20. nóvember - 27. nóvember - Tbl 47
Brynja Dís úr Lundarskóla sigraði í upplestrarkeppni grunnskólanna
Keppendur í Upphátt, upplestrarkeppni grunnskóla Akureyrar 2024. Fremst fyrir miðju er Brynja Dís Hafdal Axelsdóttir úr Lundarskóla sem varð í 1. sæti. Næst henni til vinstri stendur Sigurður Hólmgrímsson úr Brekkuskóla og í öftustu röð, fjórða frá vinstri, er Konný Björk Þórðardóttir úr Naustaskóla. Mynd akureyri.is
Brynja Dís Hafdal Axelsdóttir úr Lundarskóla hreppti 1. sætið í Upphátt, upplestrarkeppni grunnskólanna á Akureyri, sem var haldin fimmtudaginn 7. mars sl. Keppnin var haldin í Hömrum í Menningarhúsinu Hofi og var þetta í 23. skiptið sem hún fer fram.
Nemendur í 7. bekk tóku þátt í keppninni en áður en lokahátíðin átti sér stað höfðu grunnskólar bæjarins haldið forkeppni þar sem tveir fulltrúar voru valdir til að keppa fyrir hönd hvers skóla. Í aðdraganda hátíðarinnar var einnig blásið til samkeppni meðal 7. bekkja um besta veggspjaldið. Falleg teikning eftir Ými Helga Teitsson, nemanda í 7. bekk Síðuskóla, sigraði og prýddi veggspjald Upphátt 2024, viðurkenningarskjöl og boðskort keppninnar.
Nemendur og kennarar leggja talsverða vinnu í undirbúning keppninnar sem hefst árlega á degi íslenskra tungu, 16. nóvember. Sá hluti keppninnar er kallaður ræktunarhluti þar sem nemendur 7. bekkjar leggja sérstaka áherslu á upplestur, vandaðan framburð, framkomu og túlkun orða.
Í ár áttu sjö skólar fulltrúa í keppninni og 13 hæfileikaríkir nemendur lásu hluta úr sögunni Hetja eftir Björk Jakobsdóttur og ljóð eftir Braga Valdimar Skúlason. Loks lásu þeir ljóð að eigin vali. Í dómnefnd sátu Eyrún Huld Haraldsdóttir, Sigrún Stefánsdóttir og María Pálsdóttir. Ómissandi þáttur þessarar hátíðlegu stundar er tónlistarflutningur nemenda í Tónlistarskólanum á Akureyri í umsjá Steinunnar Arnbjargar Stefánsdóttur. Þá flutti Sandra María Jessen, íþróttakona Akureyrar 2023, ávarp til þátttakenda og gesta.
Það má með sanni segja að allir lesarar hafi staðið sig með miklum sóma og því var hlutskipti dómnefndar ekki auðvelt. Verðlaunasæti Upphátt, upplestrarkeppni grunnskólanna á Akureyri 2024, hrepptu:
- Brynja Dís Hafdal Axelsdóttir, Lundarskóla, 1. sæti
- Konný Björk Þórðardóttir, Naustaskóla, 2. sæti
- Sigurður Hólmgrímsson, Brekkuskóla, 3. sæti
Styrktaraðilar keppninnar í ár voru; Sparisjóður Höfðhverfinga, Penninn Eymundsson, Blómabúð Akureyrar, Mjólkursamsalan og Myllan. Þeim eru færðar bestu þakkir fyrir stuðninginn sem og öllum upplesurum, kennurum, tónlistarflytjendum, dómurum og öðrum sem komu að undirbúningi og framkvæmd þessarar keppni.
Frá þessu segir á heimasíðu Akureyrarbæjar
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
