„Hægt að starfa í pólitík með kurteisi og virðingu“
Á síðasta fundi bæjarstjórnar Akureyrar voru kynntar og samþykktar samhljóða tillögur starfshóps sem hafði það verkefni að útbúa viðbragðsáætlun vegna ofbeldis, áreitis og/eða kynferðislegrar áreitni sem kjörnir fulltrúar kunna að verða fyrir í störfum sínum fyrir bæinn. Eins átti þessi starfshópur að yfirfara siðareglur og nýliðafræðslu kjörinna fulltrúa.
Starfshópurinn var skipaður á fundi bæjarstjórnar 12. desember 2017 í kjölfar #metoo umræðu í samfélaginu. Í ágúst 2018 fól bæjarstjórn starfshópnum að endurskoða siðareglur fyrir kjörna fulltrúa í heild sinni og þá sérstaklega þann hluta er snýr að hagsmunaárekstrum. Eins var eftir umræður í vinnuhópum ákveðið að búa til verkferla/viðbragðsáætlanir er snúa að fleiri þáttum í störfum kjörinna fulltrúa heldur en þá er snúa að #metoo.
Eva Hrund Einarsdóttir bæjarfulltrúi Sjálfstæðisflokksins leiddi vinnu starfshópsins og segir vinnuna hafa verið lærdómsríka. „Þegar metoo byltingin fór af stað þá fóru alls konar tilfinningar og hugsanir af stað hjá mörgum og hreint ótrúlegar sögur komu fram sem gerði það að verkum að þáverandi bæjarstjórn sá sér ríka ástæðu til þess að bregðast við með einhverju móti. Við sem vorum skipuð í starfshópinn upplifðum tilgang þess að fara í verkefnið mikilvægan þess vegna var okkur í mun um að gera þetta vel. Verkefnið varð mun viðameira heldur en lagt var af stað með og fyrir því voru ýmsar ástæður. En í okkar vinnu lögðum við upp með að gera starfsumhverfi pólitískra fulltrúa meira aðlaðandi, skapa meira traust á stjórnmálum og búa til farveg komi upp atvik,“ segir Eva Hrund.
Eva Hrund Einarsdóttir
Heilbrigt vinnuumhverfi, samskiptasáttmáli og hagsmunaskráning
Um helstu breytingar segir Eva Hrund að siðareglurnar hafi verið uppfærðar að miklu leiti. „Meðal annars er bætt inn þáttum er snúa að framkomu, starfsháttum og heiðarleika og áhersla lögð á að kjörnir fulltrúar skapi heilbrigt vinnuumhverfi þar sem hafnað sé hvers konar kynferðislegri eða kynbundinni áreitni, einelti, ógnandi eða annarri vanvirðandi framkomu. Eins var breytt þáttum er snúa að hagsmunaárekstrum og lagt til að bæjarfulltrúar haldi úti hagsmunaskráningu. Meðfylgjandi siðareglunum lögðum við til samskiptasáttmála sem að mér vitandi hefur ekki verið gert í stjórnmálastarfi á Íslandi. Með samskiptasáttmála er ekki verið að ýta undir meðvirkni og að pólitíkinni verði hætt en þó að við séum hér að starfa í pólítík þá er vel hægt að gera það með virðingu og kurteisi að leiðarljósi og huga að því að leiðin til árangurs sé með því að fara í málefnin en ekki manninn,“ segir Eva Hrund.
Hún kveðst eiga von á að önnur sveitarfélög fylgi þeirra fordæmi. „Ég óska þess, því að hafa verkferla, skýrar siðreglur og samskiptasáttmála til þess að spyrna á móti atvikum er tengjast metoo eru einungis til góðs.“
Nýjast
-
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka. -
Íþróttir fyrir alla!
Hver króna sem fer til íþróttafélaga er króna sem skilar sér margfalt til baka í samfélagið. Um kosti íþróttastarfs á Íslandi verður ekki deilt. Starfið er faglegt, fjölbreytt og gott. Það sem hefur breyst á undanförnum árum er að íþróttir eru gríðarlega atvinnuskapandi. Félögin á Íslandi í dag eru orðin stærri og komin með fleiri starfsmenn í full störf. Ásamt því að afleidd störf tengd íþróttum á Íslandi, t.d. í ferðaþjónustu, eru orðin ansi mörg og drjúg.
