Akureyrarkirkja með vinsælustu viðkomustöðum ferðalanga
„Það gera sér ekki allir grein fyrir því hversu vinsæll viðkomustaður Akureyrarkirkja er,“ segir sr. Svavar A. Jónsson sóknarprestur. Kirkjan hafi mikið aðdráttarafl og hið sama megi segja um kirkjutröppurnar. Tugþúsundir gesta skoða kirkjuna á hverju ári. Enda kirkjan eitt helsta kennileiti Akureyrarbæjar.
Svavar segir að óformlega hafi verið rætt í sóknarnefnd þörf fyrir að skapa ferðalöngum tækifæri til að setja niður, fá sér kaffisopa eða komast á salerni. Engin slík aðstaða er fyrir hendi fyrir fólk sem lagt hefur á sig gönguferð upp kirkjutröppurnar og koma ef til vill að lokuðum dyrum ef athöfn er í gangi í kirkjunni. Þá segir Svavar að fjöldinn allur af ferðafólki haldi leið sinni áfram eftir heimsókn í kirkjuna og skoði Lystigarðinn og það sem fyrir augu ber á leiðinni.
Hugmynd um byggingu þjónustuhúss
„Þegar skemmtiferðaskipin liggja hér við bryggju er mikil umferð um kirkjuna, stöðugur straumur má segja. Stór hluti gestanna eru eldri borgarar sem örugglega gætu þegið eins konar afdrep til að hvíla lúin bein,“ segir Svavar. Hugmynd hefur verið varpað fram um að reisa viðbyggingu út frá núverandi safnaðarheimili þar sem koma mætti fyrir eins konar þjónustuhúsi eð litlu kaffihúsi, salernum og söluhorni fyrir minjagripi sem tengjast kirkjunni. „Það er mikið spurt um minjagripi, fólk vill gjarnan hafa með sér eitthvað til minja um komuna í kirkjuna en við höfum ekki tækifæri til að bjóða upp á slíkt.“
Svavar segir enn sem komið er bara um hugmynd og ræða, en það sem sett hafi aukin kraft í umræðuna er að þörf er fyrir aukið húsnæði, það vanti geymslur og meira rými undir skrifstofur enda hafi starfsfólki fjölgað með sameiningu prestakallsins við Laugalandsprestakall í Eyjafjarðarsveit.
Yrði af slíkri byggingu segir hann að aðgengi að Sigurhæði yrði einnig auðveldara en ferðafólk hefur yfirleitt mikinn áhuga fyrir Matthíasi Jochumsyni sem byggði það hús ásamt Guðrúnu Runólfsdóttir. „Mynd af Matthíasi er hér í einum glugga í kirkjunni og af þeim glugga eru teknar fjölmargar ljósmyndir,“ segir Svavar.
Hann segir að framkvæmd sem þessi kosti umtalsverða fjármuni, en málið sé ekki komið á það stig að reikna úr hversu mikið nákvæmlega. „Ég á von á að í nánustu framtíð verði þessi umræða tekin upp á næsta stig, því þörf fyrir aukið húsnæði er fyrir hendi,“ segir Svavar.
Eftir góða göngu upp kirkjutröppurnar væri aldeilis gott að geta sest niður á notalegu kaffihús áður en lengra er haldið.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
