20. nóvember - 27. nóvember - Tbl 47
Mikil uppbygging í Þingeyjarsveit
Ragnheiður Jóna Ingimarsdóttir sveitarstjóri, Brynleifur Siglaugsson hjá BH bygg og Gerður Sigtryggsdóttir oddviti að taka við lyklunum að Klappahrauni.
„Það er mikil uppbygging í sveitarfélaginu um þessar mundir,“ segir Ragnheiður Jóna Ingimarsdóttir sveitarstjóri í Þingeyjarsveit. „Mikil fjölgun hefur verið í sveitarfélaginu síðastliðið ár og allt sem bendir til að svo verði áfram, og kemur sér því vel á fá fleiri íbúðir inn á húsnæðismarkaðinn.“ Nýverið fengu Þingeyjarsveit og Leiguíbúðir Þingeyjarsveitar afhentar fjórar nýjar íbúðir, tvær í Reykjahlíð og tvær á Laugum
Í Reykjahlíð fékk sveitarfélagið afhentar tvær fjögurra herbergja raðhúsaíbúðir í Klapparhrauni, 116,9 m2 að flatarmáli hvor, byggðar af BH bygg ehf. Íbúðirnar við Lautarveg á Laugum eru í eigu Leiguíbúða Þingeyjarsveitar og eru þær tveggja herbergja 66,7m2 byggðar af J. Jónssyni ehf. Íbúðirnar í Klappahrauni og Lautavegi verða auglýstar til leigu á næstu dögum.
Fleiri íbúðir í farvatni
Ragnheiður Jóna segir að til að koma á móts við þá fjölgun sem er í sveitarfélaginu þurfi að halda áfram uppbyggingu íbúða og ætli sveitarstjórn að skoða fýsileika þess að fara í samstarf við Leigufélagið Bríet um áframahaldandi uppbyggingu og rekstur íbúða í sveitarfélaginu. Strax á næsta ári munu tvær íbúðir í eigu Bríetar við Lautarveg á Laugum fara í útleigu.
Einnig hyggst sveitarstjórn í samstarfi við stjórn Leiguíbúða Þingeyjarsveitar skoða fýsileika þess að sameina Leiguíbúðir Þingeyjarsveitar hses. við húsnæðissamvinnufélagið Brák hses. og halda áfram uppbyggingu íbúða í almenna leigukerfinu.
Þá nefnir sveitarstjóri að Jarðböðin seú með í byggingu 5 íbúðir sem verða tilbúnar á fyrsta ársfjórðungi næsta árs.Þá er áformað að byggja 3 íbúðir til viðbótar sem yrðu tilbúnar á árinu 2025, annig að alls eru Jarðböðin að bæta við hjá sér 8 íbúðum. Einkaaðilar eru einnig að byggja íbúðir í sveitarfélaginu.
Húsið við Klapparhraun 9 í Reykjahlíð.
Á myndinni hér fyrir neðan er Ragnheiður Jóna sveitarstjóri með Jóni Illugasyn hjá J. Jónsson ehf sem byggði íbúðirnar á Laugum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
