20. nóvember - 27. nóvember - Tbl 47
Allt á floti í safnaðarheimilinu!
Lekaskemmdir í vegg við tröppur safnaðarheimilis Myndir Aðsendar
Einhverjir gætu hafa tekið eftir Einari kirkjuverði síðastliðið sumar standandi með garðslöngu að vökva inngangsbyggingu Safnaðarheimilisins. Búið var að grafa frá byggingunni og Einar var að leita að staðnum sem lak í gegn. Nú er það svo að hvert skipti bíll keyrir yfir og það drynur niður í Safnaðarheimilið þá liggja menn á bæn að það verði ekki til að nýjir lekar spretti fram. Á döfinni eru meiriháttar viðgerðir hjá söfnuðinum til að koma hlutunum í rétt horf og koma í veg fyrir enn meiri skemmdir.
Framkvæmdir seinni part apríl
Við athugun kom í ljós að þakdúkur yfir safnaðarheimilinu var allur genginn til eftir umferð á þaki safnaðarheimilisins og vatn lak í gegn. Á bílastæðinu geta glöggir geta séð hvar það hefur sigið við mörk safnaðarheimilisins undir. Að laga húsnæðið er mikil framkvæmd sem á að byrja síðla í apríl og verklok eru áætluð þremur mánuðum síðar. Moka þarf af dúknum og laga, endurnýja einangrun og að lokum að ganga frá svæðinu svo sómi sé af.
Lekaskemmdir í gólfi inní safnaðarheimili
Hönnun og framkvæmd er unnin með Fasteignum Akureyrarbæjar og bæjarsjóður stendur fyrir þó nokkrum hluta kostnaðar. Áætlað er að kostnaður verði um 85 milljónir sem söfnuðurinn þarf að fjármagna sinn hluta af með lántöku að mestum hluta. Jöfnunarsjóður sókna mun styrkja framkvæmdirnar að einhverju leyti.
Akstursleið fyrir líkbíl verður lokað og breytt alfarið í göngustíg og handriði (sem er enn í hönnun) verður bætt við ofan á brúnir safnaðarheimilisins til að minnka fallhættu. Þá verður lýsing samræmd og samtengd í kirkjutröppunum, á svæðinu við kirkjuna, á göngustíg og í lýsingu upp á kirkjuna sjálfa til að ná fram heildarbrag í lýsingu.
Akstursleið sem verður gönguleið og brún safnaðarheimilisins
Einhverjar raskanir verða á aðkomu í kirkjuna á þessum tíma og bílastæðum fækkar lítillega á meðan þeim stendur.
Allt sundurgrafið fram á sumar
Nú þegar er verið að endurnýja tröppurnar upp að Akureyrarkirkju og þegar áætlaðar viðgerðir við Akureyrarkirkju hefjast er ljóst að ásýndin verður ekki upp á marga fiska á meðan varir. Vonir standa til þess að báðum þessum aðgerðum verið lokið á svipuðum tíma þannig að svæðið allt verði orðið fallegt og til sóma fyrir bæjarfélagið.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
