Til taks – Þyrlusaga Landhelgisgæslu Íslands fyrstu 40 árin
Út er komin bókin Til taks Til taks – Þyrlusaga Landhelgisgæslu Íslands fyrstu 40 árin
Út er komin hjá Bókaútgáfunni Hólum bókin Til taks – Þyrlusaga Landhelgisgæslu Íslands fyrstu 40 árin. Í bókinni er, eins og nafn hennar gefur til kynna, rakin saga þyrlusveitar Landhelgisgæslu Íslands fyrstu fjóra áratugina.
Sagt er frá baráttunni fyrir því að fá björgunarþyrlu til landsins, en þær hafa verið nokkrar í gegnum tíðina og æði misjafnar, viðamestu verkefnum þyrlnanna og sviplegum atburðum í rekstri þeirra. Tveir af höfundum bókarinnar, þeir Páll Halldórsson og Benóný Ásgrímsson, eru reyndustu þyrluflugmenn okkar og hafa þeir, ásamt fleirum auðvitað, komið mörgum til bjargar. Þriðji í hópi höfunda er Júlíus Ó. Einarsson, þjóðfræðingur og fyrrum lögreglumaður.
Fjölmargar myndir prýða bókina, sem ætti að höfða til allra landsmanna, enda koma þyrlur Landhelgisgæslunnar nánast við sögu á hverjum degi og þar leggja menn sig í líma við að bjarga lífi þeirra sem staddir eru í hættu.
Hér á eftir fer lítilsháttar efni úr bókinni:
Baldvin Þorsteinsson strandar
Eftir að togarinn Baldvin Þorsteinsson EA strandaði á Skarðsfjöru að morgni þriðjudagsins 9. mars 2004, hófst viðamikil og flókin björgunaraðgerð með aðkomu margra aðila. Sextán manna áhöfn hins tæplega 3.000 brúttótonna skips var bjargað örugglega um borð í TF-LIF eftir strandið. Fenginn var öflugur, norskur dráttarbátur til að freista þess að bjarga togaranum.
Það var erfiðleikum háð að koma dráttartaug á milli skipanna en tveir kílómetrar skildu þau að. Þyrlur fluttu nú dráttartaug yfir í dráttarbátinn og brugðið var á það ráð að láta TF-SIF síðan draga svonefndan tildráttarvír úr dráttarbátnum í land. Þangað var hinn eiginlegi dráttarvír togaður inn, þaðan sem honum var komið yfir í togarann.
Fljúga þurfti þyrlunni aftur á bak með vírinn og tók það um 40 mínútur. Aðgerðin var nokkuð flókin, útheimti mikla einbeitingu áhafnar og hafði ekki verið reynd áður við björgun hérlendis. Ekki tókst betur til en svo að taugin slitnaði milli skipanna svo að aftur þurfti að tengja vír á milli þeirra en að þessu sinni var bakkað með vír á TF-SIF úr landi og yfir í dráttarbátinn.
Allt fór á endanum vel og tókst með dyggri samvinnu fjölda björgunaraðila að bjarga skipinu af strandstað.
Höfundar bókari frá vinstri: Benóný, Júlíus og Páll
Þetta segir í tilkynningu frá útgefanda
Nýjast
-
Sjálfstæðismenn velja á framboðslista á tvöföldu kjördæmisþingi
Ljóst er að kosið verður á milli minnst tveggja einstaklinga í oddvitasæti Sjálfstæðisflokksins í Norðausturkjördæmi. Valið verður á tvöföldu kjördæmisþingi á sunnudag. -
Jens Garðar Helgason býður sig fram sem oddviti Sjálfstæðisflokksins í Norðausturkjördæmi
Jens Garðar Helgason hefur tilkynnt framboð sitt til oddvita Sjálfstæðisflokksins í Norðausturkjördæmi í komandi þingkosningum. Jens Garðar, hefur langa reynslu af störfum í atvinnulífi og sveitarstjórn, segir framboðið byggt á þörf fyrir sterka forystu sem gæti betur hagsmuna Norðausturkjördæmis. „Ég hef alltaf haft mikinn áhuga á málefnum samfélagsins og trúi því að með sameiginlegu átaki getum við tryggt áframhaldandi framfarir og velferð í kjördæmi sem og landinu í heild,“ segir Jens Garðar. „Sjálfstæðisflokkurinn hefur alltaf verið sterkt hreyfiafl íslenskra stjórnmála og þjóðlífs. Ég vill leggja mitt af mörkum í baráttu fyrir framgangi sjálfstæðisstefnunnar," segir hann. -
Til taks – Þyrlusaga Landhelgisgæslu Íslands fyrstu 40 árin
Út er komin hjá Bókaútgáfunni Hólum bókin Til taks – Þyrlusaga Landhelgisgæslu Íslands fyrstu 40 árin. Í bókinni er, eins og nafn hennar gefur til kynna, rakin saga þyrlusveitar Landhelgisgæslu Íslands fyrstu fjóra áratugina. -
Tíminn líður, trúðu mér 2
Þegar fyrst er farið af stað við að róta upp í minningum liðina ára, er ekki laust við að það rofi til og nætursvefn minn raskist. Ástæðan er sú ólga sem hugsanir um yfirbyggða æfinga- og keppnislaug veldur. Eins og áður hefur komið fram erum ég og Sundfélagið Óðinn á svipuðum aldri og 10 ára gekk ég til liðs við félagið -
Blaðberi óskast
Óskum eftir að ráða blaðbera í Innbæinn fyrir Dagskrána, áhugasamir hafi samband við Gunnar í síma 860-6751. Hverfið er laust strax. -
Framkvæmdir hafnar á Húsavík á vegum Bjargs
Bjarg íbúðafélag er húsnæðissjálfseignarstofnun stofnuð af ASÍ og BSRB. Félagið er rekið án hagnaðarmarkmiða og er ætlað að tryggja tekjulágum fjölskyldum á vinnumarkaði aðgengi að öruggu íbúðarhúsnæði í langtímaleigu. -
Góð afmælisgjöf til VMA
Það er alveg meiriháttar að fá þessa gjöf og kemur sér afar vel, segir Guðmundur Geirsson, kennari við rafiðndeild en Reykjafell afhenti deildinni sl. föstudag með formlegum hætti veglega gjöf í tilefni af 40 ára afmæli VMA. Um er að ræða ýmsar gerðir af stýriliðum og stýribúnaði sem kemur heldur betur að góðum notum í kennslu í stýringum í rafniðndeildinni. -
Alþýðusamband Norðurlands Ósk nýr formaður
Ný stjórn var kjörin á þingi Alþýðusambands Norðurlands á Illugastöðum í fyrri viku. Ósk Helgadóttir, frá Framsýn, var kjörin nýr formaður til næstu tveggja ára. Með henni í stjórn eru Jóhannes Jakobsson, frá Byggiðn, sem er varaformaður stjórnar, og Vigdís Edda Guðbrandsdóttir, frá Samstöðu, sem er ritari stjórnar. -
Alþýðusamband Norðurlands Markvisst verið dregið úr heilbrigðisþjónustu á landsbyggðinni
Hver vill ekki hafa aðgengi að lækni og öðru heilbrigðisstarfsfólki í sinni heimabyggð? Alþýðusamband Norðurlands varpar þessari spurningu fram í ályktun um heilbrigðismál sem samþykkt var á þingi þess nýverð. Öflug heilbrigðisþjónusta séu sjálfsögð mannréttindi.
