30. október - 6. nóember - Tbl 44
Tvöfalt afmæli hjá Aðalheiði S. Eysteinsdóttur í ár
Aðalheiður að störfum á Vinnustofu sinni. Mynd aðsend
„Þetta hefur verið virkilega gott og skemmtilegt ár,“ segir Aðalheiður S. Eysteinsdóttir sem á tvöfalt afmæli á þessu ári, hún varð 60 ára fyrr í sumar og átti 30 ára útskriftarafmæli frá Myndlistaskólanum á Akureyri. Hún fagnaði tímamótunum með því að bjóða landsmönnum upp á 60 gjöringa á 6 dögum hér og hvar um landið. Sýning hennar, Vegamót stendur yfir í Menningarhúsinu Hofi á Akureyri og lýkur í næstu viku en hún á einnig verk á samsýningu norðlenskra listamanna í Listasafninu á Akureyri. Næst liggur leið Aðalheiðar til Danmerkur þar sem hún verður við listsköpun og sýningarhald.
Aðalheiður er fædd á Siglufirði í júní 1963. Hún fluttist til Akureyrar 1986 og stundaði nám við Myndlistarskólann á Akureyri. Því lauk hún árið 1993 eða fyrir 30 árum. „Það má segja að listamaður standi á vegamótum þegar horft er yfir 30 ára sköpunarferil,“ segir hún en sýningin í Hofi var sett upp í tilefni af þriggja áratuga störfum hennar á sviði myndlistar. Aðalheiður hefur á sínum langa ferli sett upp ríflega 200 einkasýningar í 14 löndum. Verk hennar eru víða til m.a. á söfnum hér á landi og erlendis. Aðalheiður rak Kompuna, gallerí á Akureyri og hefur nú opnað gallerí í heimabæ sínum, Siglufirði með sama nafni. Hún tók virkan þátt í uppbyggingu Listagilsins á Akureyri og var einn af stofnendum Verksmiðjunnar á Hjalteyri. Aðalheiður var bæjarlistamaður á Akureyri árið 2000 og árið 2022 bæjarlistamaður Fjallabyggðar. Hún hefur verið þátttakandi í Dieter Roth akademíunni og hlotið starfslaun listamanna. Þá má nefna að hún hlaut Eyrarrósin nú í ár.
Aðalheiður heldur tvö heimili, annað í Freyjulundi í Hörgársveit og hitt á Siglufirði en hún keypti Alþýðuhúsið þar í bæ árið 2011. „Ég er svolítið á flakki milli staða, enda tekur svo sem ekki langan tíma að aka þessa leið á milli,“ segir hún. Árið hefur verið viðburðarríkt líkt og ætla má þegar tveimur góðum tímamótum er fagnað og segir hún að viðtökur við þeim sýningum sem standa yfir á Akureyri hafi verið góðar. „Ég heyri ekki annað en fólk sé ánægt og hrifið af þeim verkum sem ég er að sýna um þessar mundir,“ segir hún.
Lengri leiðin á milli heimila
Aðalheiður hefur fagnað með sýningum þegar hún náði fertugs- og fimmtugsaldri, var með 40 sýninga röð sem sett var upp í 14 löndum þegar hún varð 40 ára og 50 sýninga röð í tilefni af 50 ára afmælinu. Nú tók hún sig til og hóaði saman fleiri listamönnum og fagnaði með hringferð um Ísland og bauð upp á 60 gjörninga. Leikar hófust við heimili hennar í Freyjulundi og lauk við Alþýðuhúsið á Siglufirði 6 dögum síðar. „Það má segja að ég hafi tekið lengri leiðina á milli heimila minna,“ segir hún. „Þetta var virkilega skemmtilegt ferð og eftirminnilega en ég neita því ekki að hún var krefjandi, hálfgert maraþon má segja. En allt gekk eins og í lygasögu nema hvað einn daginn sprakk dekk á rútu sem setti svolítið strik í reikninginn, það tafði dagskránna um tvo klukkutíma, en að öðru leyti stóðust allar tímasetningar,“ segir hún.
Tíu gjörningar á dag
Alls voru 10 gjöringar í boði á hverjum degi þessa 6 daga sem ferðin stóð yfir og voru þeir ýmist á listasöfnum/galleríum eða úti í náttúrinni. Með henni í för var fleira listafólk á tveimur litlum rúmum og í einkabílum auk þess sem heimafólk á hverjum stað bættist í hópinn. „Það voru því töluvert margir sem tóku þátt í þessu með mér, það var mjög skemmtilegt. Þetta varð mér mikil innspýting, víkkar sjóndeildarhringinn og var í alla staði mikið og gott ævintýri.“
Til Danmerkur
Nú er Aðalheiður önnum kafin við að undirbúa sig fyrir ferð til Danmerkur en hún er á leið til Assedrup sem er smábær skammt utan við Árósa. Þar tekur við listamannsdvöl í einn mánuð, frá lokum ágúst og út september en einnig eru þar fyrir fleiri listamenn sem í lok dvalar setja upp sýningu á verkum sínum.„Þetta verður tveggja daga listahátíð með þátttöku bæði okkar aðkomu listamannanna og heimamanna. Árinu lýkur svo að venju með því að ég sýni mín verk í eigin húsnæði, Kompunni á Siglufirði og Freyjulundi, það hefur verið fastur liður undan farin ár og er ómissandi hefð á aðventunni að setja þessa markaði upp í báðum húsum.“
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
