Þetta verður alvöru hret
,,Ég tala ekkert um þetta sýnishorn sem núna er og verður þar til þetta brestur á kemur i í nótt " Mynd RBJ
Það er hreint út sagt skítaveður á Norðurlandi eins og spár höfðu boðað, vefurinn hafði samband við sérlegan veðurfræðinga okkar Óla Þór Árnason sem er veðurfræðingur á Veðurstofu Íslands.
Gefum Óla orðið.
,,Þetta verður alvöru hret, ég tala ekkert um þetta sýnishorn sem núna er og verður þar til það brestur fyrir alvöru.
Í nótt kemur inná norðaustanvert landið hvass norðvestan strengur með talsverðri úrkomu og má búast við úrkoman verði á jafnt fljótandi sem föstu formi. Næst sjávarmáli verður þetta ýmist rigning eða slydda en ekki þarf að fara nema 100 metra eða svo yfir sjávarmál áður en úrkoman fellur sem snjókoma.
Í fyrramálið (þriðjudagsmorgun) verður veðrið komið yfir allt Norðurland og mun það ná vestur undir Strandir og suður með Austfjörðum ásamt því að suðaustantil verður enn hvassara en á Norðurlandi, en á móti verður mun minni úrkoma þar.
Á morgun, þriðjudag og eins á miðvikudag er litla breytingu að sjá, þó dregur heldur úr vindi og úrkomu inn á milli, en vissara er að ana ekki útí óvissuna þar sem veðrið er hvergi nærri búið.
Eins gæti hitinn skriðið upp um u.þ.b gráðu eða tvær yfir hádaginn og myndi því rigna eitthvað hærra yfir hádaginn.
Á fimmtudag er svo útlit fyrir að enn ein bylgjan komi inn á norðanvert landið, spár benda til að talsverð eða mikil úrkoma geti fylgt henni og eins gera spár að aðeins hitni líka,en hvort að rigni í 100, 200 eða 300 metra hæð yfir sjó breytir ekki því að það mun snjóa á öllum fjallvegum og inná milli niður undir sjávarmál svo að þeir sem eru veðurháðir ættu að drífa sig í að koma því í skjól sem hægt er og vera viðbúnir að þetta standi fram á föstudag.
Þá benda spár að dragi mikið úr vindi og ofankomu en það mun taka einhvern tíma fyrir alla þessa úrkomu að skila sér til sjávar aftur.“
Hreint skítaveður sem við okkur blasir!
Óli Þór Árnason veðurfræðingur á vakt!
Nýjast
-
Miklar endurbætur á gömlu heimavist Þelamerkurskóla í gangi
Miklar framkvæmdir hafa verið í gangi í Hörgársveit undanfarin misseri sem miða að því að styrkja innviði sveitarfélags þar sem íbúafjölgun hefur verið mikil hin síðari ár. Gagngerar endurbætur standa yfir á gamla heimavistarhúsnæði Þelamerkurskóla og var nú við upphaf skólaárs tekið í notkun nýtt rými þar fyrir unglingadeild skólans. Áður eða í fyrrahaust var enn ein nýja byggingin tekin í notkun við Heilsuleikskólann Álfastein. Þar var horft til framtíðar, pláss er fyrir 90 börn en þau eru kringum 70 um þessar mundir. Stærstu vinnustaðir sveitarfélagsins eru í leik- og grunnskólanum, en þar eru starfsmenn nú samtals 51. Í Hörgársveit búa nú 866 íbúar og er að því stefnt að þeir verði 1001 í það minnsta um mitt ár 2026. -
Umhverfisvænni kostir fundust ekki fyrir nýjan ferlibíl
Leitað verður eftir nýjum ferlibíl fyrir Strætisvagna Akureyrar sem gengur fyrir dísel orkjugjafa og uppfyllir að lágmarki Euro 6 mengunarstaðal. Ekki fundust aðrir umhverfisvænni kostir segir í bókun umhverfis- og mannvirkjaráðs. -
Fataslá sett upp í MA - Kaupum sjaldnar, kaupum notað
Nú má finna fataskiptislá framan við bókasafn Menntaskólans á Akureyri. Fólki er frjálst að koma með fatnað og/eða taka af sláni eftir því hvað hentar hverju sinni. Í tilkynningu frá umhverfisnefnd skólas segir að textíliðnaðurinn sé einn sá umfangsmesti í heimi og að honum fylgi gríðarleg mengun og umhverfisspjöll. -
Nýtt stjórnsýsluhús á Laugum tilbúið
Í dag var merkilegur áfangi í sögu Þingeyjarsveitar þegar nýtt stjórnsýsluhús á Laugum var formlega tilbúið. Ragnheiður Jóna Ingimarsdóttir, sveitarstjóri fékk lyklana afhenta við óformlega athöfn í haust blíðunni. Húsið mun hýsa skrifstofu sveitarfélagsins og þar verða einnig rými sem fyrirtæki, stofnanir og einyrkjar geta nýtt sér. Vonast er til þess að húsið verði iðandi af lífi, suðupottur hugmynda og verkefna þar sem allir eru velkomnir -
Grýtubakkahreppur, Norðurþing og Þingeyjarsveit - Ekki innheimt gjald fyrir ávexti
Ekki verður innheimt gjald fyrir þjónustu mötuneytis Grenivíkurskóla við nemendur skólans fá og með haustinu 2024. Allur matur sem börnin fá í skólanum, morgunmatur, hádegisverður, ávextir eða annað er gjaldfrjáls. Áður var innheimt eitt gjald fyrir allan mat. -
Síðuskóli 40 ára
Eins og fram hefur komið var því fagnað í gær að þá voru 40 liðin frá þvi að Síðuskóli á Akureyri tók til starfa. -
Áætlað að slátra um 88 þúsund fjár á Húsavík
Sláturtíð hófst hjá Kjarnafæði Norðlenska á Húsavík í fyrradag. Áætlað er að hún standi yfir til loka október, ljúki 31. þess mánaðar og á þeim tíma er gert ráð fyrir að slátra á bilinu 87.500 til 88.000 fjár. -
Ekkert ferðaveður á Mývatnsöræfum
Lögreglan á Norðurlandi eystra segir á Facebooksíðu embættisins frá illviðri á Mývatnsöræfum og er færslan svohljóðandi: ,,Lögreglunni á Norðurlandi Eystra voru að berast upplýsingar um mjög slæmt verður á Mývatnsöræfum. Sandstormur og ofsarok. Malbik er að flettast af veginum vestan við Jökulsá á Fjöllum við Grímsstaði. Ökumenn hafa leitað vars með bíla sína á aðeins skjólsælli stöðum. Lögreglumenn sem fóru um svæðið fyrir skammri stundu óskuðu þess að vegfarendur yrðu upplýstir með þessar aðstæður ef nokkur kostur væri. Vegagerðin er einnig að setja inn viðvörun um hættulegar aðstæður á veginum vegna veðurs, á sinn vef í þessum töluðu orðum. Látið endilega vini og kunningja vita ef þið vitið af ferðum fólks þarna efra. Bíðið af ykkur veðrið og fylgist með veðurspá og færð.” -
Sólin skín og vindur blæs
Það er óhætt að segja sem svo að það blási ansi hressilega hér i bæ enda hefur samkvæmt mælum Veðurstofu Íslands vindhraðinn slegið í 27 metra hér í kviðum og þó aðeins hafi lægt s.l. klukkustundina eru enn 10 metrar á klst og fer i 20 metra í kviðum.
Athugasemdir