Dagskráin 18.desember - 8.janúar 2025
Gleðilega bruna- og svikalausa aðventu og jól
Heiðrún E Jónsdóttir skrifar
Aðventan er vissulega einn skemmtilegasti tími ársins. Tími til að njóta með fjölskyldu og vinum. Svo rennir nýja árið í hlað með nýju upphafi. En hvorki slys, brunar né svik gera boð á undan sér.
ELDVARNIR
Á þessum árstíma þegar myrkrið umlykur er notalegt að vera með kertaljós og jólaseríur. Á mínu heimili er það þannig að sumu heimilisfólki finnst nóg um.
Alltaf þarf að fara að fara varlega með kerti og jólaskreytingar.
Það er auðvelt að gleyma logandi kerti. Þá geta litlar manneskjur heillast af ljósinu og farið að fikta. Rafmagsnljós geta einnig verið varasöm, t.d. ef þau uppfylla ekki öryggiskröfur eða eru úr sér gengin. Ef ég kaupi afar ódýrt dót, sem er flutt heimsálfa á milli, þá má ég reikna með að gæðin og öryggið séu í takt við það.
Á undanförnum misserum hafa orðið hörmuleg dauðsföll vegna bruna þar sem brunavörnum hefur verið ábótavant. Á síðasta ári létust þrír einstaklingar i bruna auk þess sem útköllum hefur fjölgað.
Forvarnir geta skilið á milli lífs og dauða
Afar mikilvægt er að fara yfir eldhættu, flóttaleiðir og viðbrögð með yngri kynslóðum.
Skiptum reglulega um batterí í reykskynjurum og höfum þá frekar fleiri en færri. Látum fagmenn yfirfara slökkvitæki reglulega og höfum eldvarnarteppi á góðum stað.
SVIKAVARNIR – heiðarleg tortryggni og gagnrýnin hugsun
Það er almennt mannkostur að treysta fólki og trúa því góða. En er kemur að fjármálum þá er það heiðarleg tortryggni og gagnrýnin hugsun sem getur komið í veg fyrir svik og þar með fjárhagslegt tap og svekkelsi.
Fallið aldrei fyrir gylliboðum sem eru of góð til að vera sönn. Þau eru trúlega svik, of góð til að vera sönn.
Í dag eru þetta oft alþjóðlegir, skipulagðir glæpahringir, sem beita nýjustu tækni. Oft mjög trúverðugir og veikasti hlekkurinn erum við mannfólkið.
Sýnið sérstaka aðgæslu
- RAFRÆN SKILRIKI. Verið sérstaklega tortryggin gagnvart öllu er snýr að þeim. Aðferðir svikara til að komast þar inn verða sífellt algengari, þróaðri og bífræfnari.
- Aldrei samþykkja óþekktar innskráningar eða aðgerðir í netbanka/appi s.s. millifærslur og kortafærslur.
- Fylgist með kortafærslum. Kortasvik alltaf algeng, t.d. kort sem hafa verið notuð á ákveðnum síðum verða misnotuð í kjölfarið. Góð regla að frysta kort sem eru ekki notuð daglega, það er einfalt í símaappi eða heimabanka.
- Ekki gefa upp bankaupplýsingar, kortanúmer og pinnúmer til óþekktra aðila.
- Ekki hlaða niður óþekktum forritum eða opna varasama hlekki.
- Aldrei senda peninga til aðila sem þið hafið kynnst á netinu. Oft er um tilbúnar persónur að ræða sem geta virkað afar trúverðugar. Fjárglæframenn eru vissulega fremur vinalegir og góðir í að tala fólk til.
- Aldrei samþykkja að verða milliliðir í flóknum fjármálagerningum sem þið þekkið ekki, jafnvel gegn greiðslu.
- Hafðu strax samband við bankann þinn og lögreglu ef þú telur að þú hafir orðið fyrir svikum.
Nýjast
-
Hjálpræðisherinn -Von og hlýja á jólunum fyrir þá sem þurfa mest á því að halda
Jólahátíðin er tími gleði, samveru og gjafa fyrir flesta, en fyrir aðra er hún áminning um erfiðar aðstæður. Fátækt, einmanaleiki og óöryggi eru veruleiki margra á þessum árstíma. Fyrir þá sem glíma við slíkar áskoranir hefur Hjálpræðisherinn staðið sem fastur punktur í mörg ár. Með hjálp sinni gefur Hjálpræðisherinn fólki ekki aðeins lífsnauðsynjar heldur einnig von og hlýju, eitthvað sem getur breytt öllu á hátíð sem snýst um kærleika og samkennd. -
Jólaminningar
Í æskuminningunni var alltaf snjór um jólin. Í jólagjafaleit var farið í Kaupfélag Þingeyinga, en einnig í búðir sem háðu samkeppni við kaupfélagið, Bókabúðina, Skóbúðina og Lenubúð. Þar var allt til alls. -
Dylan Anderson gestalistamaður Gilfélagsins í desember sýnir í Deiglunni.
Myndlistarmaðurinn Dylan Anderson frá New York (f. 2001, Evanston, IL) sem hefur dvali í gestavinnustofu Gilfélagsins síðasta mánuðinn, heldur sína fyrstu einkasýningu á ljósmyndum í Deiglunni á Akureyri. -
Bernskuminningar Hrefnu Hjálmarsdóttur
Á björtum og fallegum sunnudegi fór ég í heimsókn til Hrefnu Hjálmarsdóttur og ræddi við hana um hátíðar bernskuminningar hennar. Hrefna, sem fædd er árið 1943, ólst upp í Vesturbænum í Reykjavík. -
Jólahugvekja - Máttur trausts, einlægni og kærleika.
Það er komið að því. Undanfarnar vikur höfum við leyft okkur að undirbúa jólin, og undirbúa okkur sjálf undir jólin. Einhver okkar hafa látið jólalögin koma sér í rétta skapið, eða lagt sig fram um að umbera þau. Ég og fleiri tókum þátt í Whamageddon, reyndum að lifa aðventuna af án þess að heyra Last Christmas með gæðadrengjunum í Wham. Ég tórði ekki lengi en það er í lagi, þeir eru ágætir. -
Gleðileg jól!
Með þessum skemmtilegu myndum sem teknar voru á jólatrésskemmtun Skógræktarfélags Eyjafjarðar um liðna helgi sendir starfsfólk Vikublaðsins sínar bestu óskir til lesenda um gleðileg jól! -
Tónninn í þögninni.
Fyrir nokkrum árum kom fram hugtakið núvitund. Líkt og Íslendinga er siður helltum við okkur á kaf í málið og núvitund varð nýjasti plásturinn. Bjargráðið við óhófinu sem við höfum tileinkað okkur og kapphlaupinu um allt og ekkert. Óhóf kostar mikla peninga sem kalla á óhóflega vinnu og óhóf leiðir af sér heilsubrest, ekki síst andlega. Núvitund var lausnin við vanlíðan okkar svo við skelltum henni ofaná allt hitt. Skárum ekkert niður og héldum keppninni áfram. -
Hátíðarhefðir hjá prestum -Munur á helgihaldspresti og sjúkrahússpresti á jólunum
Jólin er hátíð sem margir þekkja og margir hafa sínar hefðir um jólin. Í guðspjöllunum kemur fram að María og Jósef fæddu barn sem var talið barn Guðs. -
Gul viðvörun í veðrinu
Lögreglan á Norðurlandi eystra sendi út tilkynningu fyrir skömmu og varar þar við veðri sem skella mun á okkur seinna í dag og standa fram á nótt.
