20. nóvember - 27. nóvember - Tbl 47
Á vaktinni um jólin
Stefán Geir Andrésson, sjúkraflutninga- og slökkviliðsmaður. Mynd: HÞ
Að vera heima í faðmi fjölskyldunnar um jólin er notaleg tilhugsun sem flest okkar tökum sem sjálfsögðum hlut. Ekki eru allir sem fá að njóta þess að halda jólin heima en sumum vinnustöðum er aldrei lokað. Við fórum á stúfana og spjölluðum við fólk sem stendur vaktina yfir hátíðirnar. Greinin birtist fyrst í Jólablaði Vikudags sem var í umsjón nemenda í Háskólanum á Akureyri.
Stefán Geir Andrésson, sjúkraflutninga- og slökkviliðsmaður
Hefur þú oft verið á vakt á aðfangadagskvöld?
Ég hef ekki verið á aðfangadagskvöld en ég hef verið nokkrum sinnum á dagvakt á aðfangadag sem er þá frá 07:30-19:30.
Hvernig er að fá ekki frí í vinnunni yfir hátíðirnar?
Þessi vinna hefur vissa kosti og galla eins og að vinna á hátíðisdögum. Það er auðvitað ekkert gaman en við fáum marga frídaga inn á milli sem bæta þetta upp. Vaktaplanið helst óbreytt yfir hátíðirnar og t.d. í ár vinnur sama vaktin á Þorláksmessu, aðfangadag, jóladag og annan í jólum.
Af öllum dögum hátíðanna, hvaða dag langar þig helst að vera heima með fjölskyldunni?
Það er náttúrulega bara aðfangadagskvöld og aðfangadagur. Við náum alltaf að búa til eitthvert gott plan í kringum þetta og skipuleggja daginn vel þó svo að ég komi ekki heim fyrr en um áttaleytið. Þá er stundum búið að opna nokkra pakka og svona en við borðum eftir að ég kem heim.
Er reynt að skapa jólalega stemmingu í vinnunni?
Já, það er alltaf góð stemming hér á aðfangadag. Borðaður góður matur, og svo er gos og Mackintosh í boði. Það er bara nokkuð ljúft að vera á vaktinni þessa daga. Hér er líka góður félagsskapur. Við klæðumst síðan hátíðarbúningum allan daginn, sem er formlegri klæðnaður.
Manstu eftir einhverju eftirminnilegu sem gerðist í vinnunni á aðfangadagskvöld?
Fyrstu jólin sem að ég var að vinna kom útkall rétt áður en klukkan sló sex á aðfangadagskvöld. Það var sjúkraflug til Grænlands. Vaktmaðurinn á flugvaktinni komst ómögulega í það svo að varðstjórinn tók það að sér og var hálfan sólarhring í því útkalli eða þangað til á jóladagsmorgun.
Helga Þóra Helgadóttir –
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
