27. nóvember - 4. desember - Tbl 48
Þóra Pétursdóttur nýr formaður Þórs
Ingi Björnsson (t.v.), Þóra Pétursdóttir nýr formaður og Árni Óðinsson fyrrum formaður Þórs. Mynd/Thorsport.is
Á aðalfundi Þórs í gærkvöld bar það helst til tíðinda að Þóra Pétursdóttir tekur við embætti formanns félagsins af Inga Björnssyni. Þóra, sem fædd er árið 1982 og hefur verið afar virk í félagsstarfi Þórs frá barnæsku er þar með önnur konan til að gegna embætti formanns. En sú fyrsta var Svala Stefánsdóttir sem var formaður rétt fyrir síðustu aldamót. Greint er frá þessu á vef félagsins.
Ingi Björnsson gaf ekki kost á sér áfram í embætti formanns, en hann hafði gegnt því embætti undanfarin fjögur ár. Óhætt er að segja að í tíð Inga hafi félagsstarf blómstrað og rekstur þess sjaldan, ef nokkurntíman verið betri (nánar um það síðar). Íþróttafélagið Þór vill koma á framfæri miklum þökkum til Inga fyrir afar gott starf í þágu félagsins.
Úr aðalstjórn félagsins gengu þau Elma Eysteinsdóttir, Kristinn Ingólfsson, Brynja Sigurðardóttir og Helga Lyngdal ásamt því að Þóra Pétursdóttir sem áður gengdi embætti varamanns er nú orðin formaður félagsins. Vill heimasíðan koma á framfæri ævarandi þökkum til þeirra sem nú úr stjórn ganga fyrir frábær störf í þágu félagsins á undanförnum árum.
Inn í stjórn komu þau Eva Björk Halldórsdóttir, Ingi Steinar Ellertsson og Nói Björnsson. Ragnar Níels Steinsson og Jakobína Hjörvarsdóttir eru nýkjörnir varamenn í stjórn félagsins en Jakobína, sem er fædd árið 2004 er einnig fulltrúi unga fólksins í stjórninni. Íris Ragnarsdóttir, Þorgils Sævarsson og Unnsteinn Jónsson sitja áfram í stjórn. Bjóðum við nýja stjórnarmeðlimi hjartanlega velkomna til starfa og hlökkum mikið til framtíðarinnar með þeim.
Nýjast
-
Atkvæði Grímseyinga komin til Akureyrar
Anna María Sigvaldadóttir formaður kjörstjórnar í Grímsey sigldi og ók með atkvæði úr eynni til Akureyrar þar sem Helga Eymundsdóttir formaður kjörstjórnar á Akureyrar tók við þeim. Eftir að Anna María hafði afhent kjörgögn kaus hún sjálf utan kjörfundar á Akureyri. Alls eru 49 á kjörskrá í Grímsey -
Akureyri - Opnun jólatorgsins og ljósin tendruð á jólatrénu
Hátíðleg stund verður á Ráðhústorginu á sunnudaginn, fyrsta sunnudag í aðventu, þegar ljósin verða tendruð á jólatré bæjarbúa og splunkunýtt jólatorg verður opnað. -
Jólin koma, jólin koma!
Starfsfólk skógræktarfélaga hefur í nógu að snúast þessa dagana við undirbúning jólanna en sala á jólatrjám hefst innan tíðar. Hér eru þau Sigurður Ormur, Ólöf, Benedikt, Huldar og Bergsveinn með rauðgreni jólatré sem þeir Benedikt og Huldar frá Skógræktinni á Vöglum færðu kollegum sínum í Skógræktarfélagi Eyjafjarðar. -
Þingför eða aðför?
Kjördagur nálgast óðfluga, frambjóðendur með þingmanninn í maganum keppast við að ná augum og eyrum kjósenda, það er engin gúrkutíð hjá fjölmiðlum landsins meðan á kosningabaráttu stendur. Og athygli beinist að sumum frekar en öðrum, stundum fyrir ábyrðarlausan málflutning, hnyttin slagorð eða jafnvel forkastanlega hegðun. -
Jólasöfnun Velferðarsjóðs Eyjafjarðarsvæðis hafin
Stöðug fjölgun er í hópi þeirra sem óska eftir aðstoð Velferðarsjóðs Eyjafjarðarsvæðis. Úthlutað er úr sjóðnum yfir allt árið þó flestir sækist eftir aðstoð fyrir hátíðarnar. Fyrir jólin 2023 barst metfjöldi umsókna en með góðum stuðningi frá fyrirtækjum, félagasamtökum og einstaklingum var hægt að styðja við þau heimili sem þurftu hjálp. Stjórn sjóðsins gerir ráð fyrir að umsóknir nú verði síst færri en í fyrra. Hjálparstarf kirkjunnar, Hjálpræðisherinn á Akureyri, Mæðrastyrksnefnd Akureyrar og nágrennis og Rauði krossinn við Eyjafjörð hafa frá árinu 2013 haft samstarf um jólaaðstoð á Eyjafjarðarsvæðinu og síðustu þrjú ár hefur samstarfið verið yfir allt árið. -
Opnar dyr í Eyjafjarðarsveit
Ferðamálafélag Eyjafjarðarsveitar stendur fyrir viðburði sem nefnist Opnar dyr á laugardag, 30.nóvember og nú í fimmta sinn. Markmiðið með þessum viðburði er að kynna þá starfsemi sem er í sveitinni og bjóða uppá tækifæri til að versla beint við framleiðendur og fyrirtæki. -
Hollvinir SAk gefa öndunarmælingatæki
Hollvinasamtök Sjúkrahússins á Akureyri (SAk) gáfu rannsóknarstofu lífeðlisfræðideildar SAk á dögunum nýtt öndunarmælingartæki, tækið nýtist við greiningu, meðferð og eftirlit lungnasjúkdóma Nýja tækið (Vintus One) gefur möguleika á mismunandi tegundum öndunarmælinga, s.s. fráblástursmælingu, loftdreifiprófi, mælingu á rúmmáli lungna og sveiflumælingu. -
Að kjósa annað en Framsókn er að kjósa kyrrstöðu eða afturför í heilbrigðismálum.
Frá árinu 2022 og til 2023 fjölgaði valkvæðum liðskiptaaðgerðum á Íslandi um rúmlega átta hundruð aðgerðir. Meðal tíminn sem að hver sjúklingur þurfti að eyða á biðlista var yfir níu mánuðir. Það er því í raun vel skiljanlegt að þessir biðlistar hafi lengst til mikilla muna vegna einfaldlega hinnar gríðarlegu fjölgunar á liðskiptaaðgerðum. -
Tími til að gleðjast með fjölskyldunni
Aðventuhátíðin Jólabærinn minn á Húsavík
