13.nóvember - 20.nóvember - Tbl 46
Íbúðir fyrir 60 manns bætast við Lögmannshlíð
Séð yfir Lögmannshlíð. Íbúðir fyrir allt að 60 manns gætu mögulega verið tilbúnar til notkunar á árinu 2022.
Áætlað er að fara í framkvæmdir á viðbyggingu á dvalarheimilinu Lögmannshlíð á Akureyri á næsta ári. Þar munu rísa íbúðir fyrir allt að 60 manns og gætu mögulega verið tilbúnar til notkunar á árinu 2022. Þetta staðfestir Halldór S. Guðmundsson, framkvæmdastjóri Öldrunarheimila Akureyrar, í samtali við Vikudag og vísar til frumathugunar vegna opinberra framkvæmda sem Akureyrarbær og Framkvæmdasýsla ríkisins fyrir hönd Heilbrigðisráðuneytisins gengu frá í byrjun nóvember.
Bæjarráð Akureyrar lýsti í fyrra yfir vilja til að ráðist yrði í nýbyggingu hjúkrunarheimilis fyrir allt að 60 einstaklinga og sendi erindi þess efnis til Velferðarráðuneytisins. Skipaður var verkefnahópur í apríl 2017 til að vinna tillögur um framtíðarmótun í þjónustu við eldra fólk á Akureyri. Í niðurstöðu verkefnahópsins sagði m.a. að fara þurfi í endurbætur og uppbyggingu húsnæðis ÖA til að heimilin verði í stakk búin til að takast á við fyrirsjáanleg verkefni á næstu árum.
Halldór S. Guðmundsson segir næstu skref þau að Akureyrarbær og Heilbrigðisráðuneytið geri ítarlegra samkomulag um hvernig að framkvæmdinni verði staðið. „Gangi allt að óskum og með smá bjartsýni gætu framkvæmdir hafist síðari hluta næsta árs, enda liggja fyrir ákveðin atriði eins og staðsetningin,“ segir Halldór.
67 rými uppfylla ekki viðmiðunarkröfur
Hann segir áformin um nýbyggingu séu fyrst og fremst svar við því að núverandi pláss á öldrunarheimilum bæjarins þarfnist endurnýjunar. „Það eru 67 rými sem uppfylla ekki viðmiðunarkröfur í dag og samhliða þessum framkvæmdum munum við þurfa að lagfæra önnur rými sem eftir eru. Þessi framkvæmd mun því stórbæta aðstöðuna og gæðin í þjónustu við aldraða á Akureyri. Við munum þegar þessum áfanga er náð, búa við hjúkrunarrými sem hæfa betur þörfum og áherslum í starfsemi hjúkrunarheimila en það sem við höfum í dag,“ segir Halldór.
Í byrjun nóvember voru um 30 manns með mat á þörf fyrir hjúkrunarrými á Akureyri og hefur biðlistinn verið nokkuð stöðugur undanfarna mánuði. Í dag eru skráð 172 hjúkrunarrými og 10 dvalarrými hjá Öldrunarheimilum Akureyrar.
Nýjast
-
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg. -
Hið fullkomna stjórnarfar
Mannkynið hefur gert tilraunir með margskonar stjórnarfar. Þetta lærdómsferli hefur því miður kostnað blóð og mannfórnir en það hefur fært okkur vitneskjuna um að lýðræði er besta stjórnarfarið sem mannkynið hefur þekkt. Ekkert stjórnskipulag hefur fært mannkyni jafn miklar framfarir, öryggi, réttlæti og almenna hagsæld en lýðræðið. -
Hættum að slá ryki í augun á fólki !
Greinin er skrifuð í nafni Stangaveiðifélags Akureyrar, Stangaveiðifélagsins Flúða, Veiðifélags Fnjóskár, Veiðifélags Eyjafjarðarár, Veiðifélags Hörgár, Fiskirannsókna ehf, félagsskapar sem kallast Bleikjan - Styðjum stofninn, SUNN - Samtaka um náttúruvernd á Norðurlandi, Landssambands veiðifélaga, NASF – Verndarsjóðs villtra laxastofna og Íslenska náttúruverndarsjóðsins – IWF. -
Eldri borgarar hafa áhyggjur af öryggismálum í Sölku
Fulltrúar í Félagi Eldri borgara á Akureyri hafa lýst yfir áhyggjum sínum af öryggismálum í kjallara félagsmiðstöðvarinnar Sölku í Víðilundi á Akureyri. Þeir hvetja til þess að vinnueftirlit, heilbrigðiseftirlit og eldvarnareftirlit verði fengið til að gera heildarúttekt á húsnæðinu vegna þeirrar starfsemi sem þar fer fram á vegum Akureyrarbæjar.
