MA í úrslit Gettu betur
Menntaskólinn á Akureyri mun keppa um hljóðnemann eftirsótta í spurningakeppni framhaldsskólanna árið 2025. MA hafði betur gegn Fjölbrautaskólanum við Ármúla í kvöld, lokatölur 28-16. Úrslitaviðureignin fer fram fimmtudaginn 27. mars og mun okkar fólk mæta annað hvort Menntaskólanum í Reykjavík eða Menntaskólanum við Hamrahlíð. Skólarnir tveir mætast í hinni undanúrslitaviðureigninni eftir viku.
MA fór vel af stað og leiddi að loknum hraða- og myndbandsspurningum. Munurinn jókst eftir bjölluspurningar, staðan 27-16. Við tóku vísbendingaspurningar og í ljósi stöðunnar þurfti FÁ að krækja sér í ákveðinn fjölda stiga til að eiga möguleika á sigri sem gekk ekki eftir. Raunar var stigasöfnun beggja liða hæg á lokasprettinum. Þar með var ljóst að MA færi með sigur af hólmi áður en kom að síðasta hluta keppninnar, þríþrautinni. Okkar fólk bætti stigi í sarpinn áður en yfir lauk. Lokaniðurstaðan 28-16 MA í vil.
Aldeilis frábær frammistaða hjá þeim Árna, Kjartani og Sólveigu sem hafa sýnt mikinn stíganda í keppninni. Metnaður þeirra og þrautseigja hefur nú skilað MA alla leið í úrslit keppninnar í fyrsta skipti síðan 2008. Gera má ráð fyrir fjölmennum hópi stuðningsfólks suður yfir heiðar eftir tvær vikur.
Það var ma.is sem sagði frá
Nýjast
-
KA er Kjörísbikarmeistari í blaki karla og kvenna
Karla og kvennalið KA í blaki gerðu það svo sannarlega gott í dag þegar bæði lið komu sáu og sigruðu i bikarkeppni Blaksambands Íslands. -
Beiðnir til Matargjafa hafa margfaldast undanfarna mánuði
„Staðan er mjög dapurleg og er þá vægt til orða tekið. Þetta er ellefta árið mitt í þessu og ég hef aldrei séð jafn slæma stöðu. Og fátt sem vekur upp bjartsýni á að hún lagist í bráð,“ segir Sigrún Steinarsdóttir hjá Matargjöfum á Akureyri og nágrenni. -
Krefjandi starf en líka gefandi og skemmtilegt
Elín Dröfn Þorvaldsdóttir er ein af fáum starfandi atferlisfræðingum á norðanverðu landinu. Hún flutti heim til Íslands frá Bandaríkjunum í lok síðastliðins sumars og hóf störf á Heilsu-og sálfræðiþjónustunni. Þar sinnir hún meðferð barna og ungmenna með hegðunarvanda, einhverfu eða námsvanda. -
Karla og kvennalið KA í blaki leika til úrslita í Kjörísbikarkeppni BLÍ
Kvennalið KA í blaki tryggði sér í kvöld rétt til þess að leika í úrslitum í Kjörísbikarkeppni BLí þegar liðið lagði Aftureldingu í þremur hrinum gegn einni. Leikurinn var mjög jafn og vel leikinn af báðum liðum, -
Nýr íbúðakjarni að Hafnarstræti 16 vígður í dag
Nýr íbúðakjarni að Hafnarstræti 16 verður vígður í dag. Þar munu sex einstaklingar búa, þar af fimm sem hefja nú sjálfstæða búsetu í fyrsta sinn. -
10 atriði varðandi símabann í skólum
Mikil umræða hefur skapast í samfélaginu um símabann í skólum í kjölfar þess að mennta- og barnamálaráðherra greindi frá fyrirhuguðu frumvarpi um að banna síma í skólum landsins. Hér eru 10 atriði inn í þá umræðu: -
Göngugatan á Akureyri - Metum hvað hægt er að gera á árinu
Brynja Hlíf Þorsteinsdóttir formaður umhverfis- og mannvirkjaráðs Akureyrar segir ástand göngugötunnar í miðbæ Akureyrar hafi verið kynnt fyrir ráðinu, en alls herjar endurbætur á götunni séu ekki inn á framkvæmdaáætlun. Ástand götunnar er bágborið. -
Fimm hæða byggingar með bílageymslu á svæðinu milli Naustahverfis og Hagahverfis
Akureyrarbær hefur hafið vinnu við breytingu á aðalskipulagi Akureyrar 2018-2030. Breytingin nær til reitsins VÞ13, sem liggur á svæðinu milli Naustahverfis og Hagahverfis, og felur í sér að svæðið verði skilgreint sem verslunar- og þjónustusvæði með heimild fyrir íbúðum á hluta svæðisins. Heimilt verður að byggja fimm hæðir og bílgeymslu þar sem gert er ráð fyrir fjölbreyttri verslunar- og þjónustustarfsemi á jarðhæðum en búseta er heimil á efri hæðum. -
Gestir frá Færeyjum spila á Græna hattinum í kvöld
Danny & the Veetos hafa markað djúp spor í færeyskt tónlistarlíf með indí-popp melódíum sínum, undir etv smá þjóðlagatónlistar- áhrifum og með einlægum flutningi
