20. nóvember - 27. nóvember - Tbl 47
Anna Júlíusdóttir nýr formaður Einingar-Iðju Tekst full af eldmóði á við stór, krefjandi verkefni sem framundan eru
Anna Júlíusdóttir nýr formaður Einingar Iðju með Tryggva Jóhannssyni formanni Matvæla- og þjónustudeildar sem nú tekur við sem varaformaður félagsins út starfsárið.
„Það eru mörg, stór og krefjandi verkefni framundan sem takast þarf á við, en ég er full af eldmóði og hef mikinn áhuga fyrir verkalýðsmálum. Ég brenn fyrir því að vinna að bættum hag verkafólks og að staða þess verði sem allra best,“ segir Anna Júlíusdóttir nýkjörinn formaður Einingar Iðju sem starfar á Eyjafjarðarsvæðinu, frá Siglufirði og að Grenivík. Félagsmenn eru um 8 þúsund talsins og er félagið stærsta verkalýðsfélagið á landsbyggðinni.
Anna hefur frá árinu 2012 verið varaformaður Einingar Iðju og þekkir starfsumhverfið því vel. Hún er fædd og uppalinn á Siglufirði og hóf sinn starfsferil þar, m.a. við fiskvinnu. Anna flutti til Akureyrar árið 1994, þá rúmlega þrítug og hóf störf hjá ÚA.
Sá ljósið
„Minn bakgrunnur er í verkamannavinnu, ég starfaði alla tíð í fiski þar til ég kom til Einingar fyrir ríflega áratug. Mér fannst það í fyrstu frekar skrýtið, að leggja frá sér fiskskurðarhnífinn og fara að stara á tölvuskjá. Fannst ég einhvern veginn ekki verið að gera mikið gagn, því í fiskvinnunni eru allir meðvitaðir um að þeir eru að skapa verðmæti, gjaldeyristekjur fyrir Íslendinga. Mér fannst þetta eitthvað svo léttvægt miðað við fyrra starf, en sem betur fer sá ég ljósið. Við hjá Einingu Iðju veitum okkar fólki góða og nauðsynlega þjónustu, það er mikilvægt líka. Ég sá fljótt að ég gerði gagn, þó ég væri ekki að skera fisk,“ segir Anna.
Hún segist taka við góðu búi, félagið standi vel og það sé öflugt. „Það verður mikill missir fyrir okkur þegar Björn hverfur af sjónarsviðinu en sem betur fer verður hann mér við hlið fram á haust. Það er mikill styrkur, því þekking hans á verkalýðsmálum er mjög yfirgripsmikil og ég hef heilmikið af honum lært um árin. Hann hefur verið óþreytandi að miðla mér af sinni þekkingu, þannig að ég hef gott veganesti þegar ég tek við stöðu formanns þessa góða félags,“ segir Anna.
Vill alltaf sjá hærri laun fyrir sitt fólk
Við blasi til nánustu framtíðar litið fjölmörg verkefni sem takast þurfi á við og kveðst hún óhrædd fara inn í þá baráttu sem nú sé framundan. Þar megi sem dæmi nefna vaxtaokur bankanna, verðhækkanir sem gjarnan séu réttlættar með mikilli verðbólgu en stærsta hagsmunamálið séu húsnæðismálin.
„Það er þannig að maður vill alltaf að sitt fólk fái hærri laun og reynir að vinna því brautargengi við kjarasamningsgerð. Alltaf vill maður sjá meira en í boði er, það er bara þannig,“ segir Anna. Núverandi samningar renna út í lok janúar á næsta ári og telur hún að aftur verið farið í gerð skammtímasamnings. Ekkert bendi til annars eins og háttar til í samfélaginu. Óvissan sé enn það mikil.
Margir lepja dauðann úr skel
„Það er víða erfitt, fólk nær ekki endum saman þó það vinni baki brotnu margt hvert og það er sárt að horfa upp á það. Verðbólga er í hæstu hæðum og við finnum fyrir afleiðingum stríðsins í Úkraínu, auk þess sem ekki er langt síðan við vorum að fást við heimsfaraldur. Róðurinn er því þungur og bara svo það sé sagt þá búa margir við þau nöpru kjör að beinlínis lepja dauðann úr skel,“ segir Anna.
Það að fólk nái ekki endum saman leiðir til óvissu sem veldur kvíða og vanlíðan og segir hún að því miður séu margir í þeirri stöðu að sjá ekki út úr þeim ógöngum sem þeir eru í. „Við munum leggja allt í að fá hækkun á lægstu laun, því fólk verður að geta lifað sómasamlegu lífi af launum sínum.“
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
