20. nóvember - 27. nóvember - Tbl 47
Aðgengi barna að íþróttastarfi- Stuðningur í skólakerfinu en enginn í tómstundum
Gunnar Már Gunnarsson, Þórarinn Pétursson, Íris Ragnarsdóttir varaformaður stjórnar Þórs,Ágúst Bjarni Garðarsson, Linda Guðmundsdóttir íþróttafulltrúi Þórs og Sunna Hlín Jóhannesdóttir í heimsókn hjá íþróttafélaginu Þór.
„Það er mikið kappsmál að halda þeim krökkum sem eiga við fjölþættan vanda í virkni, en þá þurfa þau líka á stuðningi að halda og sömuleiðis íþróttafélögin,“ segir Sunna Hlín Jóhannesdóttir en hún og Gunnar Már Gunnarsson bæjarfulltrúar Framsóknar í bæjarstjórn Akureyrar, óskuðu eftir umræðu á fundi bæjarstjórnar um jafnt aðgengi barna að íþróttastarfi.
Sunna Hlín segir að kveikjan að því að þau fóru að skoða málið nánar hafi verið sú ákvörðun íþróttafélagsins Þórs að starfrækja ekki leikjaskóla í sumar af faglegum ástæðum. Ákvörðunin hafi verið tekin með hagsmuni barnanna að leiðarljósi. „Við veltum því fyrir okkur hvort við getum sætt okkur við að börn fái stuðning inni í skólakerfinu en engan þegar kemur að tómstundum,“ segir hún.
Starfsfólk Akureyrarbæjar hafi ásamt íþróttahreyfingunni verið að skoða málið og komið fram með hugmynd að tilraunaverkefni til að mæta börnum með fjölþættan vanda í íþróttastarfi. „Við óskum eftir svari við því hvar þetta verkefni er statt í kerfinu, en það átti að leggja fram ítarlega verkáætlun fyrir fræðslu- og lýðheilsuráð eftir áramót,“ segir Sunna Hlín.
Mjög góður fundur
Fulltrúar Framsóknar óskuðu einnig eftir upplýsingum um hvort einhver vinna sé í gangi undir formerkjum samfelldur virknidagur barna og eins lögðu þau fram fyrirspurn um hvort fræðslu- og lýðheilsuráð hefði tekið til umræða framvarp til laga um breytingar á ýmsum lögum í þágu barna, en þar eru lagaðar til breytingar á íþróttalögum sem munu hafa töluverð áhrif á skyldur og eftirlit íþróttafélaganna.
Sunna Hlín segir að bæjarfulltrúar og þingmenn Framsóknar hafi heimsótt íþróttafélagið Þór á dögunum til að ræða málin og nýja frumvarpið, „og skemmst er frá því að segja að þetta var mjög góður fundur,“ segir hún. Eftir samtal við Ásmund Einar Daðason mennta- og barnamálaráðherra hafi komið fram mikill áhugi á að þróa þessa vinnu áfram og hugsanlega koma á tilraunaverkefni sem tæki á vandanum. „Það yrði verkefni sem myndi marka tímamóti í þjónustu við börn í íþróttastarfi.“
Nýjast
-
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám. -
Hver verður þingmaður þinn?
Þegar kosningabaráttan nær hámarki og fjöldi kjósenda er enn óákveðinn, er eðlilegt að spyrja sig: „Hvernig tek ég rétta ákvörðun á kjördag?“ Margir kjósendur eru orðnir þreyttir á óljósum kosningaloforðum sem gætu aldrei orðið að veruleika. Þrátt fyrir það þurfa stjórnmálaflokkar að kynna stefnu sína og sýna hvernig þeir vilja leiða þjóðina til betri vegar. En er það nóg? Er rétt að treysta eingöngu á kosningapróf eða stór loforð? Kannski er kominn tími til að horfa meira til fólksins sem við setjum í lykilstöður. -
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu
