Dagskráin 5. mars - 12. mars - Tbl 9
Lokaorðið - Fnykur
Ásta F. Flosadóttir átti Lokaorðið í blaðinu s.l. fimmtudag
Fyrir nokkrum árum var haldið í bæjarferð, með leikskólabarn og hormónafylltan ungling í aftursætinu. Ferðin gekk vel framan af, rifrildin í aftursætinu með minna móti og enginn bílveikur. Það er varla hægt að biðja um meira. Á miðri Svalbarðsströndinni fer bílstjórinn (Keli) að skammast yfir ógurlegum fnyk í bílnum. Þetta er nú meiri skítaksturinn alltaf hérna á ströndinni, örugglega nýbúið að bera á kúamykju eða hænsnaskít, eða bara hvort tveggja, þvílíkt og annað eins. Unglingurinn ranghvolfir augunum og frúin hristir hausinn; hvað er maðurinn eiginlega að tala um? Enginn annar í bílnum finnur lyktina. Merkingarþrungin þögn nokkra stund og þegar komið er fram hjá Svalbarðseyri telur bílstjórinn óhætt að opna glugga til að lofta út úr bílnum.
Við Leirubrúna byrjar söngurinn aftur: ,,Djöfulsins skítafýla er þetta!! Þið hljótið að finna þetta? Í alvöru, það er eitthvað blaut og dautt í bílnum, ég get svarið það, þetta er ógeðslegt!!". Unglingurinn sver af sér alla skítalykt, var alls ekkert að leysa vind og hafði víst farið í sturtu áður en var haldið af stað. Bílstjórinn heldur áfram að fjargviðrast yfir fýlu annað slagið í bæjarrápinu og á heimleiðinni. Búinn að leita undir bílsætum og skamma leikskólabarnið: (,,þú hefur örugglega skilið eftir eitthvað hálfétið hérna!!), finna gamla kókómjólkurfernu undir sæti og henda henni, en ekki skánar lyktin.
Mest þykir honum dularfullt að enginn skuli finna lyktina nema hann sjálfur og alveg sannfærður um að við hin séum:
a) að ljúga því að finna ekki lyktina og
b) að fela eitthvað illa lyktandi í bílnum.
Að kvöldi dags er rennt í hlað, börn send í bælið, Þorkell stendur andvarpandi í forstofunni þegar það rennur upp fyrir honum hver upptök lyktarinnar eru. Það eru skórnir. Skórnir hans.
Hann minntist ekki á málið meir, en bæði sokkar og skór fóru í ruslatunnuna þetta kvöld.
Þannig er þetta stundum, menn leita að upptökum og ástæðum alstaðar annarstaðar en hjá sjálfum sér, en ættu kannski fyrst og fremst að horfa í eigin barm.
Nýjast
-
Lokaorðið - Fnykur
Fyrir nokkrum árum var haldið í bæjarferð, með leikskólabarn og hormónafylltan ungling í aftursætinu. Ferðin gekk vel framan af, rifrildin í aftursætinu með minna móti og enginn bílveikur. Það er varla hægt að biðja um meira. Á miðri Svalbarðsströndinni fer bílstjórinn (Keli) að skammast yfir ógurlegum fnyk í bílnum. Þetta er nú meiri skítaksturinn alltaf hérna á ströndinni, örugglega nýbúið að bera á kúamykju eða hænsnaskít, eða bara hvort tveggja, þvílíkt og annað eins. Unglingurinn ranghvolfir augunum og frúin hristir hausinn; hvað er maðurinn eiginlega að tala um? Enginn annar í bílnum finnur lyktina. Merkingarþrungin þögn nokkra stund og þegar komið er fram hjá Svalbarðseyri telur bílstjórinn óhætt að opna glugga til að lofta út úr bílnum. -
Angelika Haak fjallar um listsköpun sína
Þriðjudaginn 11. mars kl. 17-17.40 heldur þýska myndlistarkonan Angelika Haak Þriðjudagsfyrirlestur í Listasafninu á Akureyri undir yfirskriftinni Video Art – Video-Portraits. Aðgangur er ókeypis. -
20 ára afmælismót skákfélagsins Goðans 13-16 mars í Skjólbrekku
20 ára afmælismót Skákfélagsins Goðans 2025 hefst fimmtudagskvöldið 13. mars kl. 19.00. Motið fer fram í félagsheimilinu Skjólbrekku í Mývatnssveit. Tefldar verða sex umferðir eftir Sviss kerfinu -
Vilja auka þátttöku innflytjenda í samfélaginu
,,Hitta Heimafólk" er spennandi verkefni sem er hannað til að styðja við aðlögun innflytjenda -
KA er Kjörísbikarmeistari í blaki karla og kvenna
Karla og kvennalið KA í blaki gerðu það svo sannarlega gott í dag þegar bæði lið komu sáu og sigruðu i bikarkeppni Blaksambands Íslands. -
Beiðnir til Matargjafa hafa margfaldast undanfarna mánuði
„Staðan er mjög dapurleg og er þá vægt til orða tekið. Þetta er ellefta árið mitt í þessu og ég hef aldrei séð jafn slæma stöðu. Og fátt sem vekur upp bjartsýni á að hún lagist í bráð,“ segir Sigrún Steinarsdóttir hjá Matargjöfum á Akureyri og nágrenni. -
Krefjandi starf en líka gefandi og skemmtilegt
Elín Dröfn Þorvaldsdóttir er ein af fáum starfandi atferlisfræðingum á norðanverðu landinu. Hún flutti heim til Íslands frá Bandaríkjunum í lok síðastliðins sumars og hóf störf á Heilsu-og sálfræðiþjónustunni. Þar sinnir hún meðferð barna og ungmenna með hegðunarvanda, einhverfu eða námsvanda. -
Karla og kvennalið KA í blaki leika til úrslita í Kjörísbikarkeppni BLÍ
Kvennalið KA í blaki tryggði sér í kvöld rétt til þess að leika í úrslitum í Kjörísbikarkeppni BLí þegar liðið lagði Aftureldingu í þremur hrinum gegn einni. Leikurinn var mjög jafn og vel leikinn af báðum liðum, -
Nýr íbúðakjarni að Hafnarstræti 16 vígður í dag
Nýr íbúðakjarni að Hafnarstræti 16 verður vígður í dag. Þar munu sex einstaklingar búa, þar af fimm sem hefja nú sjálfstæða búsetu í fyrsta sinn.
