,,Sjáðu mamma, ég gat þetta!”
Fjögurra ára sonur minn hrópaði úr stórum kastala: ,,Mamma sjáðu mig ég er svo duglegur, ég gat þetta!!"
Ég svaraði: ,,Já ég sá það, þú klifraðir upp alveg sjálfur og fórst mjög varlega."
Hann: ,,Já ég gat þetta alveg sjálfur.”
Hann þurfti ekki samþykki mitt, orð eða hrós til þess að vita að hann stóð sig vel. Hann vissi það og var stoltur af sjálfum sér. Hrós er afar gagnlegt og mikilvægt í uppeldi barna. En það skiptir máli hvernig er hrósað, það þarf að innihalda tilgang. Það getur verið gott að setja orð á það sem barnið er að gera og að láta vita að þú sjáir það. Okkur hættir til í amstri dagsins að hrósa bara út í loftið til þess að klára það af, hraðinn og streitan er svo mikil. Ef við stöldrum við og njótum þess að hrósa barninu á þann hátt sem nærir það, leggjum við grunn að jarðveg sem hjálpar barninu að blómstra. Uppskeran verður sú að barnið fer að geta hrósað sér sjálft en er ekki háð því að fá hrós frá öðrum. Fyrir mér er það að barn geti hrósað sér sjálft afar gott veganesti út í lífið og til viðbótar styrkist tengslamyndun foreldris og barns því svona samskipti innihalda svo mikla tengingu.
Þetta þarf ekki að vera mjög flókið og það er aldrei of seint að byrja.
Algengt er að fólk segi:
- Vá geggjað
- Mjög flott
- Þú ert ótrúlega duglegur
Þessi hrós hér að ofan eru ekki slæm en hefur þú prófað að segja t.d.:
- Ég sé, þú krítaðir með mörgum litum
- Þú hljópst rosalega hratt
- Ég sé að þú varst að vanda þig
- Gott hjá þér að muna eftir húfunni
- Ég sá að þú klifraðir upp alveg sjálf
- Þú fórst mjög varlega yfir vatnið
- Þú gerðir þetta alveg sjálfur
- Þú renndir þér alveg sjálfur niður stóru rennibrautina
Með því að orða hrósin á þennan hátt getum við ýtt undir líkurnar á því að barnið þjálfi hæfileikann til að geta hrósað sér sjálft, þegar fram líða stundir.
Hægðu á, horfði á barnið þitt og sjáðu hvað það er að gera. Talaðu við það eins og þú myndir vilja að þín innri rödd talaði við þig. Ég vil að innri rödd minna barna geti nært þau og hvatt áfram, að þau geti hrósað sér sjálf, sýnt sér mildi ef þeim mistekst og reynt aftur. Mín ósk er sú að þau séu ekki bundin því að fá hrós eða viðurkenningu frá öðrum.
Höfundur er fjölskyldufræðingur hjá Heilsu- og sálfræðiþjónustunni
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
