27. nóvember - 4. desember - Tbl 48
Allt að verða uppselt í Bótinni
Skemmtibátum hefur fjölgað mjög undanfarin ár og er svo komið að nánast allt viðlegupláss í Sandgerðisbót er uppselt. Mynd MÞÞ
„Það líður senn að því að ekkert pláss verði eftir í Sandgerðisbótinni,“ segir Pétur Ólafsson hafnastjóri hjá Hafnasamlagi Norðurlands, en mikil aukning hefur orðið í skemmtibátaflota Akureyringa undanfarin ár. Hann segir þetta þróun sem staðið hafi yfir í 20 til 25 ár. Bátum hefur fjölgað ár frá ári og jafnt og þétt er unnið að uppbyggingu aðstöðu til að koma til móts við þörfina.
Nú eru í Bótinni 6 flotbryggjur og ein harðviðarbryggja auk þess sem þar er líka eldri timburbryggja, við löndunarkranann nyrst á svæðinu. Til stendur að sögn Péturs að stækka þá bryggju, bæði til austurs og suðurs og vonast hann til að hægt verði að hefjast handa við það verk næsta vor. „Þetta er lausnin sem við höfum til að koma til móts við sífellt auknar fyrirspurnir um viðlegupláss. Það má orða það svo að nær uppselt sé við allar bryggjur í Bótinni,“ segir Pétur.
Pláss fyrir um 160 báta
Pláss er fyrir um 160 báta um þessar mundir og nánast fullbókað. Pétur segir sárafáa gera út fiskibáta frá Bótinni, þeim hafi farið fækkandi með árunum. Nær eingöngu skemmtibátar nýta sér aðstöðuna. „Við höfum lengi haldið að þetta færi að róast, en svo virðist ekki vera alveg strax í það minnsta, en ég trúi samt ekki öðru en að fari að slakna á þessu hvað úr hverju,“ segir hann.
Pétur segir að bryggjur á Hjalteyri, Svalbarðseyri, Grenivík og Hrísey séu innan Hafnasamlags Norðurlands og ef til vill geti einhverjir nýtt sér viðlegu pláss við þær. „Ég reyndi fyrir nokkrum árum að viðra hugmynd um að setja upp smábátaaðstöðu við Leiruveginn, um það bil þar sem garðurinn gengur út úr veginum, en þær fengu ekki hljómgrunn,“ segir hann og bætir við að í nánustu framtíð þurfi að huga að nýju svæði undir smábáta.
Nýjast
-
Frozen hátíðardanssýning Steps Dancecenter í Hofi 30. nóvember
Steps Dancecenter á Akureyri býður íbúa og gesti bæjarins velkomna í sannkallað dansævintýri þann 30. nóvember, þegar nemendur skólans stíga á svið í Hofi með glæsilega hátíðarsýningu með ævintýrið Frozen. -
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI.
