Nýtt byggingasvæði við Lónsá í Hörgársveit Lóðir fyrir tæplega 40 íbúðir verða í boði
Góður gangur er í byggingu íbúða í Lónsbakkahverfinu í Hörgársveit en þar hefur fjöldi íbúða verið reistur undanfarin ár. Íbúar í hverfinu eru um 340 talsins um þessar mundir. Unnið er að því að skipulegga ný svæði til að unnt verði að bæta við lóðum undir nýjar íbúðir. Eins hefur áhugi fyrir að byggja á Hjalteyri aukist og lóðum þar verið úthlutað.
Nú síðar í haust lýkur skipulagferli sem verið hefur í gangi um skeið varðandi íbúðalóðir fyrir einbýlis- og fjölbýlishús í landi Lónsár þar sem áður var ferðaþjónustulóð. Snorri Finnlaugsson sveitarstjóri segir að fyrir áramót verði ákveðið hvenær þær lóðir verði tilbúnar til byggingar en gert er ráð fyrir allt að 40 íbúðum á því svæði sem gætu rúmað um 100 íbúa.
„Það er líkt og áður mikil ásókn í byggingalóðir og þá einkum á Lónsbakka, þar sem þéttbýli hefur byggst hratt upp. Það bjuggu ríflega 100 manns á svæðinu þegar hafist var handa við að skipuleggja nýjar lóðir fyrir 5 árum síðan. Frá þeim tíma hafa verið byggðar 110 nýjar íbúðir og íbúar nálgast það að verða um 350,“ segir Snorri. Hann efast ekki um að mikill áhugi verði fyrir nýja svæðinu líkt og þeim sem áður hafa verið í boði.
Lóðum úthlutað á Hjalteyri
Um 50 manns búa á Hjalteyri, öðrum byggðarkjarna inna Hörgársveitar. Þar hafa um skeið verið í boði lóðir, bæði á eyrinni sjálfri og eins í götunum ofan hennar. Lítill áhugi var framan af fyrir þeim lóðum en nú nýverið hafa allmargar lóðir gengið út, m.a. fyrir fjögur einbýlishús og fjögur hús á eyrinni, auk þess sem sumarhúsalóðum hefur verið úthlutað „Það er ánægjulegt að áhugi fyrir Hjalteyri varð allt í einu nokkur og búast má við byggingu nýrra húsa á næstu misserum,“ segir Snorri.
Nýjast
-
Græni hatturinn Endurfundir við Kristján frá Djúpalæk og textana hans
Hljómsveitin Djúpilækur heldur tónleika helgaða dægurlagatextum Kristjáns frá Djúpalæk á Græna hattinum laugardaginn 26 október kl. 15. -
Námskeið fyrir konur með ADHD í boði á landsbyggðinni
Mikill vitundavakning hefur átt sér stað undanfarið um ADHD og þau áhrif sem ógreint og ómeðhöndlað einkenni getur haft á sjálfsmynd fólks og líðan. Mikilvægi þess að fá greiningu hefur líka verið í umræðunni og mörg þúsund Íslendingar eru á biðlistum hjá ADHD teymi heilsugæslunnar. -
Lokaorðið - Og við verðum öll að geta hlustað.
Það getur ekki öllum liðið alltaf vel. En það á heldur engum að líða alltaf illa. Passleg blanda er líklega best, horfa bjartsýn fram á veg, snúa baki við skugganum. Vita af þungum steinum, en láta þá ekki hafa áhrif á sig. Lífsviðhorf sem ætti að vera auðvelt og einfalt, en er það ekki fyrir marga. Alltof marga. -
Húsvískur kúreki á krossgötum
Kúreki norðursins: Saga Johnny King, eftir Árna Sveinsson -
Ekkert að gerast í húsnæðismálum Kisukots Samþykkt í bæjarráði fyrir 10 mánuðum að hefja samningaviðræður
„Vægt til orða tekið þá er ég orðin mjög þreytt á þessu. Ég er reglulega spurð að því hvernig gangi að fá stuðning frá Akureyrarbæ við Kisukot, en staðan þar er bara sú sama og verið hefur, það virðist ekkert vera að gerast. Síðustu samskipti mín við bæinn voru í apríl á þessu ár. Ég hef send nokkra tölvupósta síðan en ekki fengið svör. Það er greinilegt að áhuginn er enginn,“ segir Ragnheiður Gunnarsdóttir sem hefur um árabil rekið athvarf fyrir ketti á heimili sínu, eða frá því í lok janúar árið 2012. -
Hvert er hlutverk sveitarfélaga í þjóðarátaki gegn ofbeldi meðal barna
Umræðan um ofbeldi meðal ungs fólks hefur verið áberandi okkur síðustu vikur og langar mig til að byrja á því að votta aðstandendum Bryndísar Klöru samúð mína og þakka þeim fyrir sitt sterka ákall um breytingar -
Völsungspiltar í Lengjudeild í fótboltanum 2025!
Völsungur mun eiga lið í næst efstu deild karlafótboltans á Íslandi næsta sumar, þetta varð ljóst eftir frábæran stórsigur 8-3 á liði KFA á Reyðarfirði í dag. Liðið sem sérfróðir sunnan heiða gáfu enga möguleika á einu eða neinu í spám fyrir sumarið er svo sannarlega vel að þessum árangri komið. Þeir hafa svo dæmið sé tekið ekki lotið í lægra haldi í seinustu níu leikjum. -
Hringtorg við Lónsbakka Tilboð verkið um 90% yfir áætluðum kostnaði
„Við erum að skoða það að gera breytingar á hönnun sem felast í því að fella undirgöngin út á þessum stað. Það gerir framkvæmdina bæði mun ódýrari og einfaldari, svo framkvæmdatíminn mun styttast umtalsvert,“ segir Rúna Ásmundsdóttir deildarstjóri Tæknideildar á Norðursvæði Vegagerðarinnar. -
Kvennaathvarfið á Akureyri Enn hefur ekki tekist að finna nýtt húsnæði
„Við erum orðnar frekar órólegar yfir stöðunni,“ segir Linda Dröfn Gunnarsdóttir framkvæmdastýra Kvennaathvarfsins. Leigusamningi við Kvennaathvarfið á Akureyrar var sagt upp á liðnu sumri og verður það því húsnæðislaust frá og með 1. janúar 2025 finnist ekki hentugt húsnæði fyrir þann tíma. Leit hefur staðið yfir undanfarna tvo mánuði en ekki borið árangur. Kvennaathvarf, ætlað konum og börnum sem flýja þurfa heimili sitt sökum ofbeldis var fyrst opnað á Akureyri í ágúst árið 2020
Athugasemdir