6. nóvember - 13. nóvember - Tbl 45
Alls sóttu 17 um stöðu sveitarstjóra Norðurþings
Stjórnsýsluhús Norðurþings á Húsavík. Mynd/epe
Í meirihlutasamkomulagi B-lista og D-lista í sveitarstjórn Norðurþingi var kveðið á um að sveitarstjóri yrði ráðinn á faglegum forsendum. Auglýst var eftir sveitarstjóra og umsóknarfrestur rann út 26. júní sl. Alls sóttu 17 einstaklingar um stöðuna en 5 umsækjendur drógu umsókn sína til baka.
Hjálmar Bogi Hafliðason oddviti B-lista sagði í samtali við Vikublaðið að hann fagnaði því hversu margir sýndu stöðunni áhuga og það yrði vandað vel til verka við ráðninguna.
Aðspurður um hvort hann hafi átt von á svo mörgum umsækjendum sagði hann að það hafi ekki þurft að koma á óvart. „Það er ánægjulegt að fólk sýni okkur áhuga og ástæða til að þakka fyrir það,“ sagði hann og bætti við að nýr sveitarstjóri verði kynntur á allra næstu dögum.
Umsækjendur eru í stafrófsröð:
Bergþór Bjarnason - Fjármálastjóri
Elías Pétursson - Fyrrv. bæjarstjóri
Glúmur Baldvinsson - Leiðsögumaður
Gyða Björg Sigurðardóttir - Ráðgjafi
Helgi Jóhannesson - Lögmaður
Ingvi Már Guðnason - Verkstjóri
Jónas Egilsson - Fyrrv. sveitarstjóri
Katrín Sigurjónsdóttir - Fyrrv. sveitarstjóri
Óli Valur Pétursson - Fjölmiðlafræðingur
Sigurjón Benediktsson - Tannlæknir
Sædís Guðmundsdóttir - Meistaranemi
Valdimar O. Hermannsson - Fyrrv. bæjarstjóri
Nýjast
-
Jákvæð þróun fyrir börn og starfsfólk
„Við munum halda áfram að þróa gjaldskrárbreytingar í leikskólum en teljum þetta hafi verið afar góða breytingu og jákvæða þróun í starfsumhverfi í leikskólum á Akureyri bæði fyrir starfsfólk og börn,“ segir í bókun meirihluta bæjarráðs. -
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir.
