Ísland undir vopnum
Fyrir rúmu ári hóf ég störf sem lögmaður aftur eftir um 8 ára hlé. Áður hafði ég starfað við lögmennsku í Reykjavík en á að auki að baki 20 ára starfsferil í lögreglunni á Akureyri. Mér er illa brugðið vegna þeirra breytinga sem hafa orðið á samfélaginu á undanförnum árum. Þær breytingar minntu harkalega á sig þegar barn gerði vopnaða árás á önnur börn á Menningarnótt í Reykjavík svo að eitt þeirra berst fyrir nú fyrir lífi sínu. Persónulegt og samfélagslegt tjón af slíkum atburði verður aldrei bætt.
Erum við ef til vill að fljóta sofandi að feigðarósi hvað varðar samfélagið okkar? Höfum við varið fjármunum og athygli í ráðstafanir sem skipta litlu máli og skila engum árangri í stað þess að gæta að og verja hagsmuni og hugarfar okkar og barnanna okkar? Ég ætla að svara báðum þessum spurningum með afdráttarlausu "Já".
En hver er farsælasta leiðin við þessar aðstæður? Er það leiðin til baka? Leið sem hægt er að fara með samstilltu átaki þar sem börnin hafa sína rödd, hver sem þau eru og hver sem staða þeirra er? Viljum við aftur búa í samfélagi vopnleysis og samtals? Eða viljum við mæta vopnunum með stærri vopnum og valdbeitingunni með meiri valdbeitingu? Viljum við mæta mistökum barnanna með harðari og óvægnari refsingum? Verður samfélag sem þannig er upp byggt farsælla fyrir okkur? Ég veit hvora leiðina ég mundi velja.
Orsökin er óöryggi.
Óöryggi leiðir til þess að menn vopnast. Öruggur maður vopnast ekki. Hvar sem menn standa í stjórnmálum eru menn sammála um að ríkisvaldinu beri að tryggja innra öryggi ríkisins og þegna þess. Það verður best gert með vel mannaðri löggæslu þar sem sanngirni, hófstilling og virðing situr í fyrirrúmi hvort sem á í hlut forstjóri milljarðafyrirtækis eða ungur síbrotamaður sem misst hefur tök á lífi sínu. Þó að lögreglumenn þurfi að vera vel að sér í valdbeitingu og hafa aðgang að valdbeitingartækjum sem hæfa hverju verkefni, þá þurfa þeir enn frekar að vera í stöðugri þjálfun í einstaklingsbundnum atriðum hvað varðar mannlega breyskleika, þar á meðal sína eigin, siðferðileg álitamál, lagalegt atriði, meðalhóf og hófstillingu. Samtal, viðmót, virðing og skynsemi eru sterkustu "vopn" lögreglumannsins og valdbeiting er vísbending um að það gæti verið að færni á þeim sviðum mætti vera meiri. Þó þarf að hafa í huga að við tilteknar aðstæður, þegar raunverulega hættulegir glæpamenn eiga í hlut þá er skjót, fumlaus og sterk valdbeiting eina leiðin.
Þjóðarsátt um afvopnun.
Ég tel að við þurfum að gera þjóðarsáttmála um að afvopnast. Sáttmála um að samtal sé leiðin fram á við og að átök, ágreiningur, ofbeldi og ofsi leiði okkur til glötunar. Virðing, háttvísi og hófstilling eiga að vera leiðarljós okkar í öllum samskiptum, hvort sem við erum í valdastöðu eða ekki í þeim samskiptum og hver sem staða okkar er í samfélaginu almennt. Við erum lítil þjóð og samstillt þegar á reynir. Sameiginlega getum við gert það sem við ætlum okkur að gera.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
