„Viðtökurnar hafa verið frábærar“
„Þetta er ellefta árið sem Dömulegu dekurdagarnir eru haldnir á Akureyri og aldrei hefur gengið eins vel og nú í ár að selja slaufurnar. Viðbrögðin hafa verið frábær,“ segir Inga Vestmann en hún ásamt Vilborgu Jóhannsdóttur eru konurnar á bak við Dömurlega dekurdaga í tengslum við Bleikan október.
Í þessum mánuði prýða stórar bleikar slaufur ljósastaura víða um bæinn. Efnið í slaufurnar er sérstaklega flutt inn til landsins og handbinda þær Inga og Vilborg slaufarnar sjálfar. Markmiðið með slaufunum er tvíþætt; að lífga upp á bæinn og að minna konur á að fara í krabbameinsskoðun. Þess utan er tilgangur Dömulegra dekurdaga að glæða bæinn lífi, fá vinkonur, systur, mæðgur, dætur og vinnufélaga til að koma í bæinn og njóta saman. Fyrirtæki, stofnanir og einstaklingar geta keypt slaufur á sinn staur og kosta slaufurnar 5000 kr. Þá hafa mörg húsfélög í bænum tekið sig saman og keypt slaufur í íbúðargötur. Allur ágóðinn rennur óskiptur til Krabbameinsfélags Akureyrar og nágrennis.
Slaufurnar uppseldar
Inga segir að slaufurnar séu uppseldar, „en að sjálfsögðu er hægt að taka slaufu í fóstur og styrkja þannig málefnið,“ segir hún. „Einnig eru fallegu handþrykktu klútarnir enn til sölu fyrir sama málefni og kostar hver klútur 3000 kr. og rennur ágóður óskiptur til Krabbameinsfélagins,“ segir Inga en klútarnir fást í Versluninni Centro og í Pedromyndum.
Styrkurinn verður síðan afhendur Krabbameinsfélaginu á lokakvöldi Bleika mánaðarins á Icelandair hótel í lok mánaðarins.
Nýjast
-
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið.
