20. nóvember - 27. nóvember - Tbl 47
Ekki benda á mig
Vilborg Gunnarsdóttir
Brátt göngum við til kosninga einu sinni enn. Í annað skipti á þessu ári. Síðast tókst okkur vel til og völdum við okkur forseta sem við verðum stolt af.
Núna eru vonbiðlarnir þeir sem vilja setjast á Alþingi Íslendinga og sýna þar hvað í þeim býr.
Ljóst var frá upphafi að tíminn væri það naumur að ekki gæfist tími til þess að viðhafa prófkjör. Því var gripið til uppstillinga en þegar það er gert, gefst möguleiki á að tefla fram einstaklingum sem kannski myndu ekki vilja taka þátt í prófkjörum eða myndu ekki ná þar tilskyldum árangri.
Þetta þarf ekki að vera slæmt eða hvað? Til upprifjunar var núverandi forsætisráðherra stillt upp í öruggt sæti þegar hann settist fyrst á þing og ekki orð um það meir.
Niðurstaðan núna er að við fengum að sjá ný andlit – eða ný/gömul – eða fræg/þekkt. Margir sem gert hafa garðinn frægan á öðrum vettvangi en þeim pólitíska. Ef við værum í þeirri stöðu að vera að ráða þá í vinnu til okkar myndum við vilja fá dæmi um árangur í sambærilegu starfi, sem ekki er hægt núna.
Ef við látum hugann reika um hvað þetta getur leitt af sér er það í versta falli að þeim óvönu leiðist þófið þegar á hólminn er komið. Mér er nefnilega sagt að hlutirnir gerist afar hægt í stjórnkerfinu og að langur tími geti liðið þar til þú getur sagst hafa náð árangri. Við þurfum því að passa að haka við þá sem við teljum líklega til að búa yfir mikilli þolinmæði og hafa gott langlundargeð.
Ef þeim tekst að komast yfir þann hjalla sem getur talist til reynslutímabils, munu þeir vonandi verða í essinu sínu og láta duglega til sín taka. Svo er líka möguleiki á að þeir fari að síga mjúklega í mótið sem gerir úr þeim hinn dæmigerða þingmann sem greiðir atkvæði eftir sinni flokkslínu og segir ekkert vanhugsað sem styggir kjósendur.
Þeir byrja að tala í „frösum“ og læra að firra sig ábyrgð. Við búum nefnilega við stjórnkerfi þar sem ráðherraábyrgðin er alger. Í þriggja flokka stjórn eins og þeirri sem nú er farin frá völdum, gátu ráðherrar tekið nokkuð einhliða ákvarðanir í sínum ráðuneytum og gerðu það þrátt fyrir vissu um að samstarfsflokkar væru þeim ekki sammála. Og nú, þegar samstarfinu líkur segja þeir „ekki benda á mig“ þegar rifjuð eru upp mál sem eru þeim óþægileg.
Málflutningur frambjóðenda nú er frekar hefðbundinn. Það málefni sem mest hefur verið í umræðunni er vinsælast. Þá gleymast málefni þeirra sem ekki hafa baráttuþrek til að koma sér á framfæri svo sem málefni eldra fólks. Fólksins okkar. Við erum nefnilega stöðugt í björgunarstörfum; að bregðast of seint við alls konar ástandi sem virðist alltaf koma á óvart.
Eitt er ljóst. Það stefnir í spennandi kosningar og líklegt er að við munum sjá nýtt stjórnarmynstur í næstu ríkisstjórn. Mikilvægt er að nýta kosningaréttinn svo göngum öll til kosninga og greiðum þeim atkvæði sem við treystum best!
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
