Þjónusta við ferðafólk aukin í Vaglaskógi
Enn má finna snjóskafla í Vaglaskógi eftir vorhretið í liðinni viku, en gera má ráð fyrir að hlýindin nú í vikunni fari langt með að bræða þá. Vaglaskógur verður opnaður fyrir umferð í næstu viku, föstudaginn 1. júní. Gróska er enn ekki mikil í skóginum enda lætur norðlenska birkið ekki plata sig og fer ekki af stað fyrr en nokkur vissa er fyrir því að komið sé sumar. Sigurður Skúlason skógarvörður segir í nógu að snúast við að undirbúa komu fyrstu gestanna, en m.a. á að bæta þjónustu við ferðafólk með því að auka við svæði sem bjóða upp á rafmagn. Sem þykir nú nauðsynlegt í útilegum nútímafólks, segir Sigurður. Í sumar verður þannig boðið upp á rafmagnstengingar í Stóra-rjóðri til viðbótar þeim tjaldsvæðum í Vaglaskógi sem þegar hafa rafmagn. Þetta kostar vissulega dálitla peninga og þeir eru hér eins og víða af skornum skammti, en einhvern veginn bjargast þetta, segir hann.
Sigurður á von á góðu ferðasumri og gerir ráð fyrir að ferðafólk flykkist í Vaglaskóg, enda síðastliðið sumar með eindæmum lélegt. Um 7.300 gistinætur voru skráðar á liðnu sumri, en þær hafa að jafnaði verið á bilinu 12 til 15 þúsund undanfarin ár. Sérlega kaldur og blautur júnímánuður er fyrst og fremst skýringin á fækkun gistinótta og þá nefnir skógarvörður að oft hafi rignt á föstudögum síðasta sumar sem dró úr ferðagleðinni og fólk mætti því ekki fyrr en sól fór að skína daginn eftir, og því gisti fólk bara eina nótt yfir helgi í stað tveggja.
Sigurður gerir ráð fyrir að umferð um Vaglaskóg aukist verulega með tilkomu Vaðlaheiðaganga. Við gerum ráð fyrir að umferð aukist mjög eftir að þau komast í gagnið, einkum af fólki í dagsferðum, sem lítur við í skóginum, fer í gönguferðir, borðar nestið sitt eða kaupir veitingar, segir Sigurður. Hann segir að áætlað sé að einungis einn fjórði af þeim sem koma í Vaglaskóg gisti í skóginum, hinir séu í stuttri heimsókn.
Nýjast
-
Stefna flokksins í utanríkismálum
Grunnstef Lýðræðisflokksins er gott samstarf við Nato sem er varnarbandalag og hefur verið hornsteinn í utanríkisstefnu Íslands -
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum.
