Kostnaður við málaflokk leikskóla hefur hækkað um 917 milljónir á fimm árum
mth@vikubladid.is
Sunna Hlín Jóhannesdóttir bæjarfulltrúi segir nauðsynlegt að staldra við og greina kostnaðaraukann
„Hef áhyggjur af þeim háu fjármunum sem hafa farið í viðauka við málaflokk leikskóla á árinu,“ segir Sunna Hlín Jóhannesdóttir bæjarfulltrúi Framsóknarflokks en hún lagði til á fundi bæjarráðs, „og ekki í fyrsta sinn,“ eins og hún orðar það, að stofnaður verði þverpólitískur starfshópur ásamt starfsfólki og hagaðilum til að fara í greiningu og endurskipulagningu á leikskólastiginu. Meirihluti bæjarráðs hafnaði erindinu.
Sunna Hlín bendir á að málaflokkur leikskóla hefur hækkað um 917 milljónir króna á fimm árum, um 43%.„Það eru ýmsar ástæður fyrir því sem erfitt er að hafa stjórn en ég tel nauðsynlegt að staldra við núna og greina þennan kostnaðarauka og í framhaldinu setja upp heildaráætlun til framtíðar fyrir skipulag leikskóla án þess að það komi niður á gæðum þjónustunnar eða velferð starfsfólks,“ segir í bókun sem hún lagði fram á fundi bæjarráðs.
Nauðsynlegt að bregðast við
Hún segir kostnaðaraukann vegna málaflokks leikskóla til kominn vegna margra þátta, lengi undirbúningstíma, betri vinnutíma, börn eru tekin inn 12 mánaðar og það er aukinn stuðningur við börn, þá er einnig meiri afleysing vegna veikinda svo nokkur dæmi séu nefnd. „Við viljum veita framúrskarandi þjónustu og betrumbæta starfsaðstæður starfsmanna á leikskóla og það kostar,“ segir Sunna Hlín. „Því skal þó haldið til haga að tekjur hafa einnig hækkað nokkuð á þessu tímabili en með þessu áframhaldi munum við seint ná sjálfbærni í rekstri aðalsjóðs og því nauðsynlegt að bregðast við á einhvern hátt.“
Sunna Hlín segir ljóst að það muni kosta sveitarfélögin mikla fjármuni að taka inn 12 mánaða börn og því sé mikilvægt að stjórnvöld skoði vel hvort borgi sig að hækka fæðingarorlofið upp í 18 mánuði og þá um leið gefa börnum tækifæri til að vera lengur heima með foreldrum sínum. „Betri vinnutími eða stytting vinnuvikunnar átti ekki að kosta neitt en það hefur heldur betur annað komið í ljós. Vonandi verður þessi stytting samt til þess að álag minnki á starfsfólki og þar af leiðandi munu veikindadögum fækka.“
Ótrúleg vinnubrögð
Heimir Örn Árnason formaður fræðslu- og lýðheilsuráðs upplýsti fyrr í vikunni um að stefnt væri að því að leikskólar Akureyrarbæjar yrði gjaldfrjálsir í 6 klukkustundir á dag frá og með næstu áramótum. Unnið hafi verið að tillögum þessa efnis í ráðinu undanfarna mánuði og það verði tekið fyrir á fundi í ágúst. „Þessar tillögur hafa aldrei verið teknar fyrir faglega í neinum ráðum eða farið í neina formlega heildarskoðun. Þetta eru að mínu mati ótrúleg vinnubrögð. Það verður fróðlegt að sjá hvaða gögn fylgja þegar málið ratar inn í fræðslu- og lýðheilsuráð, því hér þarf að vanda til verka. Breytingar af þessu tagi er best að vinna faglega og í þverpólitískri sátt, en það virðist ekki vera neinn vilji til samstarfs,“ segir Sunna Hlín.
Nýjast
-
Harðbakur málaður og yfirfarinn í Slippnum á Akureyri
Togarinn Harðbakur EA 3 heldur senn til veiða eftir ýmsar endurbætur og uppfærslur í Slippnum á Akureyri, auk þess sem skipið var heilmálað. Harðbakur er fimm ára gamalt skip, smíðað í Vard-Aukra skipasmíðastöðinni í Noregi. Skipið kom til Akureyrar 9. nóvember 2019 og strax í kjölfarið tók Slippurinn við því, þar sem settur var vinnslubúnaður um borð. Harðbakur er 29 metra langur og 12 metra breiður. Skipið er gott í alla staði, bæði hvað varðar vinnslubúnað og aðbúnað áhafnar. -
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp.
