10 ár frá stofnun Landssamtaka íslenskra stúdenta á Akureyri
Það var kraftur í stúdentum þegar landsþing LÍS – Landssamtaka íslenskra stúdenta – fór fram í Háskólanum á Akureyri dagana 29. mars til 1. apríl. Á landsþingi LÍS koma saman stúdentafulltrúar frá aðildarfélögum LÍS, þ.e. frá öllum háskólum landsins, sem og fulltrúar frá Sambandi íslenskra námsmanna erlendis. Landsþingið er stærsti samráðsvettvangur stúdenta á Íslandi og þar gefst færi á að skiptast á skoðunum, rökræða og fá innsýn í baráttumál stúdenta á öðrum sviðum.
Áskoranir stúdenta
Yfirskrift þingsins var Fjölskyldumál stúdenta og hlýddu stúdentar á fyrirlestra og sóttu vinnustofur tengdar fjölskyldumálum stúdenta og þeim áskorunum sem þeim fylgja.
„Það var frábært að fá tækifæri til að ræða fjölskyldumál stúdenta en það sem stóð upp úr og situr eftir hjá mér er hvað Háskólinn á Akureyri er framarlega í þeim málum, þó svo að við getum alltaf gert betur þá mætir HA fjölskyldufólki einstaklega vel með sveigjanlega námsfyrirkomulaginu. Í samantekt af vinnustofum var það skýrt að stúdentar kalla eftir sveigjanleika þar sem fyrirlestrar eru teknir upp og að það sé ekki skyldumæting í kennslustundir. Það er mikilvæg krafa til þess að geta mætt þörfum fjölskyldufólks og þannig stuðlað að auknu menntunarstigi þjóðarinnar,“ segir Sólveig Birna Elísabetardóttir, forseti SHA sem sótti þingið.
LÍS stofnað á Akureyri fyrir 10 árum
Aðildarfélög LÍS skiptast á að vera gestgjafar landsþingsins en samtökin voru stofnuð í nóvember árið 2013 á Akureyri. Því gaf það auga leið að Stúdentafélag Háskólans á Akureyri (SHA) yrði gestgjafi landsþingsins í ár. Einnig var boðið til 10 ára afmælisveislu samtakanna á föstudagskvöldinu.
Landsþinginu lauk með kosningu í framkvæmdastjórn samtakanna, sem stjórnar daglegu starfi í samræmi við lög þess, stefnur og samþykktir. Framkvæmdastjórn sækir umboð sitt til fulltrúaráðs en í því eiga sæti fulltrúar allra aðildarfélaga LÍS. Alexandra Ýr Van Erven var endurkjörin forseti samtakanna, Maggi Snorrason varaforseti og Lilja Margrét Óskarsdóttir gæðastjóri. Mun ný stjórn taka við í maí/júní en enn á eftir að manna nokkur embætti.
„Ég er virkilega stolt af Lilju Margréti að hafa hlotið kjör í framkvæmdastjórn en hún er stúdent í iðjuþjálfunarfræði við HA og var formaður kynningarnefndar. Kjör hennar sýnir hversu öfluga stúdenta við eigum auk þess sem hún er nýkjörinn fulltrúi stúdenta í Gæðaráði HA svo ég hef trú á því að þetta sé frábær samsetning fyrir hana og heillaskref fyrir stúdenta,“ segir Sólveig Birna að lokum.
Nýjast
-
Umgengni á athafnasvæði Skútabergs á Moldhaugnahálsi
Umgengni á athafnasvæði Skútabergs á Moldhaugnahálsi hefur verið til umræðu hjá Heilbrigðisnefnd Norðurlands eystra um skeið, en nefndin lýsti fyrir nokkru yfir vonbrigðum með að áform um tiltekt á svæðinu hefðu ekki gengið eftir. -
Sjúkrahúsið á Akureyri
Ísland er fámennt en stórt land. Íbúaþróun síðustu áratugi hefur á margan hátt verið óskynsamleg. Samkvæmt gögnum frá Hagstofunni búa nú nálægt 80% landsmanna á stórhöfuðborgarsvæðinu en 20% landsmanna á gríðarlega víðfeðmu landsvæði utan þess. Fá dæmi eru um slíka samþjöppun búsetu í nokkru landi og fyrir vikið er það flókið verkefni að tryggja öllum landsmönnum fyrsta flokks lögbundna þjónustu, þótt sannarlega sé það bráð nauðsynlegt. Það á ekki síst við um réttinn til heilbrigðisþjónustu. -
Hvar er fjárveitingin í Húsavíkurflugið?
Þingeyingar hafa lengi barist fyrir því að áætlunarflugi milli Húsavíkur og Reykjavíkur verði viðhaldið enda um mikilvæga samgöngubót að ræða, ekki síst fyrir heimamenn, ferðamenn og blómlegt atvinnulíf í Þingeyjarsýslum. -
Kosningaloforð og hvað svo?
Landssamband eldri borgara LEB eru samtök 56 aðildarfélaga sem eru dreifð um allt land með um 36.000 félaga. Þeir sem eru orðnir 60 ára geta gengið í félögin. -
Uppskeruhátíð ferðaþjónustunnar á Norðurlandi
Þrjár viðurkenningar voru veittar á Uppskeruhátíð ferðaþjónustunnar á Norðurlandi sem að þessu sinni var haldin í Eyjafirði, í Eyjafjarðarsveit, Svalbarðsstrandarhreppi og Grýtubakkahreppi. Þær voru fyrirtæki ársins, hvatningarverðlaun ársins og fyrir störf í þágu ferðaþjónustu. Á uppskeruhátíðinni var farið í heimsóknir til ýmissa ferðaþjónustufyrirtækja á svæðinu, sem bjóða bæði afþreyingu, mat og gistingu ásamt ýmsu öðru. Hátíðin tókst afar vel og lauk með hátíðarkvöldverði á Laugaborg í Hrafnagilshverfi, kvöldskemmtun, dansi og mikilli gleði. -
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi.
