13.nóvember - 20.nóvember - Tbl 46
Sextán á biðlista eftir búsetu fyrir fatlaða
Framkvæmdum við nýjan sex íbúða búsetukjarna fyrir fatlaða í Klettaborg miðar vel og er ráðgert að hann verði tilbúinn á næsta ári.
„Markmið fundarins var fyrst og fremst að upplýsa aðstandendur og aðra áhugasama um búsetuþjónustu sem bærinn veitir og stöðu mála í dag. Það sem kom út úr fundinum var helst gott og gagnlegt samtal við fjölmarga fundargesti, sem í mörgum tilvikum eru aðstandendur fatlaðs fólks. Þessi málaflokkur er ofarlega í hugum margra og það er ómetanlegt fyrir sveitarfélagið að fá fram sjónarmið og hugmyndir aðstandenda,“ segir Karólína Gunnarsdóttir, sviðsstjóri fjölskyldusviðs Akureyrarbæjar.
Í síðustu viku fór fram kynningarfundur um búsetu fatlaðs fólks á Akureyri og var vel sóttur. Sveitarfélögum ber að veita fötluðu fólki búsetuúrræði við hæfi. Að sögn Karólínu vinnur Akureyrarbær samkvæmt húsnæðisáætlun og reglum sem sveitarfélagið hefur sett um félagslegt húsnæði, og er markmiðið hverju sinni að veita bestu þjónustu sem völ er á.
Karlmenn í miklum meirihluta
Stefna stjórnvalda er að leggja niður herbergjasambýli og bjóða í staðinn upp á íbúðir í búsetukjarna. Samkvæmt reglugerð skulu íbúðirnar vera í almennri íbúabyggð, helst í nágrenni við þjónustumiðstöð, almenningssamgöngur og þjónustustofnanir og skal miða við að íbúðir í hverjum kjarna séu ekki fleiri en sex.
„Það er markvisst unnið að því að uppfylla þessar kröfur,“ segir Karólína. Akureyrarbær rekur sjö búsetukjarna fyrir fatlað fólk með þroskaskerðingar, þrjá búsetukjarna fyrir geðfatlað fólk, þrjú herbergjasambýli og þjónustar auk þess eitt herbergjasambýli í viðbót. Þessi sértæka búsetuþjónusta er veitt 77 einstaklingum. Athyglisvert er að karlmenn eru í miklum meirihluta, 52 talsins, konur eru 23 og tvö börn.
Biðtíminn brann á fundargestum
Karólína segir að biðtími eftir búsetukjarna hafi helst brunnið á fundarfólki. „Því miður hefur ekki tekist að mæta að fullu þörf fyrir nýjar íbúðir síðustu árin, sérstaklega á árunum eftir efnahagshrunið, og eru í dag 16 einstaklingar á biðlista eftir búsetukjarna. Á næstu misserum er markmiðið að fækka á biðlistanum og er ýmislegt í pípunum,“ segir Karólína. Meðal annars miðar framkvæmdum vel við nýjan sex íbúða búsetukjarna fyrir fatlaða í Klettaborg og er ráðgert að hann verði tilbúinn á næsta ári.
Þá er gert er ráð fyrir því að byggður verði annar sambærilegur búsetukjarni á næstu árum.Í samræmi við stefnu stjórnvalda um að leggja af herbergjasambýli er stefnt að því að breyta sambýlinu í Snægili í litlar stúdíóíbúðir. Á næstu árum er einnig stefnan að stækka sambýlið í Hafnarstræti 16 og breyta í sex íbúðir.
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
