Á götuhorninu- Er nú farið að ,,salta" göturnar?
Eitt af því sem gerir Akureyringa segjum æsta, er hvort og hvernig götur bæjarins eru þrifnar. Sóparar eða tæki sem þyrlar bara upp rykinu, sjór á göturnar, eða hreint vatn. Við skulum ekki fara út í umdeildustu ,,þrif“ gatna okkar að þessu sinni þ.e snjómoksturinn en á því sviði erum allir sérfróðir nema þessir sem stjórna honum ef marka má raddir.
Svifryk er áberandi i þessari frábæru tíð sem verið hefur hér dag eftir dag og brugðið hefur verið til þess ráðs að bleyta rækilega götur bæjarins.
Nokkur umræða hefur skapast á samfélagsmiðlum og auðvitða götuhornum um það hvort nú sé aftur farið að þvo göturnar með sjó en sú aðgerð vakti mikil viðbrögð meðal bæjarbúa þegar reynd var fyrir nokkrum árum!
Verkval hefur séð um að þvo götur bæjarins í þessari lotu og þar á bæ settu starfsfólk færslu á Facebooksíðu fyrirtækisins sem tekur af öl tvímæli um það hvernig vatn er notað.
Færsluna má sjá hér að neðan
,,Meirihluti bæjarbúa er ánægður með að verið sé að sópa laufi og skít af götum bæjarins og þvo þær í kjölfarið eins og gert hefur verið undanfarna daga. Örfáir bæjarbúar eru samt enn brenndir og vantrúa og halda að verið sé að ausa sjó á götur.
Verkval ehf vill því taka það skýrt fram að fyrirtækið hefur aldrei tekið þátt í að bera sjó eða pækil á götur og hefur þráfalt neitað Akureyrarbæ um slíka þjónustu. Við viljum hvorki bænum né okkar tækjum það að gera slíkt.
Við höfum þvegið götur bæjarins með hreinu vatni og gerðum það síðast í dag. Vatnið er tekið úr vatnsveitu bæjarins, eins ferkst og það best gerist. Þvottabíll okkar mun með mestu ánægju stoppa fyrir hverjum þeim bæjarbúa sem taka vill vatnssýni eða leggja í að smakka vatnið. Bílstjórinn er viljugur að sýna fram á gæði vatnsins með smakkprufu hvenær sem er.
Þeir sem hugsanlega enn efast geta fengið að fylgjast með bílnum taka vatn niðri á Óseyri og smakkað vatnið á staðnum. Einnig má hafa beint samband við bílstjórann í síma 897-3258“
Sem sagt málið er afgreitt það er kranavatn sem notað er!
Nýjast
-
Fólki misboðið yfir gjaldskrárhækkunum OH
„Dæmi eru um að viðskiptavinir Orkuveitu Húsavíkur, ekki síst fjölskyldufólk og fólk í viðkvæmri stöðu, hafi sett sig í samband við Skrifstofu stéttarfélaganna og krafist þess að Framsýn geri athugasemdir við boðaðar hækkanir á gjaldskrám orkuveitunnar um áramótin. Fólki er greinilega misboðið.,“ segir á vef Framsýnar. -
Matur handa öllum.
Nýlega hafa Eyjólfur Ingvi formaður sauðfjárdeildar BÍ og Margrét Ágústa framkvæmdastjóri Bændasamtaka Íslands kallað eftir því að stjórnmálaöfl skýri sjónarmið sín í málefnum landbúnaðarins. Það var athyglisvert að heyra málflutning þeirra því staðreyndin er sú að bændum á Íslandi hefur fækkað mikið, sérstaklega í mjólkurframleiðslu þótt að á sama tíma hafi orðið talsverð framleiðsluaukning. -
Það er fokið í hann!
Það er óhætt að segja að veðurspá hafi gengið ágætlega eftir en appelsínugul viðvörun er yfirstandandi og má búast við að hér á Akureyri og nágrenni muni blása hressilega til miðnættis, en þá ætti allt að detta í dúnalogn. -
Húsnæðisáætlanir sveitarfélaga á Norðurlandi eystra
Fjöldi íbúða sem eru í byggingu á Norðurlandi eystra er ekki nægilega mikill til að uppfylla þörf samkvæmt húsnæðisáætlunum sveitarfélaganna í landshlutanum. Það er mat HMS sem byggir á nýlegri talningu á íbúðum í byggingu. -
Látum ekki blekkjast.
Kosningarnar eftir mánuð munu snúast um að skapa betri lífskjör fyrir venjulegt fólk hér á landi. Fyrir mér ættu framboðin nú að leggja fram sínar leiðir til að taka á verðbólgu, skapa tækifæri, efla velferðarkerfið og standa vörð um náttúruna, en sum hafa valið að spila á okkar lægstu hvata; ótta og andúð. -
Hlutu hvatningarverðlaun Íslensku menntaverðlaunanna
Íslensku menntaverðlaunin voru veitt við hátíðlega athöfn á Bessastöðum í gær. Verðlaunin voru upprunalega stofnuð til að auka veg menntaumbótastarfs og vekja athygli á því góða og metnaðarfulla starfi sem stundað er í skólum og frístundastarfi. -
Þjónustusamningur um rekstur almenningsbókasafns
Í dag var undirritaður þjónustusamningur Akureyrarbæjar og Svalbarðsstrandarhrepps um að íbúum hreppsins verði veitt fullt aðgengi að safnakosti og þjónustu Amtsbókasafnsins á Akureyri. -
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu.
