Akureyri-Verkefnastjórar sinna stuðningi við nemendur af erlendum uppruna
Ingibjörg Margrét Magnúsdóttir, kennsluráðgjafi ÍSAT hjá fræðslu- og lýðheilsusviði Akureyrarbæjar, og Halla Kristín Tulinius, verkefnastjóri og ÍSAT kennari við Brekkuskóla Mynd akureyri.is
Í öllum grunnskólum á Akureyri starfa verkefnastjórar sem sinna stuðningi við nemendur af erlendum uppruna. Tilraunaverkefnið hófst árið 2020 í Brekkuskóla og Oddeyrarskóla og haustið 2021 byrjaði Síðuskóli með sitt tilraunaverkefni, þar sem Sigrún Helga Snæbjörnsdóttir var ráðin í stöðu ÍSAT kennara og utanumhald allra fjöltyngda nemenda. Haustið 2022 voru svo verkefnastjórar ráðnir í öll skólahverfi og á sama tíma var aukið í stuðning við fjöltyngda nemendur í grunnskólum bæjarins.
Ingibjörg Margrét Magnúsdóttir, kennsluráðgjafi ÍSAT (íslenska sem annað tungumál) hjá fræðslu- og lýðheilsusviði Akureyrarbæjar, og Halla Kristín Tulinius, verkefnastjóri og ÍSAT kennari við Brekkuskóla, segja að markmið verkefnisins sé að tryggja góðar móttökur og stuðning og markvisst utanumhald og eftirfylgni.
Ingibjörg Margrét segir nemendum af erlendum uppruna hafa fjölgað mikið á undanförnum árum, sérstaklega flóttabörnum sem oft krefjast aukins utanumhalds vegna reynslu sinnar. „Staða þeirra er mjög misjöfn. Sum hafa verið í skóla þangað til þau koma til okkar og geta gengið inn í námið en á öðru tungumáli, á meðan önnur hafa rof á sinni skólagöngu. Áskoranirnar eru því fjölbreyttar,“ segir hún og bætir við að mikil vitundarvakning sé í gangi um mikilvægi þess að hjálpa börnum að aðlagast samfélaginu.
Þær segja verkefnið hafa gengið vel. „Munurinn er að áður kom nemandinn beint í bekkinn og þá þurfti umsjónarkennarinn að finna út hvernig hann gæti aðstoðað hann, meðfram öllu hinu. Nú skipuleggja verkefnastjórarnir móttökuna, námsefnið og aðferðirnar í byrjun. Krakkarnir eru öruggari fyrir vikið og umsjónakennararnir ánægðir með stuðninginn. Við virkjum einnig bekkjarfélagana til að bjóða nýju nemendunum með í mat og í frímínútur, svo barnið verði strax hluti af bekknum. Nemendur vinna í bekkjarstofunum sínum en fá líka tíma í íslensku sem annað mál hjá okkur. Við höldum þannig utan um nemendur meðan þess er þörf og er stofan okkar í byrjun þeirra griðastaður, þangað sem þau geta komið ef þau eru óviss.“
Hér er hægt að fræðast meira um ÍSAT.
akureyri.is sagði fyrst frá
Nýjast
-
MA-Dagný Reykjalín gefur skólanum mynd af Gamla skóla
Í október sl. fagnaði Gamli skóli 120 ára afmæli, en hann var reistur að sumri 1904. -
VMA-Plast er ekki bara plast
Plast er ekki það sama og plast. Því komust nemendur Jóhannesar Árnasonar að í verklegum tíma í efnafræði. -
Akureyri-Verkefnastjórar sinna stuðningi við nemendur af erlendum uppruna
Í öllum grunnskólum á Akureyri starfa verkefnastjórar sem sinna stuðningi við nemendur af erlendum uppruna. Tilraunaverkefnið hófst árið 2020 í Brekkuskóla og Oddeyrarskóla og haustið 2021 byrjaði Síðuskóli með sitt tilraunaverkefni, þar sem Sigrún Helga Snæbjörnsdóttir var ráðin í stöðu ÍSAT kennara og utanumhald allra fjöltyngda nemenda. Haustið 2022 voru svo verkefnastjórar ráðnir í öll skólahverfi og á sama tíma var aukið í stuðning við fjöltyngda nemendur í grunnskólum bæjarins. -
Shawlee Gaudreault og Jóhann Már Leifsson íþróttafólk SA fyrir árið 2024.
Bæði tvö koma úr íshokkídeild félagsins og eru íþróttakona og íþróttakarl íshokkídeildar. Bæði eru tilnefnd af Skautafélagi Akureyrar til Íþróttafólks Akureyrar fyrir árið 2024. -
Tryggjum öryggi Reykjavíkurflugvallar
Okkur berst til eyrna að loka eigi annarri af tveimur eftirstandandi flugbrautum Reykjavíkurflugvallar. Veruleg skerðing, með öðrum orðum, á bæði flugöryggi og nýtingarmöguleikum flugvallarins. Á sama tíma heyrum við að vel gæti þurft að loka hinni brautinni - í lengri eða skemmri tíma - meðan unnið er að uppbyggingu nýrrar brúar yfir Fossvoginn. Af hverju er það svo, að við þurfum trekk í trekk að minna á þá staðreynd að flugsamgöngur til og frá höfuðborgarinnar eru hryggjarstykkið í byggðaþróun og byggðastefnu landsins? -
Lokanir á flugbrautum hafa áhrif á batahorfur og lífslíkur tuga sjúklinga ár hvert
Þann 10. janúar sl. var tilkynnt um verulegar takmarkanir á flugumferð um Reykjavíkurflugvöll. Sú takmörkun er fólgin í lokun tveggja flugbrauta í myrkri vegna áhrifa trjágróðurs á aðflugs- og brottflugsfleti umræddra flugbrauta. -
Einn af hverjum tíu í hættu að þróa með sér kulnun í foreldrahlutverki
Eitt af hverjum tíu foreldrum sem tóku þátt í rannsókn Helgu Sifjar Pétursdóttir iðjuþjálfa eiga á hættu að þróa með sér eða vera að glíma við kulnun í foreldrahlutverki. Hægt er að vinna sig út úr því ástandi en það er engin ein leið sem hentar öllum þar sem aðstæður eru ólíkar milli fjölskyldna. -
Snjómokstur í fullum gangi
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Leigusamningi Norðurhjálpar sagt upp Hafa deilt út 26 milljónum til fólks sem þarf aðstoð
„Þetta eru ekki góðar fréttir fyrir okkur,“ segir Sæunn Ísfeld Guðmundsdóttir ein þeirra kvenna sem standa að Norðurhjálp, nytjamarkaði sem hefur verið til húsa við Dalsbraut á Akureyri. Ljóst er að rýma þarf markaðinn fyrir lok febrúarmánaðar næstkomandi en leigusamningi Norðurhjálpar hefur verið sagt upp. Öll innkoma af markaðnum, ef frá er talin leiga fyrir húsnæði, hefur farið í að rétta þeim sem höllustum fæti standa í samfélaginu aðstoð. Á liðnu ári veitti Norðurhjálp alls 26 milljónir króna til fólks á Norðurlandi.
