20. nóvember - 27. nóvember - Tbl 47
Æskunni og hestinum í Léttishöllinni: Fjölbreytt og skemmileg atriði frá flottum krökkum
Krakkar úr öllum hestamannafélögum sem tóku þátt sett upp leiksýningu um sólina og skýin
Ungir hestamenn frá fjórum hestamannafélögum tóku þátt í sýningunni Æskan og hesturinn sem haldin var í Léttishöllinni á Akureyri að þessu sinni. Vel tókst til og gleðin skein úr hverju andliti. Þátttökufélög voru Léttir, Akureyri, Skagfirðingur í Skagafirði, Hringur á Dalvík og Neisti á Blönduósi.
Þuríður Steindórsdóttir í æskulýðsnefnd Léttis segir að sýningin hafi byrjað á glæsilegri fánareið með þátttöku allra félaga, en Æskan og hesturinn sé fyrir börn og unglinga sem fá kærkomið tækifæri til að sýna listir sýnar á hestabaki. Félögin bjóða gjarnan upp á leikþætti og eru þátttakendur þá á hestbaki.
Hestamannafélagið Neisti með frábæra leikþáttinn Pétur Pan
Alls komu 18 fulltrúar frá Neista á Blönduósi að þessu sinni og buðu upp á leiksýningarnar Pétur Pan og Glimmerdrottningarnar. Skagfirðingur sendi 20 fulltrúa og sýnu þeir hindrunarstökk, fimleika og munsturreið. Frá Hring á Dalvík komu 16 fulltrúar sem sýndu gæðingalist og fljúgandi skeið og þá voru fulltrúar Léttis 18 talsins og buðu upp á tvö atriði, Framtíðin er björt og Dýragarðurinn.
Allir sameinuðust í einu atriðið sem var sýning um skýin, sólina og regnið.
Allt tókst vel
„Það tókst allt mjög vel og gaman að sjá þessa ungu krakka leika listir sýnar af öryggi, þetta var stór hópur og greinilegt að áhugi fyrir hestamennsku er mikill í aldurshópnum. Þetta voru virkilega flottir krakkar,“ segir Þuríður.
Hún sagði að sýningin hefði gengið mjög vel og virkilega gaman að fá svona marga sýnendur á mismunandi aldri og frá fjórum félögum. Atriðin voru fjölbreytt og skemmtilegt „og mjög gaman að sjá hvað þessir ungu krakkar höfum margt fram að færa, en þau voru öll búin að æfa vel fyrir sýninguna. Það er mjög mikilvægt fyrir krakka og foreldra að koma saman á svona viðburð eins og Æskan og hesturinn er, það borða allir saman, spjalla að kynnast,“ segir Þuríður, en í allt með foreldrum og öðrum voru um 200 manns í hópnum sem tók þátt.
Frá fánareið þeirra félaga sem tóku þátt, Léttir, Skagfirðingur, Hringur og Neisti
Nýjast
-
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit.
