70 kíló af rusli síuð frá á sólarhring
Um það bil 70 kíló af föstum efnum, rusli af ýmsu tagi eru síuð úr fráveituvatni sem kemur frá híbýlum á Akureyri, á hverjum sólarhring eða ríflega 2000 kíló á mánuði. Svo hefur verið frá því rekstur hreinsistöðvar við Sandgerðisbót hófst í lok síðastliðins árs. Magnið á ársgrundvelli gæti verið um 25 tonn sem tekið er frá en hefði annars endað úti í Eyjafirði.
Helgi Jóhannesson forstjóri Norðurorku segir gagnsemi hreinsistöðvar hafa sannað sig, en með tilkomu hennar er strandlengjan við bæinn hreinni og þar finnst vart lengur mengun. Norðurorka gerir gerlamælingar fjórum sinnum á ári á 16 stöðum meðfram ströndinni frá Krossanesi og inn að Leirubrú. Heilbrigðiseftirlitið tekur sömuleiðis sýni reglulega á sama svæði.
Þremur sýnatökum er lokið á þessu ári, í febrúar, apríl og júlí og segir Helgi að niðurstöður séu þær að í öllum 48 sýnum nema einu hafi niðurstöður verið í samræmi við reglugerðir sem fráveitan starfar eftir. Annars vegar reglugerð um fráveitur og skólp og hins vegar reglugerð um baðstaði í náttúrunni, en svo virðist sem sú fyrrnefnda sé aðeins strangri en sú um baðstaði í náttúrunni að sögn Helga.
Leitt út um 400 metra langa útrás
Hreinsistöðin er á landfyllingu við Sandgerðisbót og þar er fráveituvatn grófhreinsað, grófa efnið er sigtað frá, því pakkað saman og fært til urðunar. Hreinsað fráveituvatn er leitt út um 400 metra langa útrás út í Eyjafjörð og nær þannig út í sjávarstraum sem flytur vatnið út fjörðinn en ekki inn með ströndinni. Helgi segir að því hafi dregið verulega úr magni saurkóligerla í fjörum við Akureyri. „Það verður líka að horfa til þess að við búum við langan þröngan fjörð þar sem rík hefð er fyrir matvælaiðnaði, þannig að þessir hlutir verða að vera í góðu lagi,“ segir hann.
Óvenjulítið vatn í holræsakerfinu
Óvenjulítið vatn er um þessar mundir í holræsakerfi Akureyrar og veltir Helgi fyrir sér hvort verið geti að rusl sitji þar eftir og skolist út þegar vatnsmagnið eykst á ný. Undanfarnar vikur þegar hlýindi hafa verið hvað mest hefur einungis svart- og grávatn skilað sér um kerfið, þ.e. það sem fer um salerni, eldhúsin, sturtur og böðin. Bakrásarvatnið er lítið sem ekki neitt enda fæstir að kynda hús sín umtalsvert í hitanum. Helgi segir að þegar geri asahláku sjáist tölur eins og 830 lítrar á sekúndu en þær tölur sem ríkjandi hafa verið í júlí eru um það bil 140 lítrar á sekúndu. „Það hefur ekkert regnvatn komið inn í kerfið í langan tíma,“ segir Helgi.
Hreinsistöðin er á landfyllingu við Sandgerðisbót. Þar er fráveituvatn grófhreinsað, grófa efnið sigtað frá, því pakkað saman og fært til urðunar. Magnið er um 70 kíló á mánuði, allskyns drasl sem lendir ofan í klósettinu, eyrnapinnar, blautklútar og fleira sem ekki á þangað að fara. „Klósettið er ekki ruslafata“ segir Helgi.
-mþþ
Nýjast
-
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina. -
Þrír konungar frá Skarðaborg
Haustið er að baki og vetur konungur hefur tekið völdin amk. fyrst um sinn Sauðfé hefur haft það gott á beitinni, enda fyrri hluti nóvember óvenju hlýr. Hrútar fara á gjöf í vikunni á flestum bæjum og sumir bændur eru farnir að rýja féð inn. Þessir „konungar“ í Skarðaborg í Reykjahverfi eru vel ullaðir og þó næði kuldaél þá verður þeim ekki kalt í sinni kápu. Vonandi verður veturinn mildur, en bæði bændur og búalið þurfa á því að halda eftir kalt og rigningasamt sumar. -
Um 200 manns kynntu sér starfsemi Pharmarctia á Grenivík
Um 200 manns komu við á opnu húsi hjá fyrirtækinu Pharmarctia á Grenivík um liðna helgi. Þá var formlega tekið í notkun 1500 fermetra viðbótarhúsnæði sem gestum og gangandi bauðst að skoða jafnframt því að kynna sér starfsemi félagins. -
Bókarkynning - Ókei
Út er komin bókin ÓKEI — uppruni og saga þekktasta orðatiltækis í heimi. Höfundur er Sigurður Ægisson og Hólar gefa út. OK eða O.K., ýmist ritað með lág- eða hástöfum, er sagt vera þekktasta útflutningsafurð Bandaríkjanna, fyrr og síðar. Alla vega er þessi stafasamsetning fyrir löngu komin um gjörvalla Jörð og mun í ofanálag vera fyrsta orðið sem heyrðist mælt á Tunglinu. Það er ekki lítið afrek. Hvað með aðrar reikistjörnur verður, á eftir að koma í ljós. -
Mikið um að vera á matvælabraut VMA
Ekki eru mörg ár liðin frá því nemar í starfnámi við matvælabraut Verkmenntaskólans á Akureyri þurftu að halda suður í Menntaskólann í Kópavogi til að ljúka námi sínu. Aukin eftirspurn frá bæði nemendum og atvinnulífinu hefur leitt til þess að VMA jók námsframboð sitt og nemar geta nú lokið námi sínu í heimabyggð. Þjónustusvæðið er einkum Norður- og Austurland. -
16 ára aldurstakmark á samfélagsmiðlum
Er ekki kominn tími til þess að við tökum umræðu um það fyrir alvöru á Íslandi að hækka aldurstakmarkið á samfélagsmiðlum? Hér er um að ræða málefni sem snertir lýðheilsu barna og ungmenna beint og því nauðsynlegt að gefa þessu málefni rými í aðdraganda kosninga. -
Endurreisnartónleikar Hymnodiu og SCS í Akureyrarkirkju n.k. sunnudag Uppfært tónleiknum hefur verið frestað um óákv tíma
Hymnodia, norræna endurreisnarhljómsveitin Scandinavian Cornetts and Sackbuts og Ágúst Ingi Ágústsson, stjórnandi Cantores Islandiae, flytja gullfallega ítalska, spænska og enska endurreisnartónlist á tónleikum í Akureyrarkirkju sunnudaginn 17. nóvember kl. 17.
