30. október - 6. nóember - Tbl 44
Markmið að styðja við börn með fjölþættan vanda til íþróttaiðkunar
Halla Birgisdóttir forstöðumaður tómstundamála og Salka Sigurðardóttir verkefnastjóri félagslegrar liðveislu hafa unnið að útfærslu á verkefninu Íþróttafélaganum sem snýst um stuðning við íþróttaiðkun barna með fjölþættan vanda. Mynd/MÞÞ
mth@vikubladid.is
Tilraunaverkefnið Íþróttafélaginn hefst á Akureyri næsta haust - Fjögur íþróttafélög taka þátt - Styrkur upp á 2,2 milljónir til fjögurra mánaða
Íþróttafélaginn er heiti á tilraunaverkefni sem stefnt er á að hefja strax næsta haust. Fræðslu og lýðheilsuráð hefur veitt 2,2 milljón króna styrk til verkefnisins til fjögurra mánaða og nær styrkurinn til fjögurra íþróttafélaga, KA, Þórs, Ungmennafélags Akureyrar og Fimleikafélags Akureyrar. Undirbúningur stendur nú yfir og á allt að vera klárt þegar íþróttafélögin hefja vetrarstarf sitt. Halla Birgisdóttir forstöðumaður tómstundamála og Salka Sigurðardóttir verkefnastjóri félagslegrar liðveislu hafa unnið að útfærslu á verkefninu sem snýst um stuðning við íþróttaiðkun barna með fjölþættan vanda.
„Við stefnum á að hefja verkefnið strax næsta haust og það er ekkert því til fyrirstöðu að svo geti orðið,“ segja þær Halla og Salka sem hafa unnið að verkefninu. Markmið þess er styðja við börn sem eru í 1.- 4. bekk grunnskóla og eru með fjölþættan vanda til íþróttaiðkunar. Við sjáum það því miður of oft hjá okkur að eftir fjórða bekk virðist brottfall úr íþróttum aukast og enda þau börn hjá okkur í félagslegu liðveislunni, orðin félagslega einangruð og þurfa mikið inngrip og aðhald til þess að virkja þau á ný,“ segja þær Halla og Salka.
Veita iðkendum með fjölþættan vanda þann stuðning sem þarf
Markmið Íþróttafélagans sé því að koma til móts við fyrirliggjandi vanda með snemmtækri íhlutun sem fellur undir samþættingu á þjónustu í þágu farsældar barna. „Þetta snýst um að styrkja grunnstoðina, halda iðkendum í virkni og veita þeim iðkendum sem greindir hafa verið með fjölþættan vanda og eru á fyrstu árum grunnskólans þann stuðning sem þarf til að reyna eftir megni að forðast frekara brottfall úr íþróttum.“
Þær segja að íþróttafélögin kortleggi sjálf hvar þörfin er mest bæði á milli flokka og greina. Starfsmaður á vegum íþróttafélaganna fari inn á æfingar og fylgi þeim börnum sem þurfa á frekari stuðningi að halda. Gera megi ráð fyrir margvíslegum jákvæðum ávinningi í kjölfar þessa verkefnis, sem dæmi að börn haldist í virkni og þau haldi áfram að stunda íþróttir. „Við vonum að þetta leiði einnig til þess að börnin uppgötvi nýja styrkleika hjá sér og að þau öðlist sjálfstæði í félagslegum aðstæðum. Eins er markmið að þau styrki sýna sjálfsmynd og félagsleg samskipti með þátttöku í Íþróttafélaganum og síðast en ekki síst væntum við þess að þetta verkefni komi í veg fyrir frekari inngrip síðar hjá þessum hópi barna og félagslegri einangrun þeirra,“ segja Halla og Salka.
Leita að starfsfólki
„Við erum spenntar fyrir komandi tímum og bjartsýnar á að þetta verkefni veiti öðrum sveitarfélögum innblástur til að feta í svipuð spor, slást með í för og styðja við íþróttaiðkun barna með fjölþættan vanda,“ segja þær og bæta við að næsta skref sé að finna og ráða flott starfsfólk sem vilji taka þátt í þessu skemmtilega verkefni með þeim.
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
