20. nóvember - 27. nóvember - Tbl 47
Á vaktinni um jólin
Eva Dögg Sigurðardóttir, sjúkraliði á Dvalarheimilinu Hlíð. Mynd: HÞ
Að vera heima í faðmi fjölskyldunnar um jólin er notaleg tilhugsun sem flest okkar tökum sem sjálfsögðum hlut. Ekki eru allir sem fá að njóta þess að halda jólin heima en sumum vinnustöðum er aldrei lokað. Við fórum á stúfana og spjölluðum við fólk sem stendur vaktina yfir hátíðirnar. Greinin birtist fyrst í Jólablaði Vikudags sem var í umsjón nemenda í Háskólanum á Akureyri.
Eva Dögg Sigurðardóttir, sjúkraliði á Dvalarheimilinu Hlíð:
Hefur þú oft verið á vakt á aðfangadagskvöld?
Já, ég hef nokkrum sinnum verið á dagvakt og einu sinni á kvöldvakt á aðfangadagskvöld.
Hvernig er að fá ekki frí í vinnunni yfir hátíðirnar?
Mér finnst það allt í lagi. Ef þú ætlar að starfa í heilbrigðisgeiranum þá veistu það fyrirfram að þú munt koma til með að vinna um jól, áramót og páska. Þeir sem ekki geta sætt sig við það endast auðvitað ekki í þessu starfi. Fjölskyldan venst þessu líka og hún ber virðingu fyrir mínu starfi. Af öllum dögum hátíðanna, hvaða dag langar þig helst að vera heima með fjölskyldunni? Það er í raun enginn sérstakur dagur en auðvitað er aðfangadagskvöld kvöldið sem flestir vilja vera heima. Það er sérstakt að vera í burtu frá fjölskyldunni þá en ég held að henni finnist þetta erfiðara en mér. Eins og fyrir krakkana, að hafa mömmu ekki heima, en skilja alveg að einhver þarf að hugsa um gamla fólkið.
Er reynt að skapa jólalega stemmingu í vinnunni?
Hér eru jólin bara eins og heima, þetta er náttúrulega bara heimili. Við sköpum mikla stemmingu og hér er mjög hátíðlegt. Allir fara í sitt fínasta púss og borða saman jólamatinn. Síðan er samverustund við jólatréð í setustofunni og sumir opna pakkana þar. Aðrir fara inn á herbergin sín og opna pakkana þar og sumir fá ættingja og vini í heimsókn. Aðfangadagur er alltaf skemmtilegur hérna. Það er góð stemming allan daginn, alveg eins og heima.
Manstu eftir einhverju eftirminnilegu sem gerðist í vinnunni á aðfangadagskvöld?
Það er mér mjög minnistætt þegar maður sem var hér bað mig að koma inn í herbergi til sín eftir matinn og lesa jólakortin með sér. Þessi maður átti engin börn og hafði aldrei átt konu. Hann var því mikið einn og fékk fáa gesti. Hann hafði fengið fimm jólakort send og einn jólapakka. Maðurinn var ólæs og bað mig því að hjálpa sér að lesa kortin. Þetta er mér sérstaklega minnisstætt vegna þess hversu ánægður hann var. Síðan var það einu sinni kona hér á heimilinu sem gaf mér jólagjöf og þakkaði mér fyrir að vera alltaf góð við sig. Hún hafði þá heklað handa mér afskaplega fallegar bjöllur sem hún setti á jólaseríu. Mér þótti mjög vænt um þetta og mun sennilega aldrei gleyma þessu.
Helga Þóra Helgadóttir –
Nýjast
-
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar.
