Hvað gera iðjuþjálfar?
Sonja Finns og Iris Myriam skrifa
27. október ár hvert er haldinn alþjóðlegur dagur iðjuþjálfa! Í tilefni dagsins langar okkur að vekja athygli á störfum iðjuþjálfa í þjónustu við börn hér á Húsavík. Hlutverk iðjuþjálfa er að efla iðju, þátttöku, heilsu og velferð einstaklinga á öllum aldri. Skjólstæðingshópur iðjuþjálfa samanstendur af einstaklingum sem eiga í erfiðleikum með að taka fullan þátt í daglegum athöfnum en iðjuþjálfar greina hvað veldur iðjuvanda með því að skoða samspil einstaklings, iðju og umhverfis. Starfsvettangur iðjuþjálfa er breiður en þar má meðal annars nefna heilbrigðis- og félagsþjónustu, grunn- og leikskóla og fyrirtæki á almennum markaði. Fjölbreyttur starfsvettvangur iðjuþjálfa endurspeglast í því hvernig við vinnum hér í bænum. Hér fyrir neðan kynna iðjuþjálfar leik- og grunnskóla Húsavíkur störf sín.
Iðjuþjálfun barna
Í iðjuþjálfun barna er lögð áhersla á fjölskyldumiðaða þjónustu sem byggir á náinni samvinnu foreldra/forráðamanna og iðjuþjálfa. Hver fjölskylda er einstök og þekkir best til styrkleika og þarfa barns. Á undanförnum árum hefur það aukist að iðjuþjálfun barna fram í nærumhverfi þess, svo sem í skólum og leikskólum á vegum sveitarfélaga.
Iðjuþjálfun á Grænuvöllum
Í daglegu leikskólastarfi fást börn við ýmsa iðju en þar má til dæmis nefna að klæða sig í og úr útifötum, að matast, að taka þátt í samverustundum, leika við samnemendur, lesa, teikna, skrifa, fara í útiveru, stunda íþróttir og svo lengi mætti telja. Hlutverk iðjuþjálfa á leikskóla er að mæta börnum sem af einhverjum orsökum geta ekki fullan þátt í leik og starfi og greina hvað býr að baki vandans og útfæra lausnir, veita ráðgjöf til starfsmanna og foreldra sem og að þjálfa upp aukna færni við iðju. Þjálfun felst meðal annars í skynörvun, fín- og grófhreyfiþjálfun og félagsfærniþjálfun.
- Sonja Finns, iðjuþjálfi á Grænuvöllum
Iðjuþjálfun í Borgarhólsskóla
Áherslur iðjuþjálfa innan skólakerfisins er að styðja við þátttöku nemenda með sérþarfir þannig að þeir nýti sér til fulls þau tækifæri sem sérkennsla býður upp á. Megin markmiðið er að börn verði virkir þátttakendur í skólastarfinu og er því sjónum beint að tækifærum og hindrunum í umhverfinu sem geta haft áhrif á þátttöku. Iðjuþjálfi sinnir einstaklingsbundinni þjálfun sem miðar að því að efla færni nemenda til að auka skólaþátttöku og veitir starfsfólki skólans ráðgjöf. Iðjuþjálfi er lausnamiðaður, finnur leiðir til að styðja við ólíkar þarfir nemenda, svo sem með því að vinna að hugafarsbreytingu, innleiða breyttar aðferðir til náms og notkun tækninnar til stuðnings.
- Iris Myriam, iðjuþjálfi í Borgarhólsskóla
Heimildir:
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
