Brýnt en kostnaðarsamt að rafvæða íslenskar hafnir
Akureyrarhöfn stefnir að því að ljúka uppbyggingu fyrir raftengingu farþegaskipa í höfnum Akureyrar eins fljótt og auðið er en nú þegar má segja að allir togarar og minni skip tengi sig við rafmagn í höfnum bæjarins.
Síðustu misserin hefur sjónum verið beint að þeirri mengun sem útblástur skemmtiferðaskipa getur valdið og er brýnt að finna lausn á þeim vanda. Hins vegar má ljóst vera, að sögn Péturs Ólafssonar hafnarstjóra á Akureyri, að rafvæðing hafna fyrir stærri skemmtiferðaskip er gríðarstórt verkefni sem íslenskar hafnir hafa ekki bolmagn til að fjármagna nema með verulegum fjárhagslegum stuðningi ríkisins þar sem kostnaður við slíkar landtengingar hleypur á milljörðum króna.
„Fyrsta skrefið í rafvæðingu Akureyrarhafnar var stigið þegar öflugum háspennutengingum var komið upp við Tangabryggju. Áður en langt um líður geta minni skemmtiferðaskip tengst rafmagni þar og verður þannig dregið úr útblæstri gróðurhúsalofttegunda. Þessi framkvæmd kostaði um 250 milljónir króna og hefur Hafnarsamlag Norðurlands að mestu leyti fjármagnað hana. Nú er að hefjast endurbygging Torfunefsbryggju og stefnt er að sambærilegri tengingu þar. Stærri skref verða vart stigin nema með enn meiri aðkomu ríkisins,“ segir Pétur.
Í þessu samhengi er vert að benda á að ríkissjóður hefur mikinn fjárhagslegan ávinning af komu skemmtiferðaskipa í íslenskar hafnir. Í könnun sem gerð var fyrir Cruise Iceland árið 2018 kemur fram að komur skemmtiferðaskipa skila ríflega 16 milljörðum króna í þjóðarbúið árlega og skapa um 920 heilsársstörf. Ríkið fær skatttekjur í formi vitagjalda og tollafgreiðslugjalda og hafnir fá tekjur af hafna- og þjónustugjöldum; umboðsmenn veita skipunum nauðsynlega þjónustu, annast samskipti við hafnir, opinbera aðila og birgja; ferðaþjónustan skipuleggur ferðir og rútufyrirtæki og leiðsögumenn koma ferðamönnum á leiðarenda; birgjar sjá um aðföng skipanna og svo má nefna þjónustu skemmtikrafta, viðgerðarþjónustu, sorphirðu og margt fleira. Þjóðhagslegur ávinningur af komu skemmtiferðaskipanna er því verulegur og teygir anga sína víða.
Pétur Ólafsson vekur loks athygli á því að í reglugerð um útblástur skipa sem tók gildi 1. janúar 2020, sé ákvæði um að ekkert skip sem liggi við bryggju á Íslandi megi nota svartolíu og nú sé svo komið að engin skemmtiferðaskip noti svartolíu í mengunarlögsögu Íslands. Hámark brennisteinsinnihalds í skipaeldsneyti megi ekki vera meira en 0,5% og ný lofthreinsikerfi skemmtiferðaskipa hafi þá eiginleika að minnka losun brennisteinstvíoxíðs um 98%. Öllum skipum við bryggjur er skylt að nýta sér rafmagn úr landi í stað skipaeldsneytis ef það er mögulegt. Það gildir einnig um stór skemmtiferðaskip.
Frá þessu greinir heimasíða Akureyrar
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
