Hús vikunnar: Strandgata 13
Líklega eru mót Strandgötu og Glerárgötu ein fjölförnustu gatnamót bæjarins. Norðvestan megin á því horni stendur tvílyft timburhús frá fyrsta áratug 20. aldar. En Strandgötu 13 reistu Jónas Gunnlaugsson fv. hreppstjóri og Davíð Ketilsson verslunarmaður árið 1907. Húsið er bárujárnsklætt timburhús á háum steinkjallara og með lágu valmaþaki. Það sem helst mætti segja að einkenni húsið er nokkurs konar „skökk lögun“ , þ.e. austurgafl er ekki hornréttur á suðurhlið og grunnflötur hússins fimmhyrningslaga, eins og gaflinn hafi verið „togaður út“. Kemur það til af því, að þess var krafist, að húsið lægi samsíða Glerárgötu og Strandgötu sem ekki voru hornréttar hvor á aðra.
Strandgata 13 hefur frá upphafi verið verslunar- og íbúðarhús og margir hafa átt húsið, verslað þar og búið. Árið 1941 byggði Karl Friðriksson við húsið til norðurs og rak þar veitingastaðinn Hressingarskálann og síðar var þar fatahreinsun bræðranna Vigfúsar og Árna Ólafssona. Þessi viðbygging er nú horfin fyrir löngu.
Sumarið 1998 var farið í miklar endurbætur á húsinu og er húsið síðan hin mesta bæjarprýði. Voru þetta stórframkvæmdir; húsið „tjakkað upp” um ríflega hálfan annan metra og steyptur undir það nýr kjallari. Gluggar og klæðningar voru endurnýjaðar og í nýjum kjallara innréttaður veitingastaður. Þá voru einnig settar svalir framan á húsið, hvor á sinni hæð. Hæðirnar tvær voru innréttaðar sem skrifstofurými og íbúðarrými. Fyrsti veitingastaðurinn sem rekinn var á hinni nýju jarðhæð kallaðist Játvarður en nú er þar taílenski veitingastaðurinn Krua Siam. Á efri hæðum hússins eru verkfræðistofan Opus og Fasteignasalan Holt, auk þriggja íbúða. Þessi mynd er tekin þann 24. febrúar 2019.
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
