Bakkasystur bjóða í vöfflukaffi
Laugardaginn 25. júní næstkomandi kl. 15-17 bjóða Bakkasystur ehf. í vöfflukaffi í Hafnarvoginni á Bakkafirði sem staðsett er við Bjargið fiskvinnslu. Þar munu þær kynna starfsemi og markmið fyrirtækisins, en í húsinu verður komið á fót sögusýningu um lífið á Bakkafirði á síldarárunum. Systurnar kynna fyrstu drög að því þennan dag. Greint er frá þessu á vef SSNE
Bakkasystur eru þær Anna Maria Kowalska, Eva María Hilmarsdóttir, Ragnhildur Halla Bjarnadóttir, Sigríður Sólan Guðlaugsdóttir og Sædís Ágústsdóttir. Allar eiga þær tengingu við bæinn, en Anna María og Sædís eru búsettar á Bakkafirði. Fyrirtækið býður upp á markaðsþjónustu og ráðgjöf.
„Við erum fullar bjartsýni á að okkur takist að skapa fleiri störf, sérstaklega fyrir konur sem búa á Bakkafirði eða nágrenni. Þetta er langtímaverkefni og við miðum að því að bjóða upp á öfluga þjónustu á ýmsum sviðum fyrir Norðausturland í framtíðinni,“ segir Eva María.
Fyrirtækið hlaut nýverið styrk upp á 1,5 milljónir króna frá verkefninu Atvinnumál kvenna á vegum Vinnumálastofnunar til að auka markaðsþjónustu á svæðinu, þá hefur Anna Maria einnig fengið styrk úr Frumkvæðissjóði Betri Bakkafjarðar sem ungur Bakkfirðingur. Sögusýningin í Hafnarvoginni fékk einnig úr sömu úthlutun, að frumkvæði Birgis Ingvarssonar, og er sögusýningin jafnframt eitt af þeim frábæru verkefnum sem hlutu styrk úr Uppbyggingarsjóði NE 2022.
Nýjast
-
Tími til að gleðjast með fjölskyldunni
Aðventuhátíðin Jólabærinn minn á Húsavík -
Njál Trausta áfram sem þingmann okkar í Norðausturkjördæmi
Njáll Trausti Friðbertsson er í baráttusæti Sjálfstæðisflokksins í þeim tvísýnu þingkosningum sem framundan eru. -
Að kjósa taktískt
Komið er að lok kosningabaráttu sem hefur í senn verið áhugaverð og skemmtileg. -
Stefnir í litaðar viðvaranir i veðrinu
Óhætt er að fullyrða að það hvernig veður skipast í lofti næstu daga muni hafa áhrif hvernig tekst til við við framkvæmd Alþingiskosninga, en óhætt er að segja að blikur séu á lofti. -
Alþingiskosningar, laugardaginn 30. nóvember 2024
Kjörstaðir í Akureyrarbæ eru í Verkmenntaskólanum á Akureyri, í Hríseyjarskóla og í Félagsheimilinu Múla í Grímsey. Akureyrarbæ er skipt í 13 kjördeildir, 11 á Akureyri, ein í Hrísey og ein í Grímsey. Skipting kjósenda í kjördeildir fer eftir búsetu samkvæmt skráðu lögheimili hjá Þjóðskrá þann 29. október kl. 12:00 og eru kjósendur beðnir um að kynna sér í hvaða kjördeild þeim ber að kjósa. Hægt er að fletta upp í kjörskrá á vef Þjóðskrár á slóðinni: www.kosning.is. Kjörfundur hefst kl. 9:00 og lýkur eigi síðar en klukkan 22:00. -
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur.
