20. nóvember - 27. nóvember - Tbl 47
Illa gengur að selja í ferðir til Bretlands í beinu flugi
Fyrstu ferðamennirnir frá Super Break í vetur lentu á Akureyri á dögunum. Erfiðlega hefur gengið að selja í ferðirnar til baka. Mynd/Isavia/Auðunn Níelsson.
Illa hefur gengið að selja í ferðir til Bretlands í beinu flugi frá Akureyri á vegum Super Break ferðaskrifstofunnar. Þetta segir Denise Parkhouse hjá Super Break í samtali við Vikudag. Fyrstu ferðamennirnir á vegum Super Break í beinu flugi til Akureyrar í vetur komu í síðustu viku en búist er við 4.500 manns í alls 29 flugferðum.
Akureyringum og nærsveitungum stendur nú til boða að kaupa sér ferð út til Bretlands með vélunum á hagstæðu verði, en hægt er að fá staka ferð út á aðeins 99 pund eða á rúmar 15 þúsund kr. íslenskar. Einnig eru stakar ferðir á 23 þúsund kr.
Denise segir að Super Break þurfi að fá fleiri bókanir í ferðirnar til Bretlands.
„Við gátum ekki boðið upp á beinar ferðir til Bretlands í fyrra en vegna fjölda áskoranna þá ákváðum við að selja ferðir í flestallar vélarnar sem koma hingað. Hingað til hefur gengið illa að selja, mest höfum við selt til Manchester, en við þurfum mun meiri aðsókn. Okkur langar mikið til þess að halda áfram að bjóða upp á beint flug á milli Bretlands og Akureyrar, en svo verkefnið standi undir sér þá þurfum við að geta treyst á bókanir frá Akureyri.“
Denise Parkhouse
Bjóða upp á 19 flug
Super Break býður upp á 19 flug til Bretlands frá desember 2018 til febrúar 2019 og eru þau öll til minni flugvalla. „Sem þýðir að umferðin er mun minni en engu að síður er auðvelt að koma sér á milli staða til stærri borga. Við höfum valið flug á þægilegum tíma, flest flugin taka minna en þrjá tíma sem þýðir að fólk gæti verið komið til Liverpool fyrir kvöldmat sem dæmi,“ segir Denise.
Hún segir ennfremur að þar sem flugin frá Bretlandi til Akureyrar séu öll frá mismundi áfangastöðum þurfi Íslendingar sem vilja fljúga aftur beint til Akureyrar að fara frá öðrum flugvelli til baka.
„En það býður upp á þann möguleika að heimsækja tvær frábærar borgir í leiðinni og við getum aðstoðað fólk við ferðalögin, hvort sem það er að kaupa lestarmiða til áfangastaða eða á flugvellina,“ segir Denise. „Ef fólk á Norður-og Austurlandi á Íslandi hefur langað til að ferðast til Bretlands þá er sannarlega tækifæri til þess núna. Líkt og Ísland er meira en bara Reykjavík þá er Bretland svo miklu meira en bara London og okkur finnst mjög spennandi að bjóða Íslendingum upp á öðruvísi upplifun á ferðalagi sínu um Bretland. Við erum fús til að aðstoða hvern og einn við að velja sína áfangastaði,“ segir Denise og bætir við: „En hvert sem er flogið, þá er fólk aldrei langt frá fótboltavelli eða verslunarmiðstöð!“
Hægt er að bóka flug með Super Break til Bretlands í síma 5390635 eða á skrifstofu ferðaskrifstofunnar á Glerárgötu 34.
Nýjast
-
FVSA kannar áhuga stéttarfélaga á Norðurlandi til sameiningar
„Þetta er hugmynd sem vert er að skoða og fróðlegt að sjá hver viðbrögð félaganna verða,“ segir Eiður Stefánsson, formaður Félags verslunar- og skrifstofufólks á Akureyri og nágrenni (FVSA). Nýlega sendi hann erindi til tíu stéttarfélaga á Norðurlandi til að kanna vilja þeirra til samtals um útfærslu á öflugu deildarskiptu stéttarfélagi á svæðinu. -
Reynsla mín af smíðakennslu á Akureyri. Aldarfjórðungur í baksýn.
Í Menntastefnu Akureyrarbæjar segir: „Verkviti er gert hátt undir höfði til þess að börn nái í síauknum mæli að tengja saman hug og hönd í skapandi umhverfi. Akureyrarbær hefur ríkan metnað til þess að í hverjum skóla starfi hæft og öflugt fólk og að eftirsóknarvert sé að starfa þar. Stuðningur skólayfirvalda við starfsþróun leikur þar stórt hlutverk“. Skipulag skóla gerir ráð fyrir samvinnu starfsfólks, sveigjanleika í skipulagi, teymiskennslu og samþættingu námsgreina“ (Menntastefna Akureyrarbæjar, 2020-2025). -
Örugg skref um allt land.
Heilbrigðiskerfið okkar er hjartað í því velferðarsamfélagi sem tekist hefur að byggja upp á Íslandi. Á yfir 40 fundum sem Samfylkingin bauð til um allt land til að ræða heilbrigðis- og öldrunarmál var ljóst að sinnuleysi og fyrirhyggjuskortur undanfarinna ríkisstjórna er að hola innan öryggistilfinningu fólks. Ekki síst í okkar kjördæmi þar sem vegalengdir eru langar, veður viðsjál og langt til Reykjavíkur. Að heilsugæslan neyðist til að reiða sig á íhlaupalækna til að bjarga vandanum tímabundið stoðar lítt. Það byggir ekki upp það traust og samfellu sem þarf til að fólk njóti þess margháttaða ávinnings sem rannsóknir hafa sýnt að fylgi því að hafa fastan heimilislækni. Enda settum við það sem okkar fyrsta heit í nýju framkvæmdaplani heilbrigðismála til tveggja kjörtímabila. Við erum tilbúin. -
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni.
