Skriðjökull til liðs við SúEllen, tónleikar á Græna hattinum í kvöld
Nú hefur norðanmaðurinn Jóhann Ingvason hljómborðsleikari Skriðjökla gengið í SúEllen frá Neskaupstað. Félagarnir eru með sína fyrstu heilu tónleika í 6 ár á Græna hattinum í kvöld, 14. mars.
Það var mikið sungið á æskuheimili Jóhanns Ingvasonar í Löngumýri á Akureyri enda faðirinn 1. tenór og harmonikkuleikari. Svo voru líka sex syngjandi systur og bróðir sem trommar. Jóhann var sendur í píanónám sem barn, en áhuginn dvínaði vegna lesblindu á nótur. Hann lét það ekki stoppa sig og spilaði eftir eyranu fram á unglingsárin. í Gaggó byrjaði svo hljómsveitastúss með félögum sem síðar stofnuðu Skriðjökla. Í Menntaskólanum á Akureyri var Jóhann fljótlega munstraður sem konsertmeistari, en það er sá nemandi sem spilar undir á Söngsal og öðrum viðburðum.
Eftir MA flutti hann til Reykjavíkur og hóf síðar nám í Tónlistarskóla FÍH ásamt því að spila með “pöbbaböndum” á borð við Sköllótta mús og Kórdrengjum. Seinna flutti hann til Boston og nam hljóðupptökufræði við Berklee College of Music. Útskrifaðist þaðan 1994 og vann um skeið í nokkrum hljóðverum í Boston og sem sérfræðingur í hljómborðum og stafrænum upptökubúnaði í Guitar Center.
Tröllum á meðan við tórum
Jóhann er Skriðjökull frá upphafi en hefur starfað með fjölmörgum hljómsveitum að auki. Jóhann hefur verið söngmaður síðan 2017 í Karlakórnum Fóstbræðrum. Mottó Jóhanns: “Hæ tröllum á meðan við tórum, það var pabba vani og það er minn”.
Nýjast
-
Skriðjökull til liðs við SúEllen, tónleikar á Græna hattinum í kvöld
Nú hefur norðanmaðurinn Jóhann Ingvason hljómborðsleikari Skriðjökla gengið í SúEllen frá Neskaupstað. Félagarnir eru með sína fyrstu heilu tónleika í 6 ár á Græna hattinum í kvöld, 14. mars. -
Útgerðarfélag Akureyringa 80 ára
Miðvikudagurinn 14. mars árið 1945 markaði þáttaskil í atvinnusögu Akureyrarbæjar. Þennan dag var boðað til fundar, tilgangur hans var að kanna áhuga á stofnun útgerðarfélags í bænum með það fyrir augum að sækja um skipakaup til Nýbyggingarráðs en umsóknafrestur um slík kaup var við það að renna út. -
Hús á leið til Húsavíkur
Það má með sanni segja að nokkuð óvenjulegur framur hafi átt leið um Akureyri nú í morgunsárið, þegar 12 veglegar flutningabifreiðar óku sem leið lá gegnum bæinn með húseiningar sem eru á leið til Húsavíkur. -
Vel heppnuð kynning á fjölbreyttum störfum í sjávarútvegi á Starfamessu 2025 13.03.2025
Hátt í eitt þúsund nemendur 9. og 10. bekk grunnskóla á Eyjafjarðarsvæðinu auk nemenda í framhaldsskólum og Háskólanum á Akureyri sóttu Starfamessu 2025 sem haldin var í Háskólanum á Akureyri í dag, fimmtudag. -
Nettó í nýja verslunar- og þjónustumiðstöð á Húsavík
Samkaup hefur gert samning við KSK eignir ehf. um leigu á Vallholtsveg 8 á Húsavík. Gert er ráð fyrir afendingu rýmisins á tímabilinu 2028 – 2030. Alls er um að ræða tæplega 1.400 fermetra rými miðsvæðis í bænum með ásættanlegt magn bílastæða og góðu aðgengi. -
Starfsfólk hjá HSN lendir fjölbreyttum verkefnum og sum ná alveg í hjartastað.
Á jólanótt var Ásgeir Örn Jónsson sérfræðingur í bráðalækningum á HSN, heilsugæslunni á Akureyri, á vakt þegar útkallsbeiðni barst sem þróaðist í yndislegt jólaævintýri. -
Lagt til að göngugatan á Akureyri verði lokuð fyrir umferð frá byrjun maí til loka september
Skipulagsráð tekur jákvætt í að göngugötunni á Akureyri verði lokað frá 1. maí til 30. september vegna slæms ástands yfirborðs götunnar og komu skemmtiferðaskipa á þessu tímabili. -
Leikfélag Menntaskólans á Akureyri setur upp Galdrakarlinn í Oz
Leikfélag Menntaskólans á Akureyri frumsýnir Galdrakarlinn í Oz í Menningarhúsinu Hofi annað kvöld, föstudagskvöldið 14. mars. Fjöldi nemenda sem með einum eða örðum hætti tekur þátt í sýningunni er um 100 en nemendur skólans eru í allt um 550. Áhugi á leiklist er mikill í MA og í raun komust færri að en vildu. -
OFF - Oflæti, fákunnátta og fordómar
Þorvaldur Lúðvík Sigurjónssson skrifaði í gærkvöldi færslu á Facebooksíðu sína sem vakið hefur mikla athygli. Vefurinn fékk góðfúslegt samþykki frá Þorvaldi til birtingar á skrifum þeim sem hér á eftir koma.
