25 ár frá því að fjarkennsla hófst við Háskólann á Akureyri
Á þessu ári eru liðin 25 ár síðan fjarkennsla í hjúkrunarfræði hófst við Háskólann á Akureyri en haustið 1998 hóf hópur stúdenta nám í hjúkrunarfræði í fjarnámi frá Ísafirði. Þá var kennt samtímis á Ísafirði og Akureyri í gegnum myndfundabúnað. Að því tilefni stóðu Háskólinn á Akureyri og Háskólasetur Vestfjarða fyrir ráðstefnu um fjarnám og fjarkennslu föstudaginn 16. júní í Háskólasetri Vestfjarða.
„Það var einstaklega skemmtilegt að hlusta á sögur frumkvöðlanna af því hversu hratt af stað var farið og hversu samheldið samfélagið allt var í því að koma á fyrsta árgangi fjarnema í hjúkrunarfræði við Háskólann á Akureyri. Þar lögðu margir hönd á plóginn en konur voru áberandi í þessu frumkvöðlastarfi, bæði sem stjórnendur við HA, stúdentar og starfsfólk Háskólaseturs Vestfjarða,“ segir Eyjólfur Guðmundsson, rektor HA.
Jákvæð áhrif á byggðaþróun í landinu
Erindi ráðstefnunnar voru fjölbreytt en rauði þráður allra erinda var fjarnám. „Það er ótrúlegt að hugsa til þess hvað fjarkennsla síðustu 25 ára hefur gert fyrir landsbyggðina. Með fjarkennslu hefur fjölskyldufólk fengið tækifæri til að stunda nám og mennta sig í heimabyggð, sem hefur einnig haft jákvæð áhrif á byggðaþróun í landinu,“ segir Sigrún Sigurðardóttir, ein skipuleggjenda ráðstefnunnar.
Jákvæður og skemmtilegur andi var yfir ráðstefnunni þar sem sterkt kom fram hversu mikil breyting fjarnámið var fyrir íbúa Ísafjarðar og hversu stórt skref það var að hefja fjarkennslu fyrir íslenskt háskólakerfi. Upp frá þessu fór fjarnámið við HA að þróast, bæði hvað varðar breidd — en í dag eru allar námsgráður kenndar rafrænt —, auk þess sem námsformið hefur þróast í gegnum árin. Í dag er talað um sveigjanlegt nám frekar en fjarnám.
Ekki unnt að treysta á að allar háskólastofnanir muni opna fyrir aðgengi
„Það er augljóst að það er tækifæri til enn frekri sóknar á næstu árum. Þó svo að það sé ekki unnt að treysta á að allar háskólastofnanir landsins muni opna fyrir aðgengi að sínum stofnunum með sama hætti þá geta háskólar á norðurhluta landsins unnið enn betur saman til þess að tryggja opnara aðgengi að háskólum,“ segir Eyjólfur.
Rektor HA var einn þeirra sem flutti erindi á ráðstefnunni og lagði hann áherslu á að þeir sem starfa norðan heiða og við erfiðari samgöngur vinni saman, jafnvel sem einn háskóli — Háskóli Norðursins. „Slík stofnun gæti tengst enn frekar alþjóðlega við aðrar háskólastofnanir á norðlægum slóðum, til dæmis í Norður Noregi, Norður Skotlandi, Grænlandi, Færeyjum og á fleiri svæðum sem búa við svipuð skilyrði og þeir sem búa á norðurhluta Íslands,“ útskýrir Eyjólfur.
HA hefur sannað að unnt sé að veita hágæða nám með þessum hætti
Tuttugu og fimm ára saga sveigjanlegs námsframboðs við Háskólann á Akureyri með frumkvöðlakrafti heimafólks á Ísafirði sannar svo sannarlega að það er hægt að grípa til aðgerða hratt og örugglega og hefja ferðalagið án þess endilega að vita nákvæmlega um áfangastað, nema að við viljum styðja við og bæta rétt allra til að geta sótt háskólanám frá sinni heimabyggð. „Háskólinn á Akureyri hefur með námsfyrirkomulagi sínu sannað að unnt sé að veita hágæða nám með þessum hætti, nám sem er í virkri tengingu við nýjustu rannsóknir á hverju fræðasviði en jafnframt nýtir krafta hvers samfélags fyrir sig til frekari rannsókna og uppbyggingu þekkingar,“ segir Eyjólfur að lokum.
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
