Nýtt gæludýr á heimilið?
Nú þegar haustið er mætt af fullum krafti og skólar eru farnir á fullt er ekki óalgengt að fólk fái sér nýtt gæludýr á heimilið. Gæludýr eru þó misvinsæl og þetta ákveðna sem ég hef í huga er þeim (ó)kostum gætt að bjóða sig velkomið á heimili fólks, því í einstaklega mikilli óþökk og fjölgar sér hraðar en kanínur. Við erum að tala um agnarsmátt skordýr sem kallast lús.
Fæstir endast lengi með þennan vágest á heimlinu og vilja ólmir losna við hann um leið og hans verður við vart. En hvað er til ráða?
Fyrst og fremst er mikilvægt að á öllum heimilum sé til lúsakambur og að hann sé notaður reglulega til að koma auga á smit eins fljótt og mögulegt er. Það er góð regla að kemba t.d. á sunnudögum og mæta lúsalaus á mánudegi í skólann/leikskólann. Til eru margar gerðir af kömbum sem eru misjafnir að gæðum en best er að tennurnar séu frekar langar og þéttar og úr stáli. Einnig eru til rafmagnskambar sem eru ágætir út af fyrir sig en hver og einn finnur hvað virkar best fyrir þá. Fyrir sítt og flókið hár er gott að hafa það rakt, setja í það hárnæringu og kemba það þannig.
Ef lús eða nit, (lúsaregg), finnst í hári er afar mikilvægt að hefja meðferð sem allra fyrst með þar til gerðu sjampói sem fæst í öllum helstu apótekum. Vert er að taka fram að það er óþarfi að meðhöndla þá sem ekki hafa lús/nit. Mikilvægt er að fylgja leiðbeiningum vel og vandlega og muna að endurtaka meðferð eftir 7-8 daga því þá getur klakist úr þeirri nit sem hugsanlega hefur lifað meðferðina af. Á meðan meðferðinni stendur, þ.e. þessa daga, er gott að kemba a.m.k. annan hvern dag í um 2 vikur og gildir það einnig um alla aðra heimilismenn þrátt fyrir að ekki hafi verið lús í þeim fyrir.
Oft eru auglýstir úðar og dropar með ilmefnum eins og tee tree sem eiga að fæla lúsina burt. Engar rannsóknir styðja að það virki en mögulega geta buffin hjálpað við að draga úr smiti. Börnin þurfa þá að hafa buffin á höfðinu og alls ekki skiptast á buffum þar sem lúsin fer á milli kolla með snertingu. Hún getur hvorki hoppað né flogið.
Frekari upplýsingar eru á heilsuvera.is og landlaeknir.is
Fáum okkur frekar hamstur eða hund ef okkur langar í gæludýr!
-Rannveig Elíasdóttir, hjúkrunarfræðingur í heilsuvernd grunnskólabarna
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
