Sjálfstæðismenn velja á framboðslista á tvöföldu kjördæmisþingi
Ljóst er að kosið verður á milli minnst tveggja einstaklinga í oddvitasæti Sjálfstæðisflokksins í Norðausturkjördæmi. Valið verður á tvöföldu kjördæmisþingi á sunnudag.
Jens Garðar Helgason, aðstoðarframkvæmdastjóri Kaldvíkur og fyrrum bæjarfulltrúi í Fjarðabyggð, tilkynnti í morgun að hann byði sig fram í oddvitasætið.
Njáll Trausti Friðbertsson, Alþingismaður, skipaði oddvitasætið í síðustu kosningum. Hann staðfestir í samtali við Austurfrétt að hann gefi kost á sér áfram. Hann var fyrst kjörinn á þing árið 2016 og hefur á þessu kjörtímabili verði formaður fjárlaganefndar og setið í umhverfis- og samgöngunefnd Alþingis.
„Svona er lýðræðið og það er gott að fá sem flesta í framboð. Jens Garðar er skemmtilegur drengur og þetta verður skemmtilegt,“ segir Njáll Trausti.
Í gærkvöldi var send út tillaga um að valið verði á tvöföldu kjördæmisþingi í Mývatnssveit næsta sunnudag. Tillagan sjálf verður borin upp klukkan 11 á einföldu kjördæmisþingi þar sem aðeins aðalmenn eiga sæti. Tillagan gengur út á að velja í fimm efstu sætin. Verði hún samþykkt hefst tvöfalt kjördæmisþing á hádegi en á því eiga varafulltrúar líka atkvæðisrétt.
Kosið er um efsta sætið fyrst, talið og tilkynnt um úrslit tveggja efstu frambjóðenda áður en kosið er um næsta sæti. Þegar búið er að kjósa í þau sæti sem þingið hefur ákveðið kemur til kasta kjörnefndar að ganga frá endanlegum lista sem inniheldur 20 nöfn. Stefnt er að bera hann upp til samþykktar áður en þinginu er slitið.
Þessi frétt birtist fyrst á vef Austurfréttar en er birt hér með fullu samþykki.
Nýjast
-
Húsnæði fundið fyrir Kvennaathvarfið- Mikill léttir
„Þetta er mikill léttir og mikil gleði að málið er nú í höfn,“ segir Linda Dröfn Gunnarsdóttir framkvæmdastýra Kvennaathvarfsins en hún skrifaði fyrr í dag undir samning um leigu á húsnæði á Akureyri. Samningurinn er til þriggja ára. -
Sjálfstæðismenn velja á framboðslista á tvöföldu kjördæmisþingi
Ljóst er að kosið verður á milli minnst tveggja einstaklinga í oddvitasæti Sjálfstæðisflokksins í Norðausturkjördæmi. Valið verður á tvöföldu kjördæmisþingi á sunnudag. -
Jens Garðar Helgason býður sig fram sem oddviti Sjálfstæðisflokksins í Norðausturkjördæmi
Jens Garðar Helgason hefur tilkynnt framboð sitt til oddvita Sjálfstæðisflokksins í Norðausturkjördæmi í komandi þingkosningum. Jens Garðar, hefur langa reynslu af störfum í atvinnulífi og sveitarstjórn, segir framboðið byggt á þörf fyrir sterka forystu sem gæti betur hagsmuna Norðausturkjördæmis. „Ég hef alltaf haft mikinn áhuga á málefnum samfélagsins og trúi því að með sameiginlegu átaki getum við tryggt áframhaldandi framfarir og velferð í kjördæmi sem og landinu í heild,“ segir Jens Garðar. „Sjálfstæðisflokkurinn hefur alltaf verið sterkt hreyfiafl íslenskra stjórnmála og þjóðlífs. Ég vill leggja mitt af mörkum í baráttu fyrir framgangi sjálfstæðisstefnunnar," segir hann. -
Til taks – Þyrlusaga Landhelgisgæslu Íslands fyrstu 40 árin
Út er komin hjá Bókaútgáfunni Hólum bókin Til taks – Þyrlusaga Landhelgisgæslu Íslands fyrstu 40 árin. Í bókinni er, eins og nafn hennar gefur til kynna, rakin saga þyrlusveitar Landhelgisgæslu Íslands fyrstu fjóra áratugina. -
Tíminn líður, trúðu mér 2
Þegar fyrst er farið af stað við að róta upp í minningum liðina ára, er ekki laust við að það rofi til og nætursvefn minn raskist. Ástæðan er sú ólga sem hugsanir um yfirbyggða æfinga- og keppnislaug veldur. Eins og áður hefur komið fram erum ég og Sundfélagið Óðinn á svipuðum aldri og 10 ára gekk ég til liðs við félagið -
Blaðberi óskast
Óskum eftir að ráða blaðbera í Innbæinn fyrir Dagskrána, áhugasamir hafi samband við Gunnar í síma 860-6751. Hverfið er laust strax. -
Framkvæmdir hafnar á Húsavík á vegum Bjargs
Bjarg íbúðafélag er húsnæðissjálfseignarstofnun stofnuð af ASÍ og BSRB. Félagið er rekið án hagnaðarmarkmiða og er ætlað að tryggja tekjulágum fjölskyldum á vinnumarkaði aðgengi að öruggu íbúðarhúsnæði í langtímaleigu. -
Góð afmælisgjöf til VMA
Það er alveg meiriháttar að fá þessa gjöf og kemur sér afar vel, segir Guðmundur Geirsson, kennari við rafiðndeild en Reykjafell afhenti deildinni sl. föstudag með formlegum hætti veglega gjöf í tilefni af 40 ára afmæli VMA. Um er að ræða ýmsar gerðir af stýriliðum og stýribúnaði sem kemur heldur betur að góðum notum í kennslu í stýringum í rafniðndeildinni. -
Alþýðusamband Norðurlands Ósk nýr formaður
Ný stjórn var kjörin á þingi Alþýðusambands Norðurlands á Illugastöðum í fyrri viku. Ósk Helgadóttir, frá Framsýn, var kjörin nýr formaður til næstu tveggja ára. Með henni í stjórn eru Jóhannes Jakobsson, frá Byggiðn, sem er varaformaður stjórnar, og Vigdís Edda Guðbrandsdóttir, frá Samstöðu, sem er ritari stjórnar.
