldur Þór Egilsson safnstjóri Minjasafnsins á Akureyri en efnt var til síðbúins útgáfuhófs í tilefni útkomu fyrstu Nonnabókarinnar á íslensku –100 árum eftir útkomu hennar.
Handrit að fyrstu bók Nonna sem hann skrifaði á dönsku og þýðing Freysteins Gunnarssonar verður til sýnis í Nonnahús fram á sunnudag. Sú sýning ber yfirskriftina Handritin heim. Landsbókasafn-Háskólabókasafn sem varðveitir skjalasafn Jóns Sveinssonar lánar handritin tímabundið til safnsins. „Það er gríðarmikill fengur að því fyrir okkur að fá þetta lánað og mikill heiður að sýna handritið í sjálfu Nonnahúsi,“ segir hann.
Annað tilefni til að halda upp á tímamótin er að nú í ár, á 100 ára afmæli fyrstu bókarinnar, Nonni, er upplestur á henni aðgengilegur á Storytel, en Hinrik Ólafsson sá um lesturinn.
Margs konar viðburðir verða í tengslum við Nonnahátíð, en boðið verður upp á leiðsögn um húsið þessa daga, lesið verður upp úr bókinni um Nonna, gestum býðst að myndskreyta Nonnabók. Á laugardag kynnir Brynhildur Þórarinsdóttir rithöfundur nýjustu bók sína, Dularfulla hjólahvarfið og á sunnudag koma þau Petrea og Michael, kennarar við Tónlistarskólann á Akureyri og leika á þverflautu og klarinett á Minjasafninu.
Góð aðsókn hefur verið í Nonnahús í ár, um 10 þúsund gestir hafa skoðað húsið og þá muni sem það hefur að geyma. „Þetta er prýðisgóð aðsókn, meiri en oft áður og það á eftir að bætast við því við verðum með jóladagskrá hjá okkur á aðventunni sem og fáum skólaheimsóknir, svo líklega endar þetta með um 12 þúsund gestum,“ segir hann.
Nýjast
-
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin.
