Dagskráin 18.desember - 8.janúar 2025
Bjargaði tveimur kindum úr Grænalæk
Á myndinni sem Elísabet Þórunn Jónsdóttir tók rétt áður en Sveinn kom kindunum til bjargar sést að þær áttu sér einskis von.
Sveinn Arnarsson, búsettur á Akureyri, lenti í heldur óvenjulegum aðstæðum um verslunarmannahelgina þegar hann kom tveimur kindum til bjargar sem voru komnar í sjálfheldu í Grænalæk sem fellur í Mývatn. Þetta atvikaðist þannig að ég og unnusta mín tókum smá bíltúr og ákváðum að skoða Mývatn. Við keyrum suður fyrir vatnið en þegar við erum að keyra yfir brúna hjá Grænalæk sjáum við að vestan megin við ána eru um fimmtán kálfar að atast í tveimur rollum. Hinu megin við ána eru svo um tíu rollur en þessir kálfar hafa att kindunum tveimur ofan í ána og þær voru þarna fastar. Þá voru góð ráð dýr og annaðhvort að láta kindurnar drukkna eða hjálpa þeim upp á bakkann, segir Sveinn, sem valdi síðari kostinn.
Djúpt í mér er Framsóknargen og bóndinn kom upp í mér við sjá þetta. Það var aldrei efi hjá mér að koma þeim til bjargar. Þær voru sem betur fer vel hyrndar kindurnar og ég náði því góðu taki á þeim og tókst að hífa þær þannig upp úr ánni. Þetta voru smá átök en alveg þess virði, segir Sveinn. Hann fékk mikið lófaklapp fyrir þar sem rúta sem var full af ferðamönnum og átti leið hjá og fylgdist með.
Þessir ferðamenn hvöttu mig áfram og ég gerði þetta eiginlega undir dynjandi lófaklappi frá þýskum túristum. Þeir hafa kannski hugsað sem svo að svona eyðum við Íslendingar verslunarmannahelginni, segir Sveinn léttur í bragði að lokum.
Nýjast
-
Sportveiðiblaðið komið út
Út er komið 3 tbl 42 árgangur af Sportveiðiblaðinu og er það sem fyrr hið veglegasta, 124 blaðsíður sem margar hverjar bjóða upp á hreint frábærar myndir. Ritstjóri og ábyrgðarmaður Gunnar Bender, Marteinn Jónasson er útgáfustjóri. -
Um 1000 manns fara um Akureyrarflugvöll í dag
Það er óhætt að segja að starfsfólk á Akureyrarflugvelli vinni vel fyrir kaupinu sínu í dag en mikil umferð hefur verið um völlinn eins og sjá má á eftirfarandi færslu frá ISAVIA. -
Jólaminningar.
Nú þegar eru tæp 15 ár síðan við fluttum frá Akureyri finnst mér við hæfi að setja niður nokkrar jólaminningar. -
Jólabúð Helga og Beate
Bændahjónin Helgi Þórsson og Beate Stormo eru búsett í Kristnesi í Eyjafjarðarsveit. Þar kennir ýmissa grasa og við kíktum til þeirra í kaffi á heiðskírum og nístingsköldum nóvemberdegi og fengum að heyra hvað er á döfinni hjá hjónunum. -
Þeir sem halda samfélaginu gangandi um jólin
Þegar jólin ganga í garð, fyllast flest heimili af hlýju, ljósi og samveru. Fjölskyldur safnast saman, njóta góðra veitinga og fagna hátíðinni. En á bak við þessar hátíðlegu stundir er fjöldi fólks sem vinnur ótrautt áfram til að tryggja öryggi, heilsu og þjónustu fyrir samfélagið. Þetta eru heilbrigðisstarfsmenn, lögreglumenn, slökkviliðsmenn, afgreiðslufólk og margir aðrir sem leggja sitt af mörkum til að halda samfélaginu gangandi, jafnvel á helgustu stundum ársins. -
Matargjafir Akureyri og nágrenni - söfnuðu 7 milljónum og náðu að aðstoða rúmlega 200 fjölskyldur
Sigrún Steinarsdóttir sem fer fyrir Matargjöfum Akureyri og nágrennis segir frá þvi í fæslu á Facebooksíðu átaksins að 7 miljónir hafi safnast og rúmlega 200 manns hafi þegið aðstoð. Þessi fjöldi er svipaður og var í fyrra. Færsla Sigrúnar var annars svona: -
Kuldatíð framundan - hugum að hitaveitunni
Það er hávetur og veðurspár boða okkur hörkufrost eftir helgina og gæti hitastigið farið niður í - 20 gráður. Þau hjá Norðurorku sendu þessa tilkynningu út síðdegis. -
Áramótabrennan suður af Jaðri
Áramótabrenna Akureyringa verður á sama stað og í fyrra, á auðu svæði nokkru sunnan við golfskálann á Jaðri. Þar verður kveikt í myndarlegri brennu kl. 20.30 á gamlárskvöld. -
Barn er fætt í heimahúsi
Nokkur aukning hefur orðið á tíðni heimafæðinga hér á Íslandi á síðastliðnum árum. Árið 1990 voru aðeins tvær skráðar heimafæðingar á landsvísu en árið 2021 voru þær 157 talsins. Inga Vala Jónsdóttir hefur starfað sem ljósmóðir frá árinu 2003 og síðar meir einnig sem brjóstagjafaráðgjafi og sem heimaljósmóðir. Ingu Völu þykir bersýnilega vænt um starfið sitt og skjólstæðinga eins og lesa má úr viðtalinu sem undirrituð tók við hana á dögunum.
